1 Yoˇhaˬ 4:18 - Akha

¹⁸ Gʼoeˇ-eu gaˬ-eu jeˬ laꞈ kʼoeˇ, guˆ-eu jeˬ maˬ ahˇ-a. Byah-eu gʼoeˇ-eu gaˬ-eu jeˬ-aˬ, guˆ-eu nui ma bi byoˆ-iˇ-eu meh. Kʼoeˇ miˇ neh, guˆ-eu nui ma ahˇ-eu tsawˇ haˬ laꞈ kʼoeˇ gʼoeˇ-eu gaˬ-eu jeˬ maˬ byah laˇ nya-a. Aˬ jeˬ miˇ neh ehˇ naˇ, guˆ-eu jeˬ-aˬ, kʼehˬ-eu kʼaˆ-eu jeˬ-ahˇ ya daˬ luꞈ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Gaq-eu lafkhoer, guv-eu jeq maqanr-a. Byan-eu gaq-eu jeq-aq, guv-eu jeq-anr taedov-eu mae. Aqjeq mirnae aernar-aq, guv-eu jeq-aq, khaeq-awr khav-eu jeq-anr taf-awr, guvnya-eu tsawrhaq-euq lafkhoer gaq-eu jeq maqbyan-a siq.

1 Yoˇhaˬ 4:18 ပူးပေါင်းရင်းမြစ်များ

Yawˇbaˆ 15:21

Guˆ-eu gaˆ-eu teˇ saˇ aˬ yawꞈ-euˬ naˬ bawˇ-ahˇ ya gaˬ-awˇ, kʼahˬ lahˇ kʼaˇ maˬ za ma lehˇ noeˬ ngeh, tahˇ joe joe gaˇ ya daˬ tehꞈ-a.

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Maꞈtehˬ 9:34

Ehˇ kʼawꞈ, Paˬliˬsehˇ deuˬ ehˇ-eu, “Nehꞈ Sahˬpaˬ-euˬ baoˬ-ahˇ aˬ yawꞈ gʼoe-awˇ nehꞈ teh doˆ-eu ngaˇ.”

Lormav 8:15

Aˬ jeˬ miˇ neh ehˇ naˇ, Miˬyehˇ neh naw maꞈ-ahˇ biꞈ-euˬ Yaw sahˇ Miˬyehˇ-aˬ, naw maꞈ-ahˇ zaˬ kʼaˆ maˬ bi geuꞈ-eu uˬ taꞈ, naw maꞈ guˆ-iˇ ni maˬ jahˇ-a. Naw maꞈ Miˬyehˇ-euˬ zaˬ pyeuꞈ laˇ ni jahˇ-eu meh. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ Miˬyehˇ-ahˇ “Aˬda-oˇ, ngaˬ Da-oˇ” lehˇ aˬ dui kuˇ-eu ma.

2 Tiˆmoˇseˬ 1:7

Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ Yaw sahˇ-aˬ, aˬ dui-euˬ nui ma bi baˬ-iˇ-eu maˬ ngeuˇ-a. Yaw sahˇ kʼoeˇ-aˬ, aˬ dui-euˬ nui ma laꞈ kʼoeˇ, baoˬ maˬ ehˇ, gʼoeˇ-eu gaˬ-eu jeˬ maˬ ehˇ, yawˬ ha-euˬ nui ma-ahˇ gʼaˬ leˇ-eu jeˬ maˬ ehˇ, bi ahˇ laˇ-eu meh.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

Yaˬkoˆ 2:19

Miˬyehˇ tiˬ gʼaˬ tehꞈ-ehˇ jawˇ-eu meh lehˇ nawˇ jah-eu miˇ neh maˬ gaˇ dzehˬ ma lehˇ noeˬ te loˇ. Nehꞈ deuˬ kʼawꞈ kʼoeˇ loꞈ-ehˇ jah-awˇ, guˆ guˆ-ehˇ yaw dzuˬ dzuˬ luꞈ meh.

1 Yoˇhaˬ 4:12

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Ehˇ kʼawꞈ, aˬ dui tiˬ gʼaˬ tiˇ gʼaˬ gaˬ naˇ, aˬ dui laꞈ kʼoeˇ Miˬyehˇ jawˇ-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui laꞈ kʼoeˇ byah laˇ tehꞈ-a.