1 Yoˇhaˬ 3:9 - Akha

⁹ Miˬyehˇ-euˬ zaˬ pyeuꞈ laˇ-euˬ tsawˇ haˬ aˬ geuˬ gʼaˬ maˬ kaˬ, iˬ baˇ maˬ paˇ mˇ meh. Aˬ jeˬ miˇ neh ehˇ naˇ, Miˬyehˇ-euˬ seuˆ dzeuꞈ aˬ yawꞈ-euˬ laꞈ kʼoeˇ ahˇ-eu meh. Miˬyehˇ-aˬ, aˬ yawꞈ-euˬ aˬ da pyeuꞈ-eu baˬ da neh, aˬ yawꞈ iˬ baˇ maˬ paˇ mˇ daˆ leꞈ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Miqyaer-anr nae daefle-euq aqsur ghaq maqkaq, iqbax maqmr-a. Aqjeq mirnae aernar-aq, Miqyaer-euq aryoeq aqyawf-euq lafkhoer anr-eu mae. Aqyawf, Miqyaer-anr nae daefle-euq mirnae, iqbax maqpar mr-ar.

1 Yoˇhaˬ 3:9 ပူးပေါင်းရင်းမြစ်များ

Yawˇbaˆ 19:28

Aˬ jeˬ miˇ neh ehˇ naˇ, ngaˬ-ahˇ aˬ joˆ-ehˇ kʼehˬ nmˇ lehˇ naw maꞈ ehˇ-awˇ, ngaˬ-ahˇ kʼehˬ-eu gaˇ ma poˆ luꞈ meh.

Jaceuq 119:3

Sahˬpaˬ Miˬyehˇ-euˬ gaˇ ma-ahˇ aˬ yawꞈ maꞈ cah-awˇ, yaw lehˬ jeˬ maˬ mˇ-a.

Uˬ duˬ 11:37

Siˬ yoeˬ sehˬ-eu lehˇ gʼeh-eu siˬ yoeˬ aˇ nuiˆ kʼoeˇ taˆ, kʼoeˇ loꞈ-ehˇ gʼeh-eu jeˬ zaˬ yaw shiˇ ga daˆ kʼawꞈ, siˬ yoeˬ kʼoeˇ yaw shawˇ meh.

Maꞈtehˬ 7:18

Aˇ bawˇ yaw muiˬ-ahˇ aˇ siˬ yaw doeˇ maˬ siˬ le nya-a. Kʼoeˇ gaˇ duˇ ni, aˇ bawˇ yaw doeˇ-ahˇ aˇ siˬ yaw muiˬ maˬ siˬ le nya-a.

Yoˇhaˬ 1:13

Aˬ yawꞈ maꞈ Miˬyehˇ-euˬ zaˬ pyeuꞈ laˇ-eu kʼoeˇ-aˬ, miˇ tsaˬ zaˬ deuˬ aˬ da o neh dehꞈ le-awˇ aˬ da-euˬ zaˬ deuˬ pyeuꞈ gaˇ maˬ duˇ-a. Miˬyehˇ neh aˬ yawꞈ maꞈ-ahˇ aˬ yawꞈ-euˬ zaˬ bi pyeuꞈ laˇ-euˬ tiˬ jeˬ meh.

Yoˇhaˬ 3:3

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Tsawˇ haˬ tiˬ gʼaˬ-iˬ nyiˬ poˆ tiˬ poˆ maˬ dehꞈ paˇ naˇ, Miˬyehˇ miˇ kʼahˬ-ahˇ maˬ ya mawˇ-aˇ.”

Gʼaˬkʼehˇ 4:20

Nga nyaꞈ law nmˇ-aˬ, nga nyaꞈ neh kʼaˇ ya gaˬ kʼaˇ ya mawˇ-euˬ gaˇ kawˆ heu maˬ ja-ehˇ maˬ jawˇ coeˇ nya.”

Lormav 6:2

Kʼoeˇ loꞈ-ehˇ maˬ ngeuˇ-a. Iˬ baˇ mˇ-eu jeˬ-ahˇ taꞈ leˇ-awˇ, aˬ dui shiˇ dzeuˇ gʼaˬ-euˬ gaˇ duˇ-eu-aˬ, iˬ baˇ laꞈ kʼoeˇ aˬ duiˬ aˬ joˆ-ehˇ paˇ dehꞈ daˆ gʼeh leꞈ nya nmˇ.

Gaˬlaˬtiˆ 5:17

Aˬ jeˬ miˇ neh ehˇ naˇ, shiˬ shaˬ jiˇ nui kʼahˇ-aˬ, Yaw sahˇ Miˬyehˇ-ahˇ maˬ tsaˬ leˇ-ehˇ, Yaw sahˇ Miˬyehˇ kʼawꞈ, shiˬ shaˬ jiˇ nui kʼahˇ-ahˇ maˬ tsaˬ leˇ-a. Heu nyiˬ jeˬ-aˬ, tiˬ jeˬ tiˇ jeˬ muiˇ-eu miˇ neh, naw maꞈ yawˬ ha mˇ mawꞈ-eu jeˬ maˬ mˇ nya-a.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

1 Beˬtuˆluˆ 1:23

Aˬ jeˬ miˇ neh ehˇ naˇ, naw maꞈ-aˬ, mˬ maˬ maˬ byaˆ zaˇ ziˇ ziꞈ-eu dehꞈ luꞈ-eu Miˬyehˇ-euˬ dawˬ kawˬ baˬ da neh tiˬ jawˇ-iˬ maˬ shiˇ ni dehꞈ-eu gʼaˬ-euˬ zaˬ pyeuꞈ laˇ-euˬ meh. Shiˇ nya-eu tsawˇ haˬ-euˬ zaˬ pyeuꞈ laˇ-euˬ maˬ ngeuˇ-a.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.

1 Yoˇhaˬ 3:6

Kʼoeˇ miˇ neh, Ka li laꞈ kʼoeˇ kʼaˇ jawˇ-eu tsawˇ haˬ-aˬ, iˬ baˇ maˬ paˇ mˇ meh. Ehˇ kʼawꞈ, iˬ baˇ kʼaˇ mˇ doˆ leꞈ-eu tsawˇ haˬ-aˬ, Ka li-ahˇ tiˬ jawˇ-iˬ maˬ siˬ maˬ mawˇ haw-euˬ tsawˇ haˬ pyeuꞈ-eu meh.

1 Yoˇhaˬ 4:7

Ngaˇ gaˬ dui dui-eu cawˬ deuˬ-oˇ, aˬ dui tiˬ gʼaˬ tiˇ gʼaˬ gaˬ kaˇ-euˇ. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, Miˬyehˇ jawˇ gaˇ neh doˆ le-euˬ meh. Gʼoeˇ-eu gaˬ-eu jeˬ kʼaˇ ahˇ-eu tsawˇ haˬ-aˬ, Miˬyehˇ-euˬ zaˬ pyeuꞈ-awˇ, Miˬyehˇ-ahˇ siˬ nya-eu meh.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

1 Yoˇhaˬ 5:18

Miˬyehˇ-euˬ zaˬ tiˬ gʼaˬ-iˬ iˬ baˇ mˇ mˇ-ehˇ maˬ dehꞈ-a lehˇ aˬ dui siˬ nya meh. Aˬ jeˬ miˇ neh ehˇ naˇ, Miˬyehˇ-euˬ Zaˬmaˇ aˬ yawꞈ-ahˇ haw teˬ haw piˇ luꞈ-eu miˇ neh, Haiˬ dui dui-eu Gʼaˬ aˬ yawꞈ-ahˇ maˬ laˆ ciˆ leˇ nya-a.

1 Yoˇhaˬ 5:4

Aˬ jeˬ miˇ neh ehˇnaˇ, Miˬyehˇ-euˬ zaˬ aˬ geu gʼaˬ maˬ kaˬ, miˇ tsaˬ heu-ahˇ gʼaˬ leˇ nya-eu meh. Aˬ dui-euˬ jah-eu jeˬ baˬ da neh miˇ tsaˬ heu-ahˇ aˬ dui gʼaˬ leˇ-eu ma.

3 Yoˇhaˬ 1:11

Ngaˇ gaˬ dui dui-eu cawˬ-oˇ, maˬ muiˬ-eu jeˬ-ahˇ maˬ dzaw geuꞈ ni, yaw muiˬ jeˬ-ahˇ tehꞈ-ehˇ dzaw geuꞈ-awˬ. Yaw muiˬ jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, maˬ muiˬ-eu jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ maˬ siˬ maˬ mawˇ haw-euˬ tsawˇ haˬ pyeuꞈ-eu meh.