1 Yoˇhaˬ 3:23 - Akha

²³ Aˬ yawꞈ neh aˬ dui-ahˇ biꞈ-euˬ dawˬ-aˬ, aˬ yawꞈ-euˬ Zaˬmaˇ Yeˬsuˇ Ka li-ahˇ jah-awˇ, Ka li neh dawˬ biꞈ taˬ-euˬ loꞈ-ehˇ tiˬ gʼaˬ tiˇ gʼaˬ gaˬ-awˬ lehˇ ehˇ-eu kʼoeˇ dawˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Miqyaer nae biftaq-euq dawq-aq heulof-aer mae. Aqdui, aqyawf-euq Zaqyo, Yeqsur Kali-euq tsawrmyanr-anr yajan-awr, aqyawf nae dawq biftaq yaf-euq lof-aer tiqghaq tirghaq yagaq-eu mae.

1 Yoˇhaˬ 3:23 ပူးပေါင်းရင်းမြစ်များ

Maꞈtehˬ 22:39

Aˬ cawˬ naˆ maˬ tseˇ huiˬ-eu nyiˬ dawˬ tiˬ dawˬ-aˬ, ‘Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ’ lehˇ ehˇ-eu kʼoeˇ dawˬ meh.

Maˬkuˆ 9:7

Kʼoeˇ ngeh, aˬ yawꞈ maꞈ-ahˇ mˬ dmˇ dehˬ kaˬ le-awˇ, mˬ dmˇ laꞈ kʼoeˇ heu loꞈ-ehˇ dawˬ ngehˬ doˆ laꞈ-euˬ meh. “Heu-aˬ, ngaˇ gaˬ dui dui-eu ngaˬ-euˬ Zaˬmaˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ.”

Yoˇhaˬ 1:12

Ehˇ kʼawꞈ, tiˬ paˆ na deuˬ aˬ yawꞈ-ahˇ ha geuꞈ-awˇ jah-eu meh. Kʼoeˇ miˇ neh, Miˬyehˇ-euˬ zaˬ bi pyeuꞈ laˇ-eu a kawˬ-aˬ, aˬ yawꞈ maꞈ-ahˇ aˬ yawꞈ biꞈ-euˬ meh.

Yoˇhaˬ 13:34

Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

Yoˇhaˬ 14:1

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ nui ma shaˬ zahˬ taˬ mˇ. Miˬyehˇ-ahˇ jah-awˇ, ngaˬ-ahˇ kʼawꞈ jah-awˬ.

Yoˇhaˬ 15:12

Naw maꞈ-ahˇ dawˬ heu dawˬ biꞈ-eu ma. Ngaˇ naw maꞈ-ahˇ gaˬ-eu loꞈ-ehˇ, naw maꞈ tiˬ gʼaˬ tiˇ gʼaˬ gaˬ-awˬ.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 2:23

Baˬ saˬ kaˬ bawˬ-iˬ gʼeh-eu aˇ yamˬ laꞈ kʼoeˇ, Yeˬluˇsaˬlehˬ meuˬ-ahˇ Yeˬsuˇ jawˇ luꞈ ngeh, aˬ yawꞈ neh mˇ-euˬ kʼaˆ jeˬ-ehˇ gʼeh-eu bi siˬ bi mawˇ-eu jeˬ-ahˇ aˬ cawˬ ya mawˇ-awˇ, tsawˇ haˬ gʼawˬ mya ni aˬ yawꞈ-ahˇ jah laˇ-euˬ meh.

Yoˇhaˬ 3:18

Zaˬmaˇ-ahˇ kʼaˇ jah-eu tsawˇ haˬ-aˬ, yaˇ kʼaˬ daˇ gaˇ maˬ ya daˬ-a. Ehˇ kʼawꞈ, maˬ jah-eu tsawˇ haˬ-aˬ, Miˬyehˇ-euˬ Zaˬmaˇ-ahˇ maˬ jah-eu kʼoeˇ baˬ da neh, nymˬ-mˇ mi naˆ-ehˇ yaˇ kʼaˬ daˇ tsehˆ taˬ-euˬ gaˇ ya daˬ luꞈ meh.

Yoˇhaˬ 6:29

Yeˬsuˇ ehˇ-eu, “Miˬyehˇ-euˬ gaˇ-aˬ, aˬ yawꞈ neh kʼehˇ gʼeh leꞈ-euˬ gʼaˬ-ahˇ naw maꞈ jah-eu kʼoeˇ meh.”

Gʼaˬkʼehˇ 16:31

Aˬ yawꞈ nyaꞈ ehˇ-eu, “Sahˬpaˬ Yeˬsuˇ-ahˇ jah-awˬ. Ka kʼoꞈ-eu jeˬ za tehꞈ-a. Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ za tehꞈ-a.”

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

1 Teˇsaˬloˇni 4:9

Ka li zaˬ cawˬ cawˬ ya gaˬ ya gʼoeˇ-eu gaˇ kawˆ naw maꞈ-ahˇ boꞈ nehˬ-eu maˬ paˇ loˬ meh. Naw maꞈ tiˬ gʼaˬ tiˇ gʼaˬ aˬ joˆ-ehˇ ya gaˬ ya gʼoeˇ-eu gaˇ kawˆ, Miˬyehˇ neh naw maꞈ-ahˇ mehˬ nehˬ tsoˆ nehˬ gʼaˬ-euˬ meh.

1 Tiˆmoˇseˬ 1:15

Iˬ baˇ zaˬ-ahˇ ka kʼoꞈ-eu gʼaˇ duˬ Yeˬsuˇ Ka li miˇ tsaˬ kʼoeˇ taˆ oe-euˬ meh lehˇ ehˇ taˬ-euˬ kʼoeˇ-aˬ, tiˬ byah tiˬ loꞈ ha geuꞈ-awˇ jah paˬ-ehˇ gʼeh-eu dawˬ pyeuꞈ-eu meh. Iˬ baˇ zaˬ deuˬ laꞈ kʼoeˇ aˬ cawꞈ naˆ maˬ tseˇ iˬ baˇ huiˬ dzehˬ-eu gʼaˬ-aˬ, ngaˇ ma.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.

1 Yoˇhaˬ 2:7

Ngaˇ gaˬ dui dui-eu cawˬ deuˬ-oˇ, ngaˇ naw maꞈ-ahˇ boꞈ ahˇ laꞈ-euˬ dawˬ heu deuˬ-aˬ, yaw shuiꞈ maˬ ngeuˇ. Aˇ dahˬ beh ngeh neh naw maꞈ-ahˇ biꞈ-euˬ dawˬ yaw oeˇ kʼoeˇ ma. Dawˬ yaw oeˇ kʼoeˇ-aˬ, naw maꞈ-ahˇ mehˬ nehˬ-euˬ guiˬ lahˬ dawˬ kʼoeˇ meh.

1 Yoˇhaˬ 3:11

Aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-aˬ, aˬ dui tiˬ gʼaˬ tiˇ gʼaˬ ya gaˬ meh lehˇ ehˇ-eu kʼoeˇ dawˬ meh.

1 Yoˇhaˬ 4:15

Yeˬsuˇ-aˬ, Miˬyehˇ-euˬ Zaˬmaˇ meh lehˇ kʼaˇ ehˇ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˬ jawˇ-eu meh.

1 Yoˇhaˬ 4:21

Ka li neh aˬ dui-ahˇ biꞈ taˬ yaꞈ-euˬ dawˬ-aˬ, heu loꞈ-ehˇ meh. Miˬyehˇ-ahˇ gaˬ-eu tsawˇ haˬ-aˬ, Ka li zaˬ cawˬ cawˬ ya gaˬ meh.

1 Yoˇhaˬ 5:13

Miˬyehˇ-euˬ Zaˬmaˇ-ahˇ jah-eu tsawˇ haˬ deuˬ pyeuꞈ-eu naw maꞈ, yawˬ ha mˬ maˬ maˬ byaˆ zaˇ ziˇ dehꞈ-eu jeˬ za-euˬ gaˇ kawˆ siˬ nya ni, ngaˇ naw maꞈ-ahˇ sahˬ boꞈ boꞈ ahˇ laꞈ-euˬ jeˬ pyeuꞈ-eu ma.