1 Yoˇhaˬ 3:19 - Akha

¹⁹ Aˬ dui-euˬ gʼoeˇ-eu gaˬ-eu jeˬ heu maˇ jawˆ ni gʼeh-eu baˬ da neh, yawˬ ha yaw tsaˬ yaw dawˇ jeˬ-ahˇ taꞈ-eu gaˇ kawˆ yawˬ haˇ yawˬ ha siˬ laˇ tehꞈ-a. Kʼoeˇ baˬ da neh Miˬyehˇ mehˬ shi aˬ dui nui ma ziꞈ dah ni jaˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqdui khoerlof-aer gaq-eu mirnae, aqdui yawtsaq yawdawr jeq-anr taf-eu tsawrhaq ma laer siqnya-awr, Miqyaer-euq maeqshi aqdui-euq nuima zifdanni jav taef-a.

1 Yoˇhaˬ 3:19 ပူးပေါင်းရင်းမြစ်များ

Jaceuq 119:56

Nawˬ-euˬ dawˬ-ahˇ naˇ haˬ geuꞈ-eu jeˬ laꞈ kʼoeˇ, ngaˇ laˬ kʼaˬ cehˇ nui saˇ za-eu ma.

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Yoˇhaˬ 13:35

Naw maꞈ tiˬ gʼaˬ tiˇ gʼaˬ gaˬ-eu jeˬ ahˇ naˇ, naw maꞈ ngaˬ-euˬ zaˬ lahˇ ngaˇ lehˇ tsawˇ haˬ dawˬ tawˆ luꞈ siˬ nya tehꞈ-a.”

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Lormav 4:21

Miˬyehˇ-aˬ, saˇ jaˇ kʼaˇ dzaˬ taˬ-euˬ loꞈ-ehˇ mˇ byah nya meh lehˇ aˬ yawꞈ ziˬ dah ni jah-euˬ meh.

Lormav 8:38

Aˬ jeˬ miˇ neh ehˇ naˇ, aˬ yawꞈ-euˬ gʼoeˇ-eu gaˬ-eu jeˬ-ahˇ aˬ dui ya gʼawˬ-iˇ ni tiˬ jeˬ-iˬ maˬlaˆ pyaˆ laˇ nya-aˇ lehˇ ngaˇ siˬ duˬ taˬ-euˬ ma. Shiˇ-eu jeˬ maˬ ehˇ, dehꞈ-eu jeˬ maˬ ehˇ, mˬ taˆ gʼaˬ kʼehˇ deuˬ maˬ ehˇ, mˬ kʼoeˇ taˆ uˆ lahˇ luꞈ-eu deuˬ maˬ ehˇ, mˬ taˆ-euˬ baoˬ deuˬ maˬ ehˇ, heu ziˇ maˬ ehˇ, aˬ kaˇ kaˇ ziˇ maˬ ehˇ,

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

HeˬByehˇ 11:13

Tsawˇ haˬ heu deuˬ dawˬ tawˆ luꞈ, jah-eu jeˬ laꞈ kʼoeˇ shiˇ-euˬ meh. Miˬyehˇ neh saˇ jaˇ dzaˬ taˬ-euˬ jeˬ-ahˇ aˬ yawꞈ maꞈ maˬ za-aˬ. Ehˇ kʼawꞈ, Miˬyehˇ neh saˇ jaˇ dzaˬ taˬ-euˬ jeˬ byah laˇ gaˇ, gaˇ mahˇ kaˬ gaˇ neh aˬ yawꞈ maꞈ ya mawˇ-awˇ laˬ kʼaˬ cehˇ nui kʼahˇ shiˇ-eu laꞈ kʼoeˇ, aˬ yawꞈ maꞈ miˇ tsaˬ kʼoeˇ taˆ tiˬ kʼehˬ tiˬ yamˬ jawˇ naˬ mˇ-eu daˬ yah tehꞈ ma lehˇ ehˇ-eu meh.

1 Yoˇhaˬ 1:8

Aˬ dui iˬ baˇ maˬ ahˇ lehˇ ehˇ naˇ, yawˬ haˇ yawˬ ha jaˬ myawꞈ myawꞈ-eu jeˬ pyeuꞈ-awˇ, aˬ dui-euˬ laꞈ kʼoeˇ yaw tsaˬ yaw dawˇ jeˬ maˬ ahˇ-a.

1 Yoˇhaˬ 2:21

Naw maꞈ yaw tsaˬ yaw dawˇ jeˬ-ahˇ maˬ siˬ nya-eu baˬ da neh, ngaˇ naw maꞈ-ahˇ sahˬ bo boꞈ ahˇ laꞈ-eu maˬ ngeuˇ. Yaw tsaˬ yaw dawˇ kʼoeˇ-ahˇ naw maꞈ siˬnya-eu uˬ taꞈ, kʼoeˇ-euˬ laꞈ kʼoeˇ jaˬ myawꞈ myawꞈ-eu jeˬ maˬ doˆ laˇ-a lehˇ naw maꞈ siˬ nya-eu baˬ da neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu jeˬ pyeuꞈ-eu ma.

1 Yoˇhaˬ 3:14

Aˬ dui-aˬ, shiˇ-eu jeˬ laꞈ kʼoeˇ neh doˆ dzeuˇ laˇ-awˇ, dehꞈ-eu jeˬ laꞈ kʼoeˇ uˇ keuˆ laˇ taˬ-euˬ ma lehˇ siˬ nya-eu ma. Aˬ dui Ka li zaˬ cawˬ cawˬ gaˬ luꞈ-eu miˇ neh, kʼoeˇ loꞈ-ehˇ ehˇ tsehˆ nya-eu ma. Gʼoeˇ-eu gaˬ-eu jeˬ maˬ ahˇ-eu tsawˇ haˬ-aˬ, shiˇ-eu jeˬ-euˬ baoˬ uˬ moˆ jawˇ luꞈ-a siˬ.

1 Yoˇhaˬ 3:20

Aˬ dui-euˬ nui ma aˬ dui-ahˇ iˬ baˇ taˬ kʼaˇ za ngeh, Miˬyehˇ-aˬ, aˬ dui-euˬ nui ma naˆ maˬ tseˇ huiˬ dzehˬ mahˇ dzehˬ-awˇ dawˬ tawˆ luꞈ-ahˇ siˬ nya meh lehˇ aˬ dui noeˬ duˬ kʼaˇ za-eu ma.

1 Yoˇhaˬ 3:21

Kʼoeˇ miˇ neh ngaˇ gaˬ dui dui-eu cawˬ deuˬ-oˇ, aˬ dui-euˬ nui ma aˬ dui-ahˇ iˬ baˇ taˬ kʼaˇ maˬ za naˇ, Miˬyehˇ mehˬ shi aˬ dui nui ma ziꞈ dah ni jaˆ-eu ma.