1 Yoˇhaˬ 2:5 - Akha

⁵ Ehˇ kʼawꞈ, Miˬyehˇ-euˬ ehˇ dawˬ kʼaˇ naˇ haˬ geuꞈ-eu tsawˇ haˬ-aˬ, aˬ yawꞈ-euˬ laꞈ kʼoeˇ Miˬyehˇ-ahˇ gaˬ-eu jeˬ byah laˇ gʼaˬ-euˬ meh. Kʼoeˇ loꞈ-ehˇ naˇ haˬ geuꞈ-eu laꞈ kʼoeˇ, aˬ dui aˬ yawꞈ laꞈ kʼoeˇ jawˇ-eu tsawˇ haˬ pyeuꞈ-eu gaˇ kawˆ yaw duˬ yaw ciˇ baw-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, Sanqpaq Miqyaer-euq dawq khar narhaq geuf-eu tsawrhaq-aq, Miqyaer-anr gaq-eu jeq aqyawf-euq lafkhoer aqdir byanlar-euq mae. Heu-euq baqda’nae, aqdui, aqyawf-euq lafkhoer jawrluf ma laer siqlar-eu ma.

1 Yoˇhaˬ 2:5 ပူးပေါင်းရင်းမြစ်များ

Jaceuq 105:45

Aˬ yawꞈ-euˬ tsawˇ haˬ deuˬ aˬ yawꞈ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-awˇ, aˬ yawꞈ mehˬ nehˬ tsoˆ nehˬ-euˬ dawˬ-ahˇ ziꞈ ni, kʼoeˇ loꞈ-ehˇ jahˇ nehˬ-euˬ meh. Sahˬpaˬ Miˬyehˇ-ahˇ ja ceuˬ-awˬ.

Jaceuq 106:3

Aˬ yawꞈ-euˬ dawˬ-ahˇ naˇ haˬ geuꞈ-awˇ, aˬ myah luꞈ yaw tsaˬ yaw dawˇ jeˬ mˇ-eu deuˬ, guiˬ lahˬ huiˬ tehꞈ-a.

Jaceuq 119:146

Nawˬ-ahˇ ngaˇ guˇ-awˇ shaˇ-eu ma. Ngaˬ-ahˇ ka kʼoꞈ nehˬ laꞈ. Nawˬ-euˬ dawˬ-ahˇ ngaˇ naˇ haˬ geuꞈ ma.

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Jaceuq 119:4

Sahˬpaˬ Miˬyehˇ-oˇ, nawˇ nga maꞈ-ahˇ nawˬ-euˬ zahˇ dawˬ kʼoꞈ dawˬ biꞈ laꞈ-awˇ, saˇ jaˇ ziꞈ-awˇ caw teh nya ni mehˬ nehˬ tsoˆ nehˬ laꞈ-euˬ meh.

Dawqdaq 28:7

Miˇ kʼahˬ zahˇ sahˇ kʼoꞈ-ahˇ yaw muiˬ paˬ-ehˇ caw teh-eu zaˬ guˬ-aˬ, tsawˇ gahˇ ahˇ-eu meh. Gaˇ dahˇ maˬ tsoeˬ-eu deuˬ nehˬ-ehˇ cawˬ cawˬ-eu gʼaˬ-aˬ, aˬ da-euˬ nui ma-ahˇ laˆ shaˬ nehˬ-eu meh.

Dawqdaq 8:32

Teu miˇ neh zaˬ guˬ deuˬ-oˇ, ngaˬ-euˬ dawˬ-ahˇ naˇ haˬ-awˬ. Ngaˬ neh ehˇ-euˬ loꞈ-ehˇ dehꞈ-awˇ nui saˇ oꞈ-awˬ.

Dawˬ tsoˆ 8:5

Aˬ yawꞈ-euˬ dawˬ-ahˇ kʼaˇ naˇ haˬ kʼoeˇ keuˆ ni, yaw dehꞈ dehꞈ-eu kʼahˬ lahˇ kʼaˇ maˬ za-a. Zaˬ siˬ tsawˇ gahˇ ahˇ-eu deuˬ, aˬ yawꞈ nui ma tsaˬ ni aˬ joˆ-ehˇ ya dehꞈ ya jawˇ-eu aˇ tsuiꞈ aˇ law siˬ nya-eu meh.

Yeˬsaˬgeˬlaˇ 36:27

Ngaˬ-euˬ yaw sahˇ naw maꞈ laꞈ kʼoeˇ bi jawˇ le-awˇ, ngaˬ-euˬ zahˇ dawˬ kʼoꞈ deuˬ hawˇ-eu ngaˬ neh biꞈ-euˬ dawˬ deuˬ-ahˇ naw maꞈ caw teh ni bi laˆ noeˬ ma.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Yoˇhaˬ 14:21

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 15:5

“Ngaˇ-aˬ, aˬ gaꞈ baw duˆ ma. Naw maꞈ-aˬ, uˬ pyaˬ uˬ laꞈ meh. Ngaˬ-ahˇ tsoꞈ tsaꞈ-awˇ, ngaˇ kʼawꞈ aˬ yawꞈ-ahˇ tsoꞈ tsaꞈ-eu tsawˇ haˬ-aˬ, aˇ siˬ gʼawˬ mya ni siˬ le-eu meh. Ngaˬ-ahˇ maˬ tsoꞈ tsaꞈ naˇ, naw maꞈ tiˬ jeˬ-iˬ maˬ jahˇ nya-a.

Yoˇhaˬ 6:56

Ngaˬ-euˬ shaˬ jiˇ dzaˬ-awˇ ngaˬ-euˬ shiˬ dawˇ-eu tsawˇ haˬ-aˬ, ngaˬ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, ngaˇ kʼawꞈ, aˬ yawꞈ-euˬ laꞈ kʼoe jawˇ-eu ma.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Yaˬkoˆ 2:22

Aˬ yawꞈ-euˬ jah-eu jeˬ hawˇ-eu aˬ yawꞈ neh mˇ-euˬ shaˇ-euˬ jeˬ tiˬ gaˇ taꞈ-eu kʼoeˇ, nawˇ maˬ haw mawˇ nya te loˇ. Aˬ yawꞈ-euˬ jah-eu jeˬ-aˬ, aˬ yawꞈ neh mˇ-euˬ shaˇ-euˬ jeˬ laꞈ kʼoeˇ byah laˇ-euˬ meh.

1 Yoˇhaˬ 3:24

Miˬyehˇ neh biꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˇ jawˇ-eu meh. Miˬyehˇ neh biꞈ leꞈ-euˬ Yaw sahˇ Miˬyehˇ baˬ da neh, Miˬyehˇ a dui-euˬ laꞈ kʼoeˇ jawˇ meh lehˇ aˬ dui siˬ duˬ-eu ma.

1 Yoˇhaˬ 4:17

Yaˇ kʼaˬ daˇ-eu aˇ nah-ahˇ aˬ dui nui ma ziꞈ dah ni jaˆ ni, aˬ dui laꞈ kʼoeˇ gʼoeˇ-eu gaˬ-eu jeˬ bi byah laˇ-euˬ meh. Aˬ dui nui ma ziꞈ dah ni jaˆ ma. Aˬ jeˬ miˇ neh ehˇ naˇ, aˬ dui miˇ tsaˬ kʼoeˇ taˆ dehꞈ-eu heu-aˬ, Ka li aˬ yawꞈ miˇ tsaˬ kʼoeˇ taˆ dehꞈ yaꞈ-euˬ loꞈ-ehˇ tiˬ kawˆ ma.

1 Yoˇhaˬ 4:18

Gʼoeˇ-eu gaˬ-eu jeˬ laꞈ kʼoeˇ, guˆ-eu jeˬ maˬ ahˇ-a. Byah-eu gʼoeˇ-eu gaˬ-eu jeˬ-aˬ, guˆ-eu nui ma bi byoˆ-iˇ-eu meh. Kʼoeˇ miˇ neh, guˆ-eu nui ma ahˇ-eu tsawˇ haˬ laꞈ kʼoeˇ gʼoeˇ-eu gaˬ-eu jeˬ maˬ byah laˇ nya-a. Aˬ jeˬ miˇ neh ehˇ naˇ, guˆ-eu jeˬ-aˬ, kʼehˬ-eu kʼaˆ-eu jeˬ-ahˇ ya daˬ luꞈ gaˇ duˇ-eu meh.

1 Yoˇhaˬ 5:2

Aˬ dui Miˬyehˇ-ahˇ gaˬ-awˇ aˬ yawꞈ-euˬ ehˇ dawˬ naˇ haˬ-eu kʼoeˇ-aˬ, Miˬyehˇ-euˬ zaˬ deuˬ-ahˇ aˬ dui gaˬ-eu jeˬ pyeuꞈ-eu meh lehˇ siˬ nya-eu ma.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

2 Yoˇhaˬ 1:6

Gʼoeˇ-eu gaˬ-eu jeˬ lehˇ ngaˇ ehˇ luꞈ-eu heu-aˬ, Miˬyehˇ-euˬ dawˬ-ahˇ naˇ haˬ geuꞈ gaˇ ehˇ mawꞈ-eu ma. Naw maꞈ dawˬ tawˆ luꞈ aˇ dahˬ beh ngeh neh ya gaˬ taˬ-euˬ dawˬ heu dawˬ-aˬ, naw maꞈ dawˬ tawˆ luꞈ gʼoeˇ-eu gaˬ-eu jeˬ laꞈ kʼoeˇ ya dehꞈ meh lehˇ ehˇ-eu kʼoeˇ meh.

Panmaeq 12:17

Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-ahˇ nui ma pehˇ dui dui laˇ-awˇ, zaˬ miˬ zaˬ kʼoeˇ gʼaˬ-euˬ dzeˇ luꞈ-eu zaˬ deuˬ uˆ deuˬ pyeuꞈ-eu, Miˬyehˇ-euˬ ehˇ dawˬ naˇ haˬ-awˇ Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ saˇ jaˇ ziꞈ-eu tsawˇ haˬ dawˬ tawˆ luꞈ-ahˇ, guiˇ deuˆ-eu lehˇ doˆ-iˇ-euˬ meh.

Panmaeq 14:12

Heu-aˬ, Miˬyehˇ ehˇ dawˬ naˇ haˬ-awˇ, Yeˬsuˇ-ahˇ saˇ jaˇ ziꞈ-eu Miˬyehˇ-euˬ tsawˇ haˬ deuˬ kamˬ coeˇ oˇ coeˇ ni ehˇ-eu dawˬ pyeuꞈ-eu meh.