1 Yoˇhaˬ 1:8 - Akha

⁸ Aˬ dui iˬ baˇ maˬ ahˇ lehˇ ehˇ naˇ, yawˬ haˇ yawˬ ha jaˬ myawꞈ myawꞈ-eu jeˬ pyeuꞈ-awˇ, aˬ dui-euˬ laꞈ kʼoeˇ yaw tsaˬ yaw dawˇ jeˬ maˬ ahˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqdui iqbax maqanr laer aernar-aq, yawqhar yawqha jaqmyawf myawf-awr, yawtsaq yawdawr jeq aqdui-euq lafkhoer maqanr-a.

1 Yoˇhaˬ 1:8 ပူးပေါင်းရင်းမြစ်များ

1 Sahˬpaˬ 8:46

“Nawˬ-euˬ tsawˇ haˬ deuˬ nawˬ-ahˇ mˇ lehˬ-awˇ, iˬ baˇ maˬ ahˇ-eu tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh, nawˇ nui ma pehˇ laˇ-awˇ muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-eu laꞈ kʼoeˇ, aˬ cawˬ-euˬ miˇ kʼahˬ-ahˇ aˬ yawꞈ maꞈ-ahˇ bi nyehꞈ gʼeh ngeh, kaˬ dui dui-eu miˇ kʼahˬ-ahˇ aˬ yawꞈ maꞈ ya iˇ keuˆ kʼawꞈ,

2 Sahˬpaˬ 20:15

“Nawˬ-euˬ nymˇ laꞈ kʼoeˇ aˬ yawꞈ maꞈ aˬ jeˬ haw mawˇ taˬ” lehˇ Iˇsaˬyaˇ naˇ haˬ ngeh, “Aˬ yawꞈ maꞈ yawˬ jeˬ na luꞈ haw mawˇ jiˇ-euˬ meh. Ngaˬ-euˬ myawˬ jeˬ hmˬ duˬ-ahˇ kʼaˇ jaˆ-eu jeˬ, aˬ yawꞈ maꞈ-ahˇ maˬ mehˬ nehˬ-euˬ tiˬ jeˬ-iˬ maˬ paˇ jaˆ ma” lehˇ, Heˬsaˬgiˇ ehˇ-eu meh.

2 Laˬsaˬbaˬ 6:36

“Nawˬ-euˬ tsawˇ haˬ deuˬ nawˬ-ahˇ mˇ lehˬ-awˇ, iˬ baˇ maˬ ahˇ-eu tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh, nawˇ nui ma pehˇ laˇ-awˇ, muiˇ-eu deuˬ neh aˬ yawꞈ maꞈ-ahˇ bi deuˆ gʼaˬ-eu laꞈ kʼoeˇ, aˬ cawˬ-euˬ miˇ kʼahˬ-ahˇ aˬ yawꞈ maꞈ-ahˇ bi nyehꞈ gʼeh ngeh, kaˬ dui dui-eu miˇ kʼahˬ-ahˇ aˬ yawꞈ maꞈ ya iˇ keuˆ kʼawꞈ,

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

Yawˇbaˆ 15:14

Shawˇ jehˆ ni gʼeh-eu tsawˇ haˬ maˇ maˇ ni jawˇ meh loˇ. Miˬyehˇ mehˬ shi tsaˬ-eu dawˇ-eu tsawˇ haˬ jawˇ meh loˇ.

Yawˇbaˆ 25:4

Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

Yawˇbaˆ 9:2

“Gaˇ kawˆ kʼoeˇ deuˬ dawˬ tawˆ luꞈ ngaˇ siˬ nya ma. Ehˇ kʼawꞈ, tsawˇ haˬ zaˬ Miˬyehˇ-ahˇ aˬ joˆ-ehˇ ja gʼaˬ nya nmˇ.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Dawqdaq 20:9

Yawˬ ha nui ma yaw shawˇ suˇ ehˇ nya nmˇ. Yawˬ ha yaw lehˬ maˬ jaˆ suˇ no nym nmˇ.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Yeˬlaˬmiˇ 2:35

‘Ngaˇ tiˬ jeˬ-iˬ iˬ baˇ maˬ ahˇ. Sahˬpaˬ Miˬyehˇ ngaˬ-ahˇ nui ma maˬ pehˇ-a’ lehˇ, naw maꞈ ehˇ luꞈ-eu meh. Ehˇ kʼawꞈ, naw maꞈ iˬ baˇ maˬ ahˇ lehˇ myawꞈ-eu baˬ da neh, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼehˬ ma.

Uˬ duˬ 13:12

Maˇ naˇ kʼoeˇ huiˬ laˇ-awˇ, tsawˇ haˬ kʼoeˇ gʼaˬ uˬ duˬ-ahˇ neh aˬ kuiˇ keuˆ ni naˇ byah naˇ,

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Lormav 3:10

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Yaw tsaˬ yaw dawˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

Lormav 3:23

Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ iˬ baˇ mˇ-awˇ, Miˬyehˇ ka kʼoꞈ-eu jeˬ-ahˇ gaˇ mahˇ kaˬ-iˇ-euˬ meh.

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.

Gaˬlaˬtiˆ 6:3

Tsawˇ haˬ tiˬ gʼaˬ na, tiˬ jeˬ-iˬ maˬ mˇ maˬ shaˇ nya kʼawꞈ maˬ gaˇ ma lehˇ noeˬ naˇ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

Yaˬkoˆ 1:22

Aˬ yawꞈ-euˬ dawˬ-ahˇ naˬ bawˇ tehꞈ-ehˇ gaˬ-awˇ, yawˬ haˇ yawˬ ha jaˬ myawꞈ myawꞈ-eu tsawˇ haˬ taˬ bi pyeuꞈ. Naˇ haˬ geuꞈ-eu tsawˇ haˬ bi pyeuꞈ-awˬ.

Yaˬkoˆ 1:26

Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

2 Beˬtuˆluˆ 2:13

Aˬ yawꞈ maꞈ neh aˬ cawˬ-ahˇ yaw doeˇ jahˇ-awˇ kʼaˇ bi daˬ-euˬ loꞈ-ehˇ, aˬ yawꞈ maꞈ ya daˬ poˆ tehꞈ-a. Nah gʼahˇ nah gaˆ-ehˇ yawˬ ha-euˬ shiˬ shaˬ jiˇ nui kʼahˇ ya mˇ byah-eu jeˬ-ahˇ laˬ kʼaˬ cehˇ-eu jeˬ lehˇ aˬ yawꞈ maꞈ sawˇ-eu meh. Aˬ yawꞈ maꞈ-aˬ, naw maꞈ nehˬ-ehˇ dzaˬ taꞈ dawˇ taꞈ ngeh daˬ ga-awˇ shaꞈ dawˇ dui dui paˬ-ehˇ gʼeh-eu, aˬ myah luꞈ jaˬ myawꞈ mehˇ shuiˇ-ahˇ laˬ kʼaˬ cehˇ-eu tsawˇ haˬ deuˬ meh.

1 Yoˇhaˬ 1:10

Aˬ dui iˬ baˇ maˬ mˇ-aˬ lehˇ ehˇ naˇ, Miˬyehˇ jaˬ myawꞈ myawꞈ-eu meh lehˇ aˬ dui ehˇ gaˇ duˇ-awˇ, aˬ yawꞈ-euˬ dawˬ aˬ dui-euˬ laꞈ kʼoeˇ maˬ ahˇ-a.

1 Yoˇhaˬ 1:6

Aˬ dui aˬ yawꞈ nehˬ-ehˇ cawˬ cawˬ luꞈ-eu ma lehˇ ehˇ-awˇ, yaw zahˇ laꞈ kʼoeˇ jawˇ luꞈ-eu ngeuˇ naˇ, aˬ dui ngehˬ-eu tmˇ-eu laꞈ kʼoeˇ maˬ ehˇ, mˇ-eu shaˇ-eu laꞈ kʼoeˇ maˬ ehˇ, aˬ yawꞈ-ahˇ jaˬ myawꞈ myawꞈ luꞈ gaˇ duˇ-eu meh.

1 Yoˇhaˬ 2:4

Tsawˇ haˬ tiˬ gʼaˬ na aˬ yawꞈ-ahˇ siˬ nya ma lehˇ ehˇ-eu kʼawꞈ, aˬ yawꞈ neh biꞈ taˬ-euˬ dawˬ deuˬ-ahˇ maˬ naˇ haˬ geuꞈ naˇ, jaˬ myawꞈ myawꞈ-eu tsawˇ haˬ pyeuꞈ-awˇ, aˬ yawꞈ-euˬ laꞈ kʼoeˇ yaw tsaˬ yaw dawˇ jeˬ maˬ ahˇ-a.

1 Yoˇhaˬ 4:20

Tsawˇ haˬ tiˬ gʼaˬ Miˬyehˇ-ahˇ gaˬ ma lehˇ ehˇ kʼawꞈ, Ka li zaˬ cawˬ cawˬ maˬ gaˬ naˇ, jaˬ myawꞈ myawꞈ-eu tsawˇ haˬ meh. Aˬ jeˬ miˇ neh ehˇ naˇ, yawˬ ha ya mawˇ luꞈ-eu Ka li zaˬ cawˬ cawˬ maˬ gaˬ naˇ, maˬ ya mawˇ-eu Miˬyehˇ-ahˇ aˬ joˆ-ehˇ gaˬ nmˇ.

2 Yoˇhaˬ 1:2

Aˬ jeˬ miˇ neh ehˇ naˇ, yaw tsaˬ yaw dawˇ jeˬ aˬ dui-euˬ laꞈ kʼoeˇ ahˇ-awˇ, mˬ maˬ maˬ byaˆ zaˇ ziˇ aˬ dui jawˇ gaˇ jaˆ tehꞈ-a.

3 Yoˇhaˬ 1:3

Nawˇ-aˬ, aˬ myah luꞈ yaw tsaˬ yaw dawˇ jeˬ laꞈ kʼoeˇ dehꞈ-eu tsawˇ haˬ pyeuꞈ-eu loꞈ-ehˇ, aˬ yuiꞈ aˬ nyiˇ Ka li zaˬ tiˬ paˆ na deuˬ ngaˇ jawˇ gaˇ oe keuˆ-awˇ, yaw tsaˬ yaw dawˇ jeˬ-ahˇ nawˇ aˇ naˆ ni saˇ jaˇ ziꞈ-eu gaˇ kawˆ ja mehˬ nehˬ laꞈ ngeh, ngaˇ la kʼaˬ cehˇ dui dui-eu ma.