1 Tiˆmoˇseˬ 6:4 - Akha

⁴ nui ma huiˬ dui taˬ-awˇ, tiˬ jeˬ-iˬ maˬ siˬ nya-eu tsawˇ haˬ pyeuꞈ-eu meh. Dawˬ gaˇ kawˆ tsawˇ pyehˇ pyehˇ-awˇ ja dzaˬ mawꞈ-eu nui ma ahˇ-eu meh. Kʼoeˇ miˇ neh, myaˆ naˆ-eu, ceh dzaˬ-eu, ja bu ja doeˇ-eu, aˬ cawˬ-ahˇ yaw doeˇ jahˇ mawꞈ-eu, heu loꞈ-ehˇ gʼeh-eu jeˬ bi doˆ laˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ aqyawf-aq, nuima huiq-awr, tiqjeq-iq maq siqnya-eu khawf, dawqdeuq-euq garkawv tsawrpyaer pyaer-awr, jadzaq mawf-eu nuima anr-eu taef mae. Khoermirnae, myavnav nav-eu, caedzaq-eu, jabu jadoer-eu, aqcawq-euq garkawv yawdoer jeq sharnoeq-eu, heudeuq bi dovlar-eu mae.

1 Tiˆmoˇseˬ 6:4 ပူးပေါင်းရင်းမြစ်များ

Dawqdaq 13:7

Smˇ muiˬ geuꞈ-eu iˇ shaˬ deuˬ jawˇ-eu loꞈ-ehˇ, iˇ shaˬ geuꞈ-eu smˇ muiˬ deuˬ jawˇ-eu meh.

Dawqdaq 25:14

Yawˬ ha maˬ mˇ keuˆ nya gaˇ keuˆ ni saˇ jaˇ dzaˬ-eu tsawˇ haˬ-aˬ, uˬ yehˇ maˬ ahˇ-eu mˬ dmˇ hawˇ-eu jaˬ lehˇ-ahˇ duˇ-eu meh.

Dawqdaq 26:12

Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Iˇsaˬyaˇ 58:4

Naw maꞈ maˬ dzaˬ-eu zahˇ jahˇ luꞈ-eu heu, iˬ dehˬ iˬ ceh bi doˆ laˇ-eu gaˇ kawˆ tehꞈ meh. Naw maꞈ maˬ dzaˬ-eu zahˇ heu loꞈ-ehˇ jahˇ-eu baˬ da neh, naw maꞈ shaˇ dawˬ ngaˇ naˇ haˬ meh lehˇ noeˬ te loˇ.

Gʼaˬkʼehˇ 15:2

Gaˇ kawˆ kʼoeˇ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ tsawˇ haˬ kʼoeˇ deuˬ nehˬ-ehˇ pyehˇ dui dui-euˬ meh. Kʼoeˇ miˇ neh, gaˇ kawˆ kʼoeˇ hmˬ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ-ahˇ, Aˬdiˇawˬ meuˬ-ahˇ jawˇ-eu tsawˇ haˬ tiˬ paˆ na deuˬ nehˬ-ehˇ Yeˬluˇsaˬlehˬ meuˬ-ahˇ bi iˇ-awˇ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ nehˬ-ehˇ bi ja cawˬ-iˇ-eu gʼaˇ duˬ ja tsehˆ-euˬ meh.

Gʼaˬkʼehˇ 18:15

Ehˇ kʼawꞈ, dawˬ-euˬ gaˇ kawˆ, tsawˇ myahˇ-euˬ gaˇ kawˆ hawˇ-eu, naw maꞈ-euˬ zahˇ dawˬ kʼoꞈ dawˬ gaˇ kawˆ tsawˇ pyehˇ pyehˇ-eu tehꞈ miˇ neh, naw maꞈ yawˬ haˇ yawˬ ha jahˇ jiˇ-awˬ. Ngaˇ teu loꞈ-ehˇ gʼeh gaˇ yaˇ kʼaˬ daˇ-eu tsawˇ haˬ maˬ ngeuˇ.”

Gʼaˬkʼehˇ 8:9

Siˇmoˬ lehˇ myahˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Aˬ yawꞈ mah loˬ loˬ mehˬ nehˬ-awˇ, kʼoeˇ gaˇ jawˇ-eu tsawˇ haˬ deuˬ-ahˇ laˆ zahˬ nehˬ-euˬ aˇ yamˬ ui cuiˆ myahˇ laˇ-euˬ meh. Aˬ yawꞈ-aˬ, huiˬ-eu tsawˇ haˬ tiˬ gʼaˬ ma lehˇ yawˬ haˇ yawˬ ha ehˇ-eu meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

Lormav 13:13

Nah gʼahˇ yaw bya-ahˇ dehꞈ-eu tsawˇ haˬ deuˬ loꞈ-ehˇ, yaw muiˬ muiˬ-ehˇ dehꞈ gʼeh kaˇ-euˇ. Dzaˬ yehꞈ dawˇ yehꞈ dzaˬ boˆ dawˇ boˆ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, kʼaˬ miˬ sheu-eu jeˬ, iˬ dehˬ iˬ ceh hawˇ-eu myaˆ naˆ-eu jeˬ, heu deuˬ-ahˇ byehˇ dzeh yaꞈ-awˇ dehꞈ daˆ jawˇ daˆ gʼeh kaˇ-euˇ.

Lormav 14:1

Jah-eu gʼaˬ baˬ-eu tsawˇ haˬ-ahˇ ha geuꞈ-awˬ. Ehˇ kʼawꞈ, aˬ yawꞈ neh noeˬ taˬ-euˬ jeˬ-ahˇ tsawˇ pyehˇ taˬ pyehˇ.

Lormav 2:8

Tsawˇ haˬ tiˬ paˆ na deuˬ-aˬ, smˇ kʼaˆ kʼaˆ-awˇ, yaw tsaˬ yaw dawˇ jeˬ-ahˇ maˬ geuꞈ-ehˇ, maˬ tsaˬ maˬ dawˇ-eu jeˬ-euˬ mehˬ nah iˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ kʼoeˇ taˆ Miˬyehˇ nui ma pehˇ-eu jeˬ tahˬ daˆ nehˬ tehꞈ-a.

1 Gawˇliˬtu 11:16

Gaˇ kawˆ heu-ahˇ taꞈ leˇ-awˇ tsawˇ haˬ tiˬ gʼaˬ na dawˬ ja myaˬ mawꞈ naˇ, aˬ dui maꞈ maˬ ehˇ, Miˬyehˇ-euˬ Ka li zaˬ aˇ muˇ deuˬ maˬ ehˇ, uˬ duˬ tahˬ ngeh ya caw teh-eu zahˇ sahˇ kʼoꞈ yawˬ-awˇ yawˬ maˬ paˇ jaˆ ma lehˇ ngaˇ ehˇ mawꞈ-eu ma.

1 Gawˇliˬtu 11:18

Yaw beh tiˬ jeˬ ya ehˇ naˇ, naw maꞈ maˬ tsaˬ leˇ-ehˇ aˇ muˇ muˇ paˆ-euˬ gaˇ kawˆ ngaˇ ya gaˬ taˬ-euˬ ma. Ngaˬ neh kʼaˇ ya gaˬ-euˬ loꞈ-ehˇ tiˬ paˆ paˆ tsaˬ-eu duˇ lehˇ ngaˇ jah-eu ma.

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

2 Gawˇliˬtu 11:20

Aˬ cawˬ naw maꞈ-ahˇ kʼehˇ dzaˬ laˇ gaˇ maˬ ehˇ, nawˬ dzaˬ kʼaˆ dzaˬ laˇ gaˇ maˬ ehˇ, zuiˆ laˇ gaˇ maˬ ehˇ, daˆ dziˬ laˇ gaˇ maˬ ehˇ, baˬ ba-ahˇ tehˆ laˇ gaˇ maˬ ehˇ, naw maꞈ daˬ coeˇ meh ehˇ lawˬ laˬ.

Gaˬlaˬtiˆ 5:15

Ehˇ kʼawꞈ, naw maꞈ bawˇ tsahˬ jeˬ zaˬ yaw haiˬ deuˬ loꞈ-ehˇ tiˬ gʼaˬ tiˇ gʼaˬ coeˬ leˇ naˇ leˇ-eu jeˬ jahˇ luꞈ naˇ, haw taˬ-awˬ, tiˬ gʼaˬ tiˇ gʼaˬ puiˆ byoˆ leꞈ tehꞈ-a.

Gaˬlaˬtiˆ 5:26

Nui ma huiˬ-eu jeˬ, tiˬ gʼaˬ tiˇ gʼaˬ ceh cawˬ cawˬ-eu jeˬ hawˇ-eu, tiˬ gʼaˬ tiˇ gʼaˬ myaˆ naˆ-eu jeˬ-ahˇ byehˇ dzeh jiˇ kaˇ-euˇ.

Gaˬlaˬtiˆ 6:3

Tsawˇ haˬ tiˬ gʼaˬ na, tiˬ jeˬ-iˬ maˬ mˇ maˬ shaˇ nya kʼawꞈ maˬ gaˇ ma lehˇ noeˬ naˇ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Piˇliˇpiˆ 1:15

Maˇ maˇ ni ehˇ naˇ, tiˬ paˆ na deuˬ-aˬ, aˬ cawˬ-ahˇ myaˆ naˆ-awˇ ceh dzaˬ mawꞈ-eu nui ma ahˇ-eu miˇ neh Ka li gaˇ kawˆ mehˬ-eu jeˬ pyeuꞈ-eu meh. Ehˇ kʼawꞈ, tiˬ paˆ na deuˬ-aˬ, maˇ maˇ ni nui ma keuˆ-eu laꞈ kʼoeˇ mehˬ-eu meh.

Piˇliˇpiˆ 2:14

Kʼaˇ mˇ kʼaˇ shaˇ-eu jeˬ laꞈ kʼoeˇ, tiˬ gʼaˬ tiˇ gʼaˬ dawˬ gʼoꞈ maˬ doˆ-ehˇ, tsawˇ pyehˇ maˬ pyehˇ ni mˇ-awˬ.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.

Gawˇlawˇsehˇ 2:18

Tsawˇ haˬ tiˬ paˆ na deuˬ yawˬ ha aˬ cawˬ-ahˇ maˬ duˇ-eu yaw sahˇ laꞈ kʼoeˇ ya siˬ ya mawˇ-eu jeˬ za taˬ-euˬ miˇ neh, aˬ cawˬ naˆ maˬ tseˇ huiˬ dzehˬ mahˇ dzehˬ ma lehˇ ehˇ-awˇ, yawˬ ha-euˬ gʼawˇ mawˇ-ahˇ taˬ nyiˇ-eu gaˇ kawˆ maˬ tsaˬ-eu jeˬ-ehˇ mehˬ-awˇ, mˬ taˆ gʼaˬ kʼehˇ-ahˇ uˬ duˬ ya tahˬ meh lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ neh naw maꞈ za paˬ-ehˇ gʼeh-eu laꞈ sawˬ deuˬ maˬ ya bi yuˇ doˆ geuꞈ ni yahˇ-awˬ. Kʼoeˇ loꞈ-ehˇ gʼeh-eu tsawˇ haˬ-aˬ, miˇ tsaˬ zaˬ deuˬ noeˬ-eu loꞈ-ehˇ noeˬ-awˇ, hawˬ haˇ yawˬ ha nui ma huiˬ luꞈ meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ nui ma huiˬ-eu-aˬ, yawꞈ ngehꞈ meh.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

1 Tiˆmoˇseˬ 1:4

Aˬ poeˬ dawˬ oeˇ kʼoeˇ deuˬ hawˇ-eu aˇ saˬ saˬ-eu maˬ baw-eu tsuiꞈ daˆ gui-eu kʼoeˇ deuˬ-ahˇ byehˇ dzeh-awˬ lehˇ, aˬ yawꞈ maꞈ-ahˇ ehˇ nehˬ-awˬ. Kʼoeˇ-aˬ, dawˬ ja myaˬ-awˇ tsawˇ pyehˇ pyehˇ-eu jeˬ oꞈ-eu tehꞈ meh. Aˬ dui jah-eu baˬ da neh siˬ nya laˇ-eu jeˬ pyeuꞈ-eu Miˬyehˇ-euˬ nui noeˬ maˬ doˆ laˇ-a.

1 Tiˆmoˇseˬ 1:7

Aˬ yawꞈ maꞈ-aˬ, Miˬyehˇ-euˬ zahˇ dawˬ kʼoꞈ dawˬ gaˇ kawˆ mehˬ-eu tsoˆ-eu saˬ laˬ deuˬ geuꞈ mawꞈ-eu meh. Ehˇ kʼawꞈ, yawˬ ha aˬ jeˬ ngehˬ luꞈ-eu gaˇ kawˆ maˬ ehˇ, yawˬ ha nui ma huiˬ huiˬ-ehˇ ja luꞈ-eu gaˇ kawˆ-ahˇ maˬ ehˇ, yawˬ haˇ yawˬ ha siˬ duˬ-eu tsawˇ haˬ maˬ ngeuˇ-a.

1 Tiˆmoˇseˬ 3:6

Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh.

2 Tiˆmoˇseˬ 2:14

Nawˬ-euˬ tsawˇ haˬ deuˬ-ahˇ gaˇ kawˆ heu ja mehˬ nehˬ-awˇ, dawˬ-ahˇ taꞈ leˇ-eu gaˇ kawˆ tsawˇ pyehˇ pyehˇ-awˇ maˬ ya ja dzaˬ-eu gʼaˇ duˬ Miˬyehˇ mehˬ shi yaw kʼaˆ kʼaˆ-ehˇ mehˬ nehˬ-awˬ. Kʼoeˇ loꞈ-ehˇ gʼeh-eu jeˬ-aˬ, gaˇ dahˇ maˬ tsoeˬ-eu uˬ taꞈ, ya gaˬ-eu tsawˇ haˬ deuˬ-ahˇ bi luˬ bi seˇ-iˇ-eu tehꞈ meh.

2 Tiˆmoˇseˬ 2:23

Ehˇ kʼawꞈ, gaˇ dahˇ maˬ tsoeˬ-eu tsawˇ pyehˇ pyehˇ-eu jeˬ-ahˇ gaˇ mahˇ kaˬ gaˇ neh gaˇ jaw jaw-awˬ. Kʼoeˇ deuˬ-aˬ, iˬ dehˬ iˬ ceh-ahˇ uˬ duˬ duˬ leˇ meh lehˇ nawˇ siˬ nya meh.

2 Tiˆmoˇseˬ 3:4

saˇ jaˇ puiˬ-eu, nui ma-ahˇ maˬ noeˬ-eu, nui ma huiˬ-eu, Miˬyehˇ-ahˇ gaˬ-eu naˆ maˬ tseˇ byawˬ gʼa mo gʼa-eu jeˬ-ahˇ gaˬ-eu,

Tiˇtuˆ 3:9

Ehˇ kʼawꞈ, gaˇ dahˇ maˬ tsoeˬ-eu jeˬ-ahˇ tsawˇ pyehˇ pyehˇ-eu, tsuiꞈ gui gui-ehˇ pyehˇ-eu, ceh dzaˬ-eu, Zahˇdawˬ kʼoꞈ dawˬ gaˇ kawˆ ja dzaˬ-eu, heu deuˬ-ahˇ yahˇ-awˬ. Heu-aˬ, gaˇ dahˇ maˬ tsoeˬ-eu uˬ taꞈ, guiˬ lahˬ maˬ baw-a.

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.

2 Beˬtuˆluˆ 2:12

Ehˇ kʼawꞈ, maˬ ngeuˇ-eu mehˬ-eu tsoˆ-eu saˬ laˬ heu deuˬ-aˬ, nyehꞈ-awˇ bi sehꞈ dzaˬ-eu gʼaˇ duˬ dehꞈ le-euˬ jeˬ zaˬ loꞈ-ehˇ, shaˇ noeˬ shaˇ sawˇ-eu jeˬ maˬ baw ni mˇ-eu shaˇ-eu meh. Yawˬ ha maˬ siˬ nya-eu jeˬ-ahˇ dawˬ doeˇ ngehˬ daˆ-awˇ ceh cawˬ cawˬ-eu meh. Aˬ yawꞈ maꞈ-aˬ, bawˇ tsahˬ jeˬ zaˬ loꞈ-ehˇ laˆ cawˆ nehˬ gaˇ ya daˬ tehꞈ-a.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

Yuˇdaˆ 1:10

Ehˇ kʼawꞈ, tsawˇ haˬ heu deuˬ-aˬ, yawˬ ha maˬ siˬ nya-eu yawˬ jeˬ na luꞈ-ahˇ dawˬ doeˇ ngehˬ daˆ-eu meh. Bawˇ tsahˬ jeˬ zaˬ deuˬ siˬ nya-eu loˆ ni tehꞈ-ehˇ aˬ yawꞈ maꞈ siˬ nya-eu kʼoeˇ-aˬ, aˬ yawꞈ maꞈ-ahˇ laˆ cawˆ-eu jeˬ pyeuꞈ-eu meh.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.