1 Tiˆmoˇseˬ 6:17 - Akha

¹⁷ Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nawr, heuzir-euq lafkhoer smrmuiq muiq-eu deuq-anr, dawq heulof-aer bif-awq. “Nawmaf nuima taqhuiq. Yawduq maqbaw-eu pyurshuir myawqganq-anr maq noeqtmq-aer, aqdui laqkhaq caerni yawqjeq navluf tiqbyan tiqlof bifnaeq laf-eu, daefluf-eu Miqyaer-anr taef-aer noeqtmq-awq.

1 Tiˆmoˇseˬ 6:17 ပူးပေါင်းရင်းမြစ်များ

Aˇ dahˬ 13:2

Aˬbyaˬ-aˬ, yawˇ maˬ ehˇ, ciꞈ myehꞈ maˬ ehˇ, mawˇ neˇ maˬ ehˇ, myaˬ dui dui-awˇ, pyuˇ shuiˇ jaˆ dui dui-eu smˇ muiˬ aˬ da tiˬ gʼaˬ pyeuꞈ-eu meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Jaceuq 104:28

Aˬ yawꞈ maꞈ-ahˇ nawˇ bi dzaˬ bi dawˇ-eu miˇ neh, aˬ yawꞈ maꞈ ya dzaˬ ya dawˇ dehˆ-eu meh. Aˬ yawꞈ maꞈ-ahˇ nawˇ dzaˬ dzaˬ dawˇ dawˇ biꞈ-eu miˇ neh, aˬ yawꞈ maꞈ nui kʼahˇ shiˇ duˬ jaˆ-eu meh.

Jaceuq 52:7

“Yawˬ ha-euˬ pyuˇ shuiˇ myawˬ gahˬ-ahˇ nui kʼaˬ tsmˬ-awˇ, yaw haiˬ jeˬ-ahˇ gʼoe-awˇ yaw dehꞈ dehꞈ-eu, Miˬyehˇ-ahˇ maˬ gʼoe-eu tsawˇ haˬ teu gʼaˬ-ahˇ haw-awˬ” lehˇ ehˇ tehꞈ-a.

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Dawqdaq 11:28

Yawˬ ha-euˬ pyuˇ shuiˇ myawˬ gahˬ-ahˇ nui ma huiˬ-eu tsawˇ haˬ, aˇ paꞈ paꞈ kuˬ ga-iˇ gaˇ duˇ-awˇ, yaw tsaˬ yaw dawˇ tsawˇ haˬ baw nmˬ nmˬ laˇ tehꞈ-a.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Dawqdaq 27:24

Aˬ jeˬ miˇ neh ehˇ naˇ, pyuˇ shuiˇ myawˬ gahˬ aˬ myah luꞈ maˬ gmˬ-ehˇ, miˇ kʼahˬ kʼawꞈ aˬ myah luꞈ maˬ ziꞈ-a.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Dawˬ tsoˆ 2:24

Tsawˇ haˬ zaˬ gʼaˇ duˬ maˬ kʼaˇ gaˇ dzehˬ-eu jeˬ-aˬ, yawˬ ha neh kʼaˇ poˆ uiˬ taˬ-euˬ jeˬ dzaˬ byawˬ dawˇ byawˬ byawˬ-eu kʼoeˇ meh. Heu kʼawꞈ, Miˬyehˇ neh biꞈ leꞈ-euˬ guiˬ lahˬ tiˬ jeˬ meh lehˇ ngaˇ paˇ noeˬ mawˇ-euˬ ma.

Yeˬlaˬmiˇ 2:31

Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Ngaˇ-aˬ, naw maꞈ gʼaˇ duˬ kʼaˇ shuiꞈ deh yaˇ-ahˇ duˇ ta loˇ. Zahˇ tsui ni gʼeh-awˇ guˆ kʼaˇ za-eu miˇ kʼahˬ-ahˇ duˇ ta loˇ. Aˬ jeˬ miˇ neh ngaˇ jawˇ paw maˬ gʼoꞈ pyawˇ laˇ-ehˇ, yawˬ ha kʼaˇ noeˬ-euˬ jeˬ mˇ ma ehˇ te.

Yeˬlaˬmiˇ 49:4

Aˬ jeˬ miˇ neh naw maꞈ loꞈ-ehˇ gʼeh-eu saˇ jaˇ maˬ ziꞈ-eu tsawˇ jeuˬ kʼahˬ sehˇ jehˆ te. Naw maꞈ-euˬ gʼaˬ teˬ le luꞈ-eu maˬ siˬ laˇ nya loˇ. Naw maꞈ-euˬ gʼaˬ-ahˇ naw maꞈ gʼoe-awˇ, tsawˇ haˬ tiˬ gʼaˬ-iˬ nga maꞈ-ahˇ guiˇ maꞈ deuˆ laˇ peuˬ-aˇ lehˇ, aˬ jeˬ miˇ neh naw maꞈ ehˇ te.

Yeˬsaˬgeˬlaˇ 16:56

Nawˇ dehꞈ dzaˬ ngeh, nawˬ-euˬ aˬ nyiˇ Sawˇdoˬ meuˬ-euˬ gaˇ kawˆ maˬ ja nahˇ-euˬ maˬ ngeuˇ loˇ.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Maꞈtehˬ 12:32

Tsawˇhaˬ-euˬ Zaˬmaˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, mˬ maˬ maˬ byaˆ zaˇ ziˇ iˬ baˇ maˬ pyehˬ nehˬ nya-a.

Maꞈtehˬ 19:23

Kʼoeˇ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Smˇ muiˬ smˇ baw deuˬ Mˬtaˆ Miˇkʼahˬ-ahˇ uˇ leˇ-eu shaˬ dui dui meh.

Maꞈtehˬ 25:16

Shuiˇ maˇ byaˆ ngaˬ heˇ byaˆ ha geuꞈ taˬ-euˬ gʼaˬ-aˬ, tiˬ poˆ tehꞈ-ehˇ jeˬ gaꞈ gaꞈ-iˇ-awˇ, ngaˬ heˇ byaˆ paˇ gaꞈ jeuˬ-euˬ meh.

Maꞈtehˬ 27:57

Uˬ ciꞈ ciꞈ le ngeh, Aˬliˇmaꞈtehˬ meuˬ-ahˇ jawˇ-eu smˇ muiˬ muiˬ-eu tsawˇ haˬ tiˬ gʼaˬ oe keuˆ-euˬ meh. Aˬ yawꞈ-aˬ, Yoˇsehˆ lehˇ myahˇ-euˬ Yeˬsuˇ-euˬ zaˬ lahˇ meh.

Maꞈtehˬ 6:32

Lawˇ ciꞈ zaˬ deuˬ-aˬ, kʼoeˇ loꞈ-ehˇ gʼeh-eu gaˇ kawˆ tehꞈ-ehˇ shaˇ noeˬ luꞈ meh. Kʼoeˇ deuˬ dawˬ tawˆ luꞈ-ahˇ naw maꞈ loˬ meh lehˇ, mˬ kʼoeˇ taˆ jawˇ-eu naw maꞈ-euˬ Aˬda siˬ nya luꞈ meh.

Maˬkuˆ 10:24

Dawˬ kʼoeˇ dawˬ-ahˇ ya gaˬ ngeh, zaˬ lahˇ deuˬ tsoˆ leˇ jiˇ-euˬ meh. Ehˇ kʼawꞈ, Yeˬsuˇ paˇ ehˇ-eu, “Ngaˬ-euˬ zaˬ deuˬ-oˇ, Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.

Luˇkaꞈ 19:2

Saˬgehˇ lehˇ myahˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Aˬ yawꞈ-aˬ, kawˬ taꞈ-eu paw yaw huiˬ keuˆ leˇ taˬ-euˬ tiˬ gʼaˬ pyeuꞈ-awˇ, smˇ muiˬ muiˬ-eu meh.

Luˇkaꞈ 3:11

Aˬ yawꞈ ehˇ-eu, “Pehˇ kʼahˬ nyiˬ kahˇ jaˆ-eu tsawˇ haˬ, maˬ jaˆ-eu tsawˇ haˬ-ahˇ tiˬ kahˇ biˇ nehˬ-awˇ, dzaˬ dzaˬ dawˇ dawˇ jaˆ-eu tsawˇ haˬ kʼawꞈ, maˬ jaˆ-eu deuˬ-ahˇ biˇ nehˬ-awˬ.”

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Gʼaˬkʼehˇ 14:27

Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Gʼaˬkʼehˇ 17:25

Aˬ dui tsawˇ haˬ zaˬ-euˬ aˬ laꞈ neh ngehˬ gʼeh bo saˆ-awˇ mˇ cu nehˬ-eu jeˬ-ahˇ aˬ yawꞈ maˬ loˬ-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ-ahˇ, dehꞈ-eu jeˬ, saꞈ gʼawˇ nya-eu jeˬ hawˇ-eu, yawˬ jeˬ na luꞈ biꞈ-eu gʼaˬ-aˬ, aˬ yawꞈ meh.

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

Eˇpeˇsu 5:5

Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, jawꞈ dui dui-eu jeˬ mˇ-eu tsawˇ haˬ hawˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, Ka li-euˬ miˇkʼahˬ hawˇ-eu Miˬyehˇ Miˇkʼahˬ-ahˇ maˬ ya uˇ leˇ-a lehˇ naw maꞈ siˬ duˬ-awˬ. (Aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, pyuˇ shuiˇ myawˬ gahˬ-ahˇ uˬ duˬ tahˬ gaˇ duˇ-eu meh.)

Dawˬmehˬ 33:15

Mˬ ga miˇ seu ngeh neh jaˆ-euˬ, gawˬ jawˬ gawˬ duˇ kʼoeˇ deuˬ tiˬ gʼoeˬ, aˇ siˬ aˇ lu loˆ le luꞈ-uˇ.

Dawˬmehˬ 8:17

Kʼoeˇ miˇ neh, naw maꞈ yawˬ ha-euˬ gʼaˬ hawˇ-eu yawˬ ha-euˬ baoˬ-ahˇ gʼoe-awˇ, yawˬ haˇ yawˬ ha smˇ muiˬ muiˬ laˇ-euˬ ma lehˇ tiˬ jawˇ-iˬ taˬ noeˬ.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

1 Tiˆmoˇseˬ 1:3

Maˬgeˬdawˇniˆ miˇ kʼahˬ-ahˇ ngaˇ iˇ luꞈ ngeh nawˬ-ahˇ ehˇ nehˬ-euˬ loꞈ-ehˇ, Eˇpeˇsu meuˬ laꞈ kʼoeˇ bi jawˇ mawꞈ miˇ-a. Kʼoeˇ gaˇ jawˇ-eu tsawˇ haˬ tiˬ paˆ na deuˬ beu gaˇ-eu jah-eu jeˬ gaˇ kawˆ mehˬ luꞈ-eu meh. Maˬ mehˬ ni bi naˬ-eu gʼaˇ duˬ nawˇ dawˬ ya biꞈ meh.

1 Tiˆmoˇseˬ 3:15

Ehˇ kʼawꞈ, ngaˇ yaw kawˇ-ehˇ maˬ laˇ keuˆ nya lawˬ naˇ, dehꞈ luꞈ-eu Miˬyehˇ-euˬ Ka li zaˬ aˇ muˇ pyeuꞈ-awˇ, yaw tsaˬ yaw dawˇ jeˬ-ahˇ toˆ diˇ taˬ-euˬ kʼawˇ zeuˇ pyeuꞈ-eu Miˬyehˇ-euˬ nymˇ jiˇ-ahˇ aˬ joˆ-ehˇ ya sheuˬ gʼeh-eu gaˇ kawˆ, sahˬ boꞈ heu taꞈ nawˬ-ahˇ mehˬ nehˬ laꞈ tehꞈ-a.

1 Tiˆmoˇseˬ 4:10

Aˬ dui-aˬ, leh jeh leh jeh-ehˇ gaˇ mˇ dui dui luꞈ-eu ma. Aˬ jeˬ miˇ neh ehˇ naˇ, dehꞈ luꞈ-eu Miˬyehˇ-ahˇ aˬ dui noeˬ tmˬ taˬ-euˬ ma. Aˬ yawꞈ-aˬ, tsawˇ haˬ dawˬ tawˆ luꞈ-ahˇ ka kʼoꞈ-eu gʼaˬ pyeuꞈ-awˇ, aˬ cawˬ-ahˇ naˆ maˬ tseˇ jah-eu tsawˇ haˬ deuˬ-ahˇ ka kʼoꞈ-eu meh.

1 Tiˆmoˇseˬ 5:21

Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ myaˆ pyawˬ huiˬ nyiˇ maˬ tseˇ ni, ngaˬ neh mehˬ-euˬ tsoˆ-euˬ dawˬ heu deuˬ-ahˇ yaw muiˬ paˬ-ehˇ naˇ haˬ geuꞈ-awˬ lehˇ, Miˬyehˇ hawˇ-eu Yeˬsuˇ Ka li mehˬ shi, muiˬ-eu shawˇ-eu mˬ taˆ gʼaˬ kʼehˇ deuˬ-euˬ mehˬ shi, ngaˇ nawˬ-ahˇ naꞈ suiˇ ni ehˇ-eu ma.

1 Tiˆmoˇseˬ 6:13

Yawˬ jeˬ na luꞈ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Miˬyehˇ mehˬ shi hawˇ-eu, sahˬ paˬ Boˬtiˆ Piˇlaˆ-ahˇ jah-eu jeˬ ziꞈ dah ni mehˬ nehˬ-euˬ gʼaˬ pyeuꞈ-eu Yeˬsuˇ Ka li mehˬ shi, ngaˇ nawˬ-ahˇ dawˬ heu loꞈ-ehˇ biꞈ-eu ma.

1 Tiˆmoˇseˬ 6:9

Ehˇ kʼawꞈ, smˇ muiˬ muiˬ laˇ mawꞈ-eu tsawˇ haˬ deuˬ-aˬ, muˇ juˇ juˇ-eu jeˬ laꞈ kʼoeˇ ga ahˇ-awˇ, luꞈ-iˇ seˇ-iˇ-eu jeˬ laꞈ kʼoeˇ aˬ yawꞈ maꞈ-ahˇ gʼeu ahˇ-eu jeˬ pyeuꞈ-eu, luˬ-eu seˇ-eu lahˇ ju-ahˇ paꞈ leˇ-eu meh.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

Tiˇtuˆ 2:12

Guiˬ lahˬ yaw dzahˇ kʼoeˇ aˬ dui-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh. Miˬyehˇ-ahˇ yaw zeu maˬ baw-eu yaw dehꞈ dehꞈ-eu jeˬ hawˇ-eu shiˬ shaˬ jiˇ-euˬ nui noeˬ nui loˆ-ahˇ byehˇ dzeh-eu gʼaˇ duˬ maˬ ehˇ, miˇ tsaˬ heu kʼoeˇ taˆ dehꞈ ngeh yawˬ ha-euˬ nui ma-ahˇ gʼaˬ leˇ-awˇ, nui ma yaw dawˇ dawˇ-ehˇ dehꞈ-eu laꞈ kʼoeˇ Miˬyehˇ-ahˇ yaw zeu baw-awˇ,

Tiˇtuˆ 3:6

Miˬyehˇ-aˬ, aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-ahˇ gʼoe-eu laꞈ kʼoeˇ, aˬ dui-euˬ kʼoeˇ taˆ Muiˬ-eu shawˇ-eu Yaw sahˇ Miˬyehˇ tiˬ byah tiˬ loꞈ shehˆ daˆ nehˬ laꞈ-euˬ meh.

2 Beˬtuˆluˆ 1:11

Kʼoeˇ loꞈ-ehˇ mˇ-eu laꞈ kʼoeˇ, aˬ dui-ahˇ ka kʼoꞈ-eu gʼaˬ pyeuꞈ-eu Sahˬpaˬ Yeˬsuˇ Ka li-euˬ mˬ maˬ maˬ byaˆ zaˇ ziˇ Miˇkʼahˬ laꞈ kʼoeˇ uˇ leˇ-eu aˬ kawˬ-aˬ naw maꞈ tiˬ byah tiˬ loꞈ za tehꞈ-a.