1 Tiˆmoˇseˬ 5:9 - Akha

⁹ Aˇ kʼoꞈ koꞈ tseˇ dzehˬ-iˇ-euˬ miˬ coeˬ miˬ ma deuˬ hawˇ-eu, tiˬ zahˇ tehꞈ-ehˇ iˇ haw-euˬ mi coeˬ miˬ ma deuˬ-ahˇ maˬ ngeuˇ naˇ, maˇ maˇ ni miˬ coeˬ miˬ ma meh lehˇ maˬ sawˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Arkhof 60 khof maq khawvlar-euq hawr-eu tiq zanr taf-aer irdzaeq-euq deuq-anr miqcoeq miqma-euq tsawrmyanr-anr taq bofanr.

1 Tiˆmoˇseˬ 5:9 ပူးပေါင်းရင်းမြစ်များ

Uˬ duˬ 14:42

Kʼoeˇ naˇ, yuˇ dzeh-euˬ kʼaˬ lo tsaˬ byaˆ kʼoeˇ deuˬ jaˆ zaˇ-ahˇ, kʼaˬ lo tsaˬ byaˆ yaw shuiꞈ deuˬ paˇ ya dawˆ paˇ-awˇ, shaˬ jehˆ paˇ ya lehꞈ myahˬ meh.

1 Tiˆmoˇseˬ 3:12

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ-aˬ, miˬ zaˬ tiˬ gʼaˬ tehꞈ-ehˇ baw-awˇ, yawˬ ha-euˬ nymˇ jiˇ hawˇ-eu zaˬ deuˬ-ahˇ yaw muiˬ paˬ-ehˇ gʼaˬ leˇ-eu tsawˇ haˬ ya bi pyeuꞈ meh.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 5:11

Ehˇ kʼawꞈ, aˇ kʼoꞈ maˬ kʼawˆ laˇ-euˬ miˬ coeˬ miˬ ma deuˬ-ahˇ, miˬ coeˬ miˬ ma meh lehˇ maˬ sawˇ tsehˆ nya-a. Aˬ jeˬ miˇ neh ehˇ naˇ, aˬ yawꞈ maꞈ dahˬ dzaˬ-iˇ mawꞈ laˇ ngeh,

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

1 Tiˆmoˇseˬ 5:16

Ehˇ kʼawꞈ, Ka li zaˬ zaˬ miˬ zaˬ tiˬ gʼaˬ na, yawˬ ha-euˬ nymˇ jiˇ laꞈ kʼoeˇ miˬ coeˬ miˬ ma deuˬ jawˇ naˇ, Ka li zaˬ aˇ muˇ-ahˇ maˬ bi daˇ ni miˬ coeˬ miˬ ma kʼoeˇ deuˬ-ahˇ yawˬ haˇ yawˬ ha cu-eu tsaˬ tehꞈ-a. Kʼoeˇ loꞈ-ehˇ ngeuˇ naˇ, Ka li zaˬ aˇ muˇ-aˬ, caw ba ngehˬ gʼeh nehˬ-eu gʼaˬ maˬ jawˇ-eu miˬ coeˬ miˬ ma deuˬ-ahˇ yaw muiˬ paˬ-ehˇ ngehˬ gʼeh nehˬ nya tehꞈ-a.