1 Tiˆmoˇseˬ 5:6 - Akha

⁶ Ehˇ kʼawꞈ, byawˬ gʼa mo gʼa-eu jeˬ mehˬ nah dehꞈ gʼeh luꞈ-eu miˬ coeˬ miˬ ma-aˬ, dehꞈ luꞈ kʼawꞈ shiˇ-euˬ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aerkhawf, lurgha caergha-eu gar gaq-eu miqcoeq miqma-aq, daefluf-eu khawf shir-euq gar dur-eu mae.

1 Tiˆmoˇseˬ 5:6 ပူးပေါင်းရင်းမြစ်များ

Aˇ dahˬ 2:17

Ehˇ kʼawꞈ, yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ kʼoeˇ bawˇ-euˬ aˇ siˬ nawˇ maˬ ya pyaˆ dzaˬ-a. Pyaˆ dzaˬ naˇ, dzaˬ ngeh nah neh nawˇ ya shiˇ tehꞈ-a” lehˇ ehˇ nehˬ-euˬ meh.

Dawqdaq 29:21

Nawˬ-euˬ zaˬ kʼaˆ-ahˇ nyiˇ ngeh neh kʼaˇ geuꞈ mawꞈ-eu jeˬ biꞈ nehˬ naˇ, nawˇ kʼaˇ jaˆ-eu jeˬ dawˬ tawˆ luꞈ bi yuˇ geuꞈ jiˇ-eu aˇ nah keuˆ le tehꞈ-a.

Iˇsaˬyaˇ 22:13

Ehˇ kʼawꞈ, nawˇ uiˇ-awˇ bawˬ-iˬ gʼeh-eu laꞈ kʼoeˇ, yawˇ hawˇ-eu mawˇ neˇ sehꞈ-awˇ, aˬ gaꞈ dzaˇ uiˇ lehˬ hmˬ taˬ-awˇ, dzaˬ byawˬ dawˇ byawˬ byawˬ gʼa tehꞈ-a. “Ni shawˬ shiˇ-eu keuˆ le-euˬ-aˬ, iˬ nah dzaˬ byawˬ dawˇ byawˬ byawˬ ma” lehˇ nawˇ ehˇ tehꞈ-a.

Iˇsaˬyaˇ 47:1

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ-oˇ, dzoeˬ dzaˬ nuiˇ mahˬ kʼoeˇ taˆ zaꞈ ka le-awˇ, miˇ tsa kʼaˬ lehˇ tsahˬ-ahˇ nuiˇ-awˬ. Yaw beh nawˇ guiˇ maˬ bi deuˆ gʼaˬ haw-ehˇ, miˬ daꞈ daꞈ shuiꞈ-ahˇ duˇ-euˬ meh. Ehˇ kʼawꞈ, nawˇ nahˬ jawˆ ni maˬ paˇ gʼeh-ehˇ, nymˬ-mˇ aˬ cawˬ zaˬ kʼaˆ pyeuꞈ shaw-euˬ meh.

Yeˬlaˬmiˇ 6:2

Ziˇoˬ meuˬ-euˬ aˇ gʼehˇ yaw zawˇ muiˬ kʼawꞈ, luˬ-iˇ seˇ-iˇ tehꞈ-a.

Ngoeˇ dawˬ 4:5

Dzaˇ kuiˇ dzaˇ myehˇ dzaˬ-euˬ tsawˇ haˬ, gaˇ ma-ahˇ mehꞈ-eu ga luꞈ meh. Muiˬ-eu paˇ neˇ dm-euˬ tsawˇ haˬ, kʼaˬ lehˇ jehˆ bymˇ-ahˇ lah luꞈ meh.

Maꞈtehˬ 8:22

Yeˬsuˇ ehˇ-eu, “Ngaˬ-euˬ mehˬ nah caw teh laˇ-awˬ. Shiˇ-euˬ tsawˇ haˬ deuˬ-ahˇ shiˇ-euˬ deuˬ neh bi baꞈ pahˬ luꞈ-uˇ.”

Luˇkaꞈ 12:19

Kʼoeˇ naˇ, ngaˇ yawˬ haˇ yawˬ ha heu loꞈ-ehˇ ehˇ ma. Guiˬ lahˬ huiˬ-eu gʼaˬ-oˇ, nawˇ-aˬ, gʼawˬ mya kʼoꞈ gʼawˬ mya la gʼaˇ duˬ pyuˇ shuiˇ myawˬ gahˬ poˆ uiˬ taˬ-euˬ meh. Saˇ lehˆ ni dehꞈ-awˬ. Dzaˬ-awˇ dawˇ-awˇ byawˬ gʼa-awˬ lehˇ ehˇ ma.’

Luˇkaꞈ 15:13

Gʼawˬ mya nah maˬ gʼeh-ehˇ, aˬ li aˬ nyiˇ gʼaˬ aˬ yawꞈ kʼaˇ jaˆ-eu yuˇ jiˇ-awˇ, gaˇ mahˇ kaˬ-eu miˇ kʼahˬ-ahˇ doˆ-iˇ-awˇ, kʼaˇ dehꞈ mawꞈ-eu dehꞈ-awˇ, aˬ yawꞈ-euˬ pyuˇ shuiˇ myawˬ gahˬ zmˬ dzeh jiˇ-euˬ meh.

Luˇkaꞈ 15:24

Aˬ jeˬ miˇ neh ehˇ naˇ, ngaˬ li heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.’ Kʼoeˇ naˇ, aˬ yawꞈ maꞈ laˬ kʼaˬ tiˬ cehˇ dzaˬ taꞈ dawˇ taꞈ-euˬ meh.

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 7:25

Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-awˇ yaw kuiˇ tehꞈ-ehˇ dzaˬ-eu tsawˇ haˬ deuˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ.

Eˇpeˇsu 2:1

Dzeuˇ laˇ ngeh naw maꞈ Miˬyehˇ-euˬ dawˬ-ahˇ maˬ naˇ haˬ-ehˇ iˬ baˇ mˇ-euˬ miˇ neh, guiˬ lahˬ saꞈ laˇ paw shiˇ-euˬ gaˇ duˇ-eu meh.

Eˇpeˇsu 2:5

Kʼoeˇ miˇ neh, aˬ dui Miˬyehˇ-euˬ ehˇ dawˬ maˬ naˇ haˬ-ehˇ guiˬ lahˬ saꞈ laˇ paw shiˇ luꞈ ngeh, aˬ yawꞈ aˬ dui-ahˇ Ka li nehˬ-ehˇ bi dehꞈ laꞈ-euˬ meh. Naw maꞈ ka kʼoꞈ-eu jeˬ za-euˬ kʼoeˇ-aˬ, Miˬyehˇ gʼawˬ shaˬ gaˬ-eu guiˬ lahˬ baˬ da neh meh.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Dawˬmehˬ 28:54

Naw maꞈ laꞈ kʼoeˇ aˬ cawˬ naˆ maˬ tseˇ ya dzaˬ ya dawˇ-awˇ, nahˇ tsaˇ maˬ lawꞈ ni shaˬ jiˇ nahˬ yu ni jawˇ-eu tsawˇ haˬ deuˬ kʼawꞈ, muiˇ-eu deuˬ neh meuˬ-ahˇ jawˬ lahˇ taˬ-euˬ miˇ neh, dzaˬ-eu maˬ jaˆ-ehˇ li laˇ taˬ-awˇ, yawˬ ha-euˬ zaˬ deuˬ-euˬ shaˬ jiˇ ya dzaˬ gaˇ keuˆ tehꞈ-a. Aˬ yawꞈ kʼoeˇ loꞈ-ehˇ dzaˬ ngeh, aˬ yawꞈ-euˬ mehˇ nmˇ-ahˇ maˬ ehˇ, aˬ yawꞈ gaˬ-eu aˬ yawꞈ-euˬ miˬ zaˬ-ahˇ maˬ ehˇ, dzeˇ luꞈ-eu aˬ yawꞈ-euˬ zaˬ deuˬ-ahˇ maˬ ehˇ, maˬ bi dzaˬ mawꞈ gaˇ keuˆ ni tsawˇ tsiˇ tsiˇ tehꞈ-a.

Dawˬmehˬ 28:56

Smˇ muiˬ muiˬ dui dui-eu miˇ neh, tsawˬ dahˬ laꞈ nyiˇ maˬ doˆ-iˇ ni nahˬ jawˆ ni dehꞈ-euˬ zaˬ miˬ zaˬ kʼawꞈ, kʼoeˇ loꞈ-ehˇ ya dzaˬ ya dawˇ gaˇ keuˆ tehꞈ-a. Aˬ yawꞈ jawˇ-eu meuˬ-ahˇ muiˇ-eu deuˬ neh bi jawˬ lahˇ taˬ ngeh, dzaˬ-eu maˬ jaˆ-ehˇ li laˇ-awˇ, dehꞈ le-euˬ tiˬ dehˬ pyeuꞈ-euˬ aˬ yawꞈ-euˬ zaˬ nahˬ hawˇ-eu zaˬ jawˇ cawˬ deuˬ-ahˇ, ciˬ cuˇ ni ya dzaˬ kʼoeˬ gaˇ keuˆ tehꞈ-a. Aˬ yawꞈ gaˬ-eu aˬ yawꞈ-euˬ kʼaˬ dzeˇ zaˬ-ahˇ maˬ ehˇ, aˬ yawꞈ-euˬ zaˬ deuˬ-ahˇ maˬ ehˇ, biꞈ-awˇ maˬ bi dzaˬ peuˬ ni tsawˇ tsiˇ tsiˇ tehꞈ-a.

Gawˇlawˇsehˇ 2:13

Yaw beh naw maꞈ Yuˇdaˆ tsawˇ haˬ maˬ ngeuˇ-eu uˬ taꞈ, Zahˇ dawˬ kʼoꞈ dawˬ maˬ jaˆ-eu baˬ da neh maˬ ehˇ, naw maꞈ-euˬ iˬ baˇ baˬ da neh maˬ ehˇ, saꞈ laˇ shiˇ taˬ-euˬ gaˇ duˇ-eu meh. Ehˇ kʼawꞈ, nymˬ-mˇ-aˬ, Miˬyehˇ neh naw maꞈ-ahˇ Ka li nehˬ-ehˇ bi dehꞈ laˇ-euˬ meh. Aˬ dui-euˬ iˬ baˇ dawˬ tawˆ luꞈ-ahˇ Miˬyehˇ pyehˬ nehˬ laꞈ-euˬ meh.

2 Tiˆmoˇseˬ 3:6

Aˬ yawꞈ maˬ tiˬ paˆ na deuˬ aˬ cawˬ-euˬ nymˇ-ahˇ iˇ-awˇ, iˬ baˇ kʼaˆ behˆ kah-awˇ shiˬ shaˬ jiˇ nui loˆ gʼawˬ mya jeˬ mehˬ nah caw teh luꞈ-eu gʼaˬ baˬ-eu zaˬ mi zaˬ deuˬ-ahˇ shuiˇ tawˆ geuꞈ-eu meh.

Yaˬkoˆ 5:5

Miˇ tsaˬ heu kʼoeˇ taˆ naw maꞈ yaw dehꞈ dehꞈ-euˬ-aˬ, laˬ kʼaˬ tiˬ cehˇ, nui kʼahˇ tiˬ shiˇ dehꞈ-euˬ meh. Bi sehꞈ dzaˬ-eu aˇ nah kʼoeˇ nah-euˬ gʼaˇ duˬ, naw maꞈ yawˬ haˇ yawˬ ha cu tsuˇ taˬ-euˬ meh.

Panmaeq 18:7

Aˬ yawꞈ yaw shehꞈ kʼahˬ sehˇ huiˬ-awˇ, byawˬ gʼa mo gʼa dehˆ-euˬ kʼoeˇ-ahˇ, shaˬ zahˬ gʼaˬ di di kʼoꞈ nehˬ-awˬ. ‘Sahˬ ma geuꞈ-awˇ ngaˇ nuiˇ luꞈ ma. Miˬ coeˬ miˬ ma pyeuꞈ-eu maˬ ngeuˇ. Shaˬ zahˬ tiˬ jawˇ-iˬ maˬ mˇ’lehˇ, aˬ yawꞈ ehˇ taˬ-euˬ jaˆ-eu meh.

Panmaeq 3:1

“Saˬdiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, Miˬyehˇ-euˬ Yaw sahˇ shiꞈ sahˇ jawˇ-awˇ, aˬ guiˇ shiꞈ siˬ jaˆ-eu gʼaˬ-euˬ dawˬ meh. Nawˇ aˬ jeˬ mˇ luꞈ-eu gaˇ kawˆ ngaˇ siˬ nya ma. Nawˇ-aˬ, shiˇ-euˬ kʼawꞈ, dehꞈ luꞈ-eu meh lehˇ aˬ cawˬ sawˇ taˬ-euˬ meh.

1 Saˬmeuˬlaˆ 15:32

“Sahˬ paˬ Aˬgaˆ-ahˇ heu gaˇ sheuˬ laꞈ sheˇ” lehˇ, Saˬmeuˬlaˆ dawˬ biꞈ-euˬ meh. Aˬgaˆ yaw dzuˬ dzuˬ dzuˬ-ehˇ aˬ yawꞈ jawˇ gaˇ laˇ-eu laꞈ kʼoeˇ, “Shiˇ-eu jeˬ-ahˇ tahˬ puˬ leˇ-eu heu aˇ naˆ ni shaˬ zahˬ naꞈ law hawˇ maˬ siˬ miˇ-a” lehˇ, aˬ yawˇ yawꞈ noeˬ kʼoeˬ luꞈ-eu meh.

1 Saˬmeuˬlaˆ 25:6

Aˬ yawꞈ maꞈ-ahˇ aˬ yawꞈ mehˬ duˬ nehˬ-awˇ, heu loꞈ-ehˇ bi ehˇ-iˇ-euˬ meh. “Cawˬ-oˇ, nawˇ maˬ ehˇ, nawˬ-euˬ nymˇ jiˇ maˬ ehˇ, nawˬ-ahˇ kʼaˇ taꞈ-eu deuˬ dawˬ tawˆ luꞈ maˬ ehˇ, yaw muiˬ jawˇ saˇ doˆ luꞈ-uˇ.