1 Tiˆmoˇseˬ 5:4 - Akha

⁴ Ehˇ kʼawꞈ, miˬ coeˬ miˬ ma tiˬ gʼaˬ zaˬ hawˇ-eu oeˬ paˬ oeˬ ma jawˇ naˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ, aˬ yawꞈ maꞈ yawˬ ha-euˬ nymˇ jiˇ-ahˇ mˇ nehˬ paˬ-ehˇ gʼeh-eu jeˬ-ahˇ jeˬ huˬ mˇ dzaw-eu tsaˬ meh. Aˬ jeˬ miˇ neh ehˇ naˇ, kʼoeˇ-aˬ, aˬ ma aˬ da, aˬ piˬ aˬ bawˇ deuˬ-ahˇ guiˬ lahˬ jahˇ kʼoꞈ nehˬ-eu jeˬ pyeuꞈ-awˇ, Miˬyehˇ nui ma tsaˬ-eu jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Miqcoeq miqma tiq ghaq, zaq hawr-eu oeqpaq oeqma jawr nar-aq, yawbae jeq-aq, zaq khoerdeuq-anr yawqha-euq nymrkhanq-euq lafkhoer yawzeu baw-eu jeq bi dzawgeuf-awr, aqma aqda, aqpiq aqbawr deuq-anr yawmuiq jeq mrkhof naeq-eu tsaq mae. Aqjeq mirnae aernar-aq, khoerlof-aer mr-eu-aq, Miqyaer nuima tsaq-eu jeq pyeuf-eu mae.

1 Tiˆmoˇseˬ 5:4 ပူးပေါင်းရင်းမြစ်များ

Aˇ dahˬ 47:12

Aˬ yawꞈ-euˬ aˬ da-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ aˬ da o neh jeuˬ le o le-euˬ tsawˇ haˬ dawˬ tawˆ luꞈ-ahˇ maˬ ehˇ, Yoˇsehˆ yaw muiˬ paˬ-ehˇ bi dzaˬ bi dawˇ-euˬ meh.

Aˇ dahˬ 47:28

Yaˬkoˆ-aˬ, Iˇjiˇtuˆ miˇ kʼahˬ laꞈ kʼoeˇ tseˇ shiꞈ kʼoꞈ paˇ dehꞈ-awˇ, aˬ yawꞈ-euˬ aˇ kʼoꞈ tiˬ yaˇ oeˬ tseˇ shiꞈ kʼoꞈ byah laˇ-euˬ meh.

Yawˇbaˆ 18:19

Aˬ yawꞈ zaˬ tiˬ gʼaˬ-iˬ maˬ jawˇ yaꞈ-ehˇ tsuiꞈ dahˬ dahˬ-iˇ tehꞈ-a.

Dawqdaq 31:28

Aˬ yawꞈ-euˬ zaˬ deuˬ aˬ yawꞈ-ahˇ yaw zeu baw-awˇ, aˬ yawꞈ-euˬ kʼaˬ dzeˇ zaˬ aˬ yawꞈ-ahˇ ja ceuˬ-eu meh.

Iˇsaˬyaˇ 14:22

Baoˬ huiˬ-eu Sahˬpaˬ Miˬyehˇ ehˇ-eu, “Baˬbuˇloˬ meuˬ-ahˇ ngaˇ guiˇ deuˆ-awˇ, laˆ luˬ laˆ seˇ nehˬ ma. Zaˬ yaw nyiˇ tiˬ gʼaˬ-ahˇ keuˆ ni maˬ taˬ nehˬ-ehˇ, tiˬ gʼaˬ-iˬ maˬ bi dzeuˇ-iˇ-eu uˬ taꞈ, mˇ myawˬ tiˬ hmˬ-iˬ maˬ bi dzeˇ yaꞈ ni laˆ cawˆ nehˬ-awˇ, tsawˇ myahˇ bi byoˆ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Luˇkaꞈ 2:51

Kʼoeˇ naˇ, aˬ yawꞈ nyaꞈ nehˬ-ehˇ Naˬzaˬlehˇ meuˬ-ahˇ Yeˬsuˇ gʼoꞈ-iˇ-awˇ, ehˇ dawˬ naˇ haˬ naˇ haˬ-ehˇ jawˇ-euˬ meh. Aˬ yawꞈ-euˬ aˬ ma-aˬ, gaˇ kawˆ kʼoeˇ deuˬ dawˬ tawˆ luꞈ, nui ma laꞈ kʼoeˇ juiˇ taˬ-euˬ meh.

1 Tiˆmoˇseˬ 2:3

Kʼoeˇ loꞈ-ehˇ shaˇ-eu-aˬ, muiˬ-eu jeˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ kʼawꞈ nui kʼahˇ shiˇ-eu meh.

1 Tiˆmoˇseˬ 5:16

Ehˇ kʼawꞈ, Ka li zaˬ zaˬ miˬ zaˬ tiˬ gʼaˬ na, yawˬ ha-euˬ nymˇ jiˇ laꞈ kʼoeˇ miˬ coeˬ miˬ ma deuˬ jawˇ naˇ, Ka li zaˬ aˇ muˇ-ahˇ maˬ bi daˇ ni miˬ coeˬ miˬ ma kʼoeˇ deuˬ-ahˇ yawˬ haˇ yawˬ ha cu-eu tsaˬ tehꞈ-a. Kʼoeˇ loꞈ-ehˇ ngeuˇ naˇ, Ka li zaˬ aˇ muˇ-aˬ, caw ba ngehˬ gʼeh nehˬ-eu gʼaˬ maˬ jawˇ-eu miˬ coeˬ miˬ ma deuˬ-ahˇ yaw muiˬ paˬ-ehˇ ngehˬ gʼeh nehˬ nya tehꞈ-a.

Tiˇtuˆ 1:11

Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

Yaˇ kʼaˬ daˇ 12:14

Aˬ yawꞈ-euˬ aˬ li oeˬ tseˇ li jawˇ-awˇ, oeˬ paˬ smˬ tseˇ gʼaˬ jawˇ-eu meh. Aˬ li kʼoeˇ deuˬ hawˇ-eu oeˬ paˬ kʼoeˇ deuˬ, mahˬ tahˬ laˆ shiꞈ tseˇ mawˇ dziˬ-euˬ meh. Aˬbaˬdoˬ-aˬ, Iˇsaˬleˬlaˆ tsawˇ jeuˬ-ahˇ yehꞈ kʼoꞈ sheuˬ gʼeh-euˬ meh.

Luˇta 2:18

Cehˇ kʼoeˇ iˇ kahˇ-ahˇ aˬ yawꞈ pi kʼoꞈ gʼeh-awˇ, aˬ yawꞈ cehˇ aˇ myaˆ ni gʼoˆ uiˬ laꞈ-euˬ aˬ yawꞈ-euˬ zahˇ shaˇ aˬ ma -ahˇ mehˬ nehˬ-euˬ meh. Gʼahˇ hawˬ dzaˬ ngeh aˬ yawꞈ neh maˬ dzaˬ jiˇ coeˇ-ehˇ dzeˇ laˇ-euˬ dzaˇ kʼoeˇ deuˬ kʼawꞈ, zahˇ shaˇ aˬ ma gʼaˬ-ahˇ aˬ yawꞈ biꞈ nehˬ-euˬ meh.

Luˇta 2:2

Tiˬ nah keuˆ laˇ ngeh, Nawˇmi-ahˇ Luˇta ehˇ nehˬ-eu, “Deh yaˇ doe doe-ehˇ iˇ-awˇ, cehˇ yehˬ-eu deuˬ neh bi ga ka yaꞈ-euˬ cehˇ nmˇ gʼoˆ-iˇ-eu gʼaˇ duˬ, ngaˬ-ahˇ bi iˇ nehˬ laꞈ sheˇ. Yawˬ ha neh cehˇ yehˬ gʼaˬ-euˬ gaˇ, cehˇ nmˇ bi gʼoˆ mawꞈ-euˬ tsawˇ haˬ tiˬ gʼaˬ na ya mawˇ-eu baw le.” Nawˇmi ehˇ-eu, “Iˇ nya tehꞈ-a tsu-oˇ.”