1 Tiˆmoˇseˬ 5:20 - Akha

²⁰ Tsawˇ haˬ dawˬ tawˆ luꞈ noeˬ guˆ-awˇ yahˇ nya laˇ ni, iˬ baˇ mˇ-euˬ tsawˇ haˬ-ahˇ dawˬ tawˆ luꞈ-euˬ mehˬ shi dehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Iqbax mrluf-eu deuq-anr tsawrhaq dawqtawv luf-euq maeqshi daeqdaeq-aer maeqnaeq-awq. Khoerlof-aer janr nar-aq, nuideuq khawf guv-eu nuima anrlar taef-a.

1 Tiˆmoˇseˬ 5:20 ပူးပေါင်းရင်းမြစ်များ

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

Gʼaˬkʼehˇ 19:17

Eˇpeˇsu meuˬ-ahˇ kʼaˇ jawˇ-eu Yuˇdaˆ tsawˇ haˬdeuˬ hawˇ-eu aˬ cawˬ tsawˇ jeuˬ dawˬ tawˆ luꞈ gaˇ kawˆ kʼoeˇ ya gaˬ ngeh, guˆ dui dui-iˇ-awˇ, Sahˬpaˬ Yeˬsuˇ-euˬ tsawˇ myahˇ-ahˇ ciˬ huiˬ ciˬ mahˇ dui dui-euˬ meh.

Gʼaˬkʼehˇ 5:11

Ka li zaˬ aˇ muˇ muˇ lah ni maˬ ehˇ, gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ maˬ ehˇ, guˆ dui dui-iˇ-euˬ meh.

Gʼaˬkʼehˇ 5:5

Dawˬ kʼoeˇ dawˬ-ahˇ Haˬnaˬniˇ ya gaˬ-euˬ nehˬ-ehˇ, coˬ dzeh-awˇ shiˇ-euˬ meh. Gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ guˆ dui dui-iˇ-euˬ meh.

2 Gawˇliˬtu 7:11

Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

Eˇpeˇsu 5:11

A cawˬ mˇ luꞈ-eu yaw zahˇ-ahˇ taꞈ leˇ-eu gaˇ dahˇ maˬ tsoeˬ-eu jeˬ-ahˇ tiˬ pawꞈ-iˬ maˬ mˇ ni, yaw shehꞈ laꞈ kʼoeˇ yuˇ doˆ laꞈ-awˬ.

Dawˬmehˬ 13:11

Pyeuꞈ laˇ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ dawˬ tawˆ luꞈ ya gaˬ-awˇ guˆ-eu laꞈ kʼoeˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ-ahˇ, tsawˇ haˬ tiˬ gʼaˬ-iˬ maˬ paˇ mˇ peuˬ ni pyeuꞈ-iˇ tehꞈ-a.

Dawˬmehˬ 17:13

Gaˇ kawˆ kʼoeˇ tsawˇ haˬ yawˬ gʼaˬ na luꞈ ya gaˬ ngeh, guˆ laˇ-awˇ, kʼoeˇ loꞈ-ehˇ maˬ mˇ peuˬ ni pyeuꞈ-iˇ tehꞈ-a.

Dawˬmehˬ 19:20

Kʼoeˇ ngeh, pyeuꞈ laˇ-euˬ gaˆ kawˆ kʼoeˇ yawˬ gʼaˬ na luꞈ ya gaˬ-awˇ, guˆ-eu laꞈ kʼoeˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ-ahˇ tiˬ gʼaˬ-iˬ maˬ paˇ mˇ peuˬ ni pyeuꞈ-iˇ tehꞈ-a.

Dawˬmehˬ 21:21

Kʼoeˇ ngeh, meuˬ-ahˇ jawˇ-eu tsawˇ haˬ deuˬ aˬ li kʼoeˇ gʼaˬ-ahˇ kʼaˬ lo neh ya biˬ sehꞈ meh. Kʼoeˇ loꞈ-ehˇ jahˇ-eu laꞈ kʼoeˇ, kʼoeˇ loꞈ-ehˇ gʼeh-eu yaw haiˬ jeˬ byoˆ-iˇ ni naw maꞈ ya mˇ meh. Gaˇ kawˆ kʼoeˇ Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ yawˬ gʼaˬ na luꞈ ya gaˬ-awˇ, guˆ-iˇ tehꞈ-a.

1 Tiˆmoˇseˬ 1:20

Tsawˇ haˬ kʼoeˇ deuˬ laꞈ kʼoeˇ, ngaˬ neh Saˬdaˬ-euˬ aˬ laꞈ laꞈ kʼoeˇ a dzeh nehˬ-awˇ bi kʼehˬ bi kʼaˆ-euˬ Huˬmiˬnehˇ hawˇ-eu Aˬleˬsaˬduˇ aˬ nyaꞈ kʼawꞈ ahˇ-eu meh. Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ehˇ niˇ gʼa kʼmˬ-eu gaˇ kawˆ aˬ yawꞈ nyaꞈ bi siˬ duˬ-eu gʼaˇ duˬ, kʼoeˇ loꞈ-ehˇ a dzeh nehˬ-euˬ ma.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

Tiˇtuˆ 1:13

Kʼoeˇ loꞈ-ehˇ ehˇ taˬ-euˬ kʼoeˇ tsaˬ-eu meh. Kʼoeˇ miˇ neh, aˬ yawꞈ maꞈ jah-eu ziꞈ laˇ nya ni yaw kʼaˆ kʼaˆ-ehˇ dehˬ-awˇ mehˬ nehˬ-awˬ.

Tiˇtuˆ 2:15

Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.