1 Tiˆmoˇseˬ 5:18 - Akha

¹⁸ Aˬ jeˬ miˇ neh ehˇ naˇ, Jaˇliꞈ laꞈ kʼoeˇ “Cehˇ nawˬ luꞈ-eu mawˇ neˇ-ahˇ mehˬ tsahˬ maˬ ya tsahˬ-a” lehˇ ehˇ taˬ-euˬ uˬ taꞈ, “Gaˇ mˇ-eu tsawˇ haˬ-ahˇ gʼaˬ gaˇ poeˬ ya biꞈ meh” lehˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqjeq mirnae aernar-aq, “Caer nawqluf-eu mawrner-anr maeqtsanq maqya tsanq-a,” (Dm 25:4) laer Yaerbof-euq lafkhoer boftaq-awr, “Gar mr-eu tsawrhaq-aq, ghaqgarpoeq za-eu geux-eu mae” laer khawf boftaq-euq mae.

1 Tiˆmoˇseˬ 5:18 ပူးပေါင်းရင်းမြစ်များ

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Maꞈtehˬ 10:10

Pehˇ tahˬ maˬ ehˇ, pehˇ kʼahˬ hawˇ-eu sehˬ nawˆ aˇ dzehˬ maˬ ehˇ, gawˬ yoeˬ maˬ ehˇ, yuˇ gʼeh-eu maˬ loˬ-a. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, yawˬ ha kʼaˇ loˬ-eu jeˬ za geuˇ-eu meh.

Luˇkaꞈ 10:7

Aˬ yawꞈ kʼoeˇ nymˇ-ahˇ tehꞈ-ehˇ jawˇ-awˇ, kʼaˇ bi dzaˬ kʼaˇ bi dawˇ laꞈ-eu jeˬ dzaˬ-awˬ dawˇ-awˬ. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, gʼaˬ gaˇ poeˬ za-eu tsaˬ tehꞈ-a. Nymˇ daˆ taˬ daˆ paˇ.

Lormav 10:11

“Aˬ yawꞈ-ahˇ kʼaˇ jah-eu tsawˇ haˬ deuˬ daˬ ga-awˇ maˬ ya shaꞈ dawˇ-aˇ” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 11:2

Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

Lormav 4:3

Jaˇliꞈ laꞈ kʼoeˇ boꞈ taˬ-euˬ, “Aˬbyaˬhaˬ Miˬyehˇ-ahˇ jah-awˇ, jah-eu kʼoeˇ hmˬ baˬ da neh aˬ yawꞈ-ahˇ yaw tsaˬ yaw dawˇ tsawˇ haˬ meh lehˇ Miˬyehˇ ha geuꞈ nehˬ-euˬ meh.”

Lormav 9:17

Jaˇliꞈ laꞈ kʼoeˇ Iˇjiˇtuˆ sahˬ paˬ-ahˇ heu loꞈ-ehˇ ehˇ nehˬ taˬ-euˬ jaˆ-eu meh. “Miˇ tsaˬ heu dawˬ tawˆ luꞈ kʼoeˇ taˆ ngaˬ-euˬ baoˬ bi mawˇ-awˇ, ngaˬ-euˬ tsawˇ myahˇ bi huiˬ byah-iˇ-eu gʼaˇ duˬ nawˬ-ahˇ zmˬ-eu lehˇ sahˬ paˬ ka nehˬ taˬ-euˬ ma.”

1 Gawˇliˬtu 9:14

Kʼoeˇ loꞈ-ehˇ duˇ ni, Laˬ kʼaˬ cehˇ-eu Guiˬ lahˬ dawˬ kʼaˇ mehˬ-eu tsawˇ haˬ kʼawꞈ, kʼoeˇ loꞈ-ehˇ mehˬ-eu miˇ neh ya bi dzaˬ ya bi dawˇ meh lehˇ, Sahˬpaˬ Miˬyehˇ neh dawˬ biꞈ taˬ-euˬ jaˆ meh.

Gaˬlaˬtiˆ 3:8

Yuˇdaˆ tsawˇ haˬ maˬ ngeuˇ-eu deuˬ kʼawꞈ jah-eu baˬ da neh Miˬyehˇ-ahˇ tsaˬ leˇ tsahˇ leˇ nya ni Miˬyehˇ jahˇ tehꞈ-a lehˇ, Jaˇliꞈ laꞈ kʼoeˇ aˇ hu ba neh ehˇ taˬ-euˬ jaˆ-eu meh. Kʼoeˇ miˇ neh, Jaˇ liꞈ dawˬ kawˬ kʼoeˇ Aˬbyaˬhaˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ, “Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ Miˬyehˇ guiˬ lahˬ biꞈ tehꞈ-a” lehˇ ehˇ taˬ-euˬ meh.

Dawˬmehˬ 25:4

“Cehˇ nawˬ luꞈ-eu mawˇ neˇ-ahˇ mehˬ tsahˬ maˬ ya tsahˬ-a.

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.