1 Tiˆmoˇseˬ 5:10 - Akha

¹⁰ Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

1 Tiˆmoˇseˬ 5:10 ပူးပေါင်းရင်းမြစ်များ

Aˇ dahˬ 18:4

Aˇ bawˇ heu bawˇ dawˬ pehˬ-ahˇ tiˬ kʼehˬ naˬ tawˬ. Naw maꞈ aˬ kuiˇ bi dzuiꞈ-eu gʼaˇ duˬ ngaˇ iˇ cuꞈ ui cuiˆ ciˬ laˬ leˇ la.

Aˇ dahˬ 19:2

“Yaw huiˬ yaw mahˇ deuˬ-oˇ, naw nyaꞈ-ahˇ ngaˇ ha-eu ma. Ngaˬ-euˬ nymˇ-ahˇ laˇ-awˬ. Naw nyaꞈ aˬ kuiˇ dzuiꞈ-awˇ ngaˬ-euˬ nymˇ-ahˇ yaꞈ nya tehꞈ-a. Uˬ shawˬ yaw naꞈ-ehˇ tuˇ-awˇ, gaˇ ma paˇ doˆ-iˇ tehꞈ-a.” lehˇ ehˇ nehˬ ngeh,Aˬ yawꞈ nyaꞈ ehˇ-eu, “Tiˬ jeˬ-iˬ maˬ ngeuˇ-aˇ. Nga nyaꞈ heu gaˇ laꞈ nyiˇ yaꞈ ma.”

Aˇ dahˬ 24:32

Kʼoeˇ naˇ, zaˬ kʼaˆ kʼoeˇ gʼaˬ Laˬbaˬ-euˬ nymˇ-ahˇ caw teh gʼeh leꞈ-euˬ meh. Law taw kʼaˆ daˬ deuˬ-ahˇ Laˬbaˬ baꞈ ka-awˇ, gʼoˆ yoeˬ hawˇ-eu dzaˇ bi dzaˬ-euˬ meh. Aˬbyaˬhaˬ-euˬ zaˬ kʼaˆ kʼoeˇ gʼaˬ hawˇ-eu aˬ yawꞈ-euˬ tsawˇ haˬ deuˬ aˬ kuiˇ bi dzuiꞈ-eu gʼaˇ duˬ, aˬ yawꞈ iˇ cuꞈ kʼawꞈ nehˬ-euˬ meh.

Aˇ dahˬ 43:24

Zaˬ kʼaˆ kʼoeˇ gʼaˬ aˬ ha mehˇ nmˇ-ahˇ nymˇ laꞈ kʼoeˇ sheuˬ uˇ gʼeh-euˬ meh. Kʼoeˇ naˇ, aˬ ha mehˇ nmˇ aˬ kuiˇ dzuiꞈ-eu gʼaˇ duˬ iˇ cuꞈ ciˬ nehˬ-awˇ, aˬ ha mehˇ nmˇ-euˬ mahˬ tahˬ laˆ-ahˇ dzaˇ bi dzaˬ-euˬ meh.

Jaceuq 119:4

Sahˬpaˬ Miˬyehˇ-oˇ, nawˇ nga maꞈ-ahˇ nawˬ-euˬ zahˇ dawˬ kʼoꞈ dawˬ biꞈ laꞈ-awˇ, saˇ jaˇ ziꞈ-awˇ caw teh nya ni mehˬ nehˬ tsoˆ nehˬ laꞈ-euˬ meh.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Uˬ duˬ 25:35

Nawˬ-euˬ dawˬ peh jawˇ-eu nawˬ-euˬ tsawˇ jeuˬ Iˇsaˬleˬlaˆ tsawˇ haˬ tiˬ gʼaˬ na shaˬ le-awˇ, maˬ dehꞈ dzaˬ nya ni pyeuꞈ laˇ naˇ, nawˬ-ahˇ gʼaˬ mahˇ mahˇ dzaˬ-eu tsawˇ haˬ-ahˇ nawˇ caw ba-eu loꞈ-ehˇ,aˬ yawꞈ dehꞈ nya jawˇ nya ni, aˬ yawꞈ-ahˇ caw ba nehˬ-awˬ.

Maꞈtehˬ 25:17

Kʼoeˇ loꞈ-ehˇ duˇ ni, nyiˬ heˇ byaˆ ha geuꞈ taˬ-euˬ gʼaˬ kʼawꞈ, nyiˬ heˇ byaˆ paˇ gaꞈ jeuˬ-euˬ meh.

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Luˇkaꞈ 7:38

Aˬ yawꞈ Yeˬsuˇ-euˬ naˇ kʼah aˬ kuiˇ dawˬ peh yawꞈ-awˇ ngoeˇ-eu miˇ neh, Yeˬsuˇ-euˬ aˬ kuiˇ-ahˇ myaˆ biˇ dzaˆ daˆ-euˬ meh. Kʼoeˇ ngeh, aˬ yawꞈ-euˬ uˬ duˬ tsehˇ kahˇ neh Yeˬsuˇ-euˬ aˬ kuiˇ-ahˇ dzaˆ daˆ taˬ-euˬ myaˆ biˇ kʼoeˇ shiˆ gui nehˬ-awˇ, aˬ kuiˇ-ahˇ mehˬ cuˇ cuˇ-awˇ, tsiˇ yaw saw jeˬ shehˆ daˆ nehˬ-euˬ meh.

Luˇkaꞈ 7:44

Kʼoeˇ naˇ, Yeˬsuˇ zaˬ miˬ zaˬ kʼoeˇ gʼaˬ-ahˇ tiˬ poˆ haw-awˇ, Siˇmoˬ-ahˇ heu loꞈ-ehˇ ehˇ nehˬ-euˬ meh. “Zaˬ miˬ zaˬ heu gʼaˬ-ahˇ nymˬ-mˇ nawˇ mawˇ luꞈ ngaˇ. Ngaˇ nawˬ-euˬ nymˇ-ahˇ uˇ laˇ taˬ-awˇ jawˇ-eu ma. Nawˇ ngaˬ-ahˇ aˬ kuiˇ dzuiꞈ-eu iˇ cuꞈ maˬ ciˬ nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ aˬ yawꞈ-euˬ myaˆ biˇ neh ngaˬ-euˬ aˬ kuiˇ dzuiꞈ shawˇ-awˇ, aˬ yawꞈ-euˬ uˬ duˬ tsehˇ kahˇ neh shiˆ gui nehˬ laꞈ-euˬ meh.

Gʼaˬkʼehˇ 10:22

Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 22:12

“Meuˬ kʼoeˇ meuˬ laꞈ kʼoeˇ Aˬnaˬniˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ dui dui-awˇ, aˬ dui-euˬ Zahˇ dawˬ kʼoꞈ dawˬ-ahˇ yaw muiˬ-ehˇ caw teh-eu miˇ neh, kʼoeˇ gaˇ jawˇ-eu Yuˇdaˆ tsawˇ haˬ deuˬ aˬ yawꞈ-ahˇ yaw zeu baw dui dui-eu meh.

Gʼaˬkʼehˇ 6:3

Kʼoeˇ miˇ neh aˬ yuiꞈ aˬ nyiˇ deuˬ-oˇ, naw maꞈ laꞈ kʼoeˇ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, tsawˇ gahˇ byah-eu tsawˇ haˬ shiꞈ gʼaˬ tseˇ doˆ-awˬ. Aˬ yawꞈ maꞈ-ahˇ gaˇ heu hmˬ bi mˇ ma.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

Gʼaˬkʼehˇ 9:39

Beˬtuˆluˆ lehˬ hmˬ-awˇ, aˬ yawꞈ nyaꞈ nehˬ-ehˇ iˇ-euˬ meh. Aˬ yawꞈ iˇ keuˆ ngeh, aˬ yawꞈ-ahˇ nymˇ laꞈ taˆ tiˆ-ahˇ sheuˬ daˆ leꞈ-euˬ meh. Miˬ coeˬ miˬ ma dawˬ tawˆ luꞈ aˬ yawꞈ-euˬ tiˬ jawˬ uiˬ le-awˇ, Dawˬkaꞈ yaw dehꞈ dehꞈ ngeh guꞈ nehˬ yaꞈ-euˬ mehˬ tsoeˬ deuˬ aˬ yawꞈ-ahˇ sheu haw sheu haw-ehˇ ngoeˇ-eu meh.

Lormav 12:13

Nawˇ kʼaˇ jaˆ-eu jeˬ nawˬ-euˬ cawˬ Ka li zaˬ deuˬ-ahˇ caw ba nehˬ-awˇ, daˬ yah-ahˇ yaw muiˬ-ehˇ ha-awˬ.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Gawˇlawˇsehˇ 1:10

Kʼoeˇ miˇ neh, Sahˬpaˬ Yeˬsuˇ bi dehꞈ mawꞈ-eu loꞈ-ehˇ naw maꞈ dehꞈ nya laˇ-awˇ, aˬ yawꞈ nui kʼahˇ shiˇ-eu jeˬ-ahˇ naw maꞈ aˬ myah luꞈ mˇ nya laˇ tehꞈ-a. Naw maꞈ yaw dehꞈ dehꞈ-eu laꞈ kʼoeˇ yaw muiˬ jeˬ gʼawˬ mya ni doˆ laˇ-awˇ, Miˬyehˇ-ahˇ siˬ nya dzehˬ laˇ tehꞈ-a.

1 Tiˆmoˇseˬ 2:10

Ehˇ kʼawꞈ, Miˬyehˇ-ahˇ yaw zeu baw-eu ma lehˇ yawˬ haˇ yaw ha ehˇ-eu zaˬ miˬ zaˬ deuˬ-aˬ, yaw muiˬ jeˬ mˇ-eu paw leh jeh-eu tsaˬ meh.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 3:7

Aˬ cawˬ ja bu ja doeˇ gaˇ ya daˬ-awˇ, Nehꞈ sahˬ paˬ lahˇ ju kʼmˇ taˬ-euˬ gaˇ maˬ ya bi paꞈ leˇ-eu gʼaˇ duˬ, Ka li zaˬ aˇ muˇ-euˬ laꞈ nyiˇ paw jawˇ-eu tsawˇ haˬ deuˬ yaw zeu baw-eu tsawˇ haˬ ya bi pyeuꞈ meh.

1 Tiˆmoˇseˬ 5:16

Ehˇ kʼawꞈ, Ka li zaˬ zaˬ miˬ zaˬ tiˬ gʼaˬ na, yawˬ ha-euˬ nymˇ jiˇ laꞈ kʼoeˇ miˬ coeˬ miˬ ma deuˬ jawˇ naˇ, Ka li zaˬ aˇ muˇ-ahˇ maˬ bi daˇ ni miˬ coeˬ miˬ ma kʼoeˇ deuˬ-ahˇ yawˬ haˇ yawˬ ha cu-eu tsaˬ tehꞈ-a. Kʼoeˇ loꞈ-ehˇ ngeuˇ naˇ, Ka li zaˬ aˇ muˇ-aˬ, caw ba ngehˬ gʼeh nehˬ-eu gʼaˬ maˬ jawˇ-eu miˬ coeˬ miˬ ma deuˬ-ahˇ yaw muiˬ paˬ-ehˇ ngehˬ gʼeh nehˬ nya tehꞈ-a.

1 Tiˆmoˇseˬ 5:25

Ehˇ kʼawꞈ, tiˬ paˆ na deuˬ-euˬ iˬ baˇ-aˬ, aˇ nah ba hawˇ-eu siˬ laˇ mawˇ laˇ-eu meh. Kʼoeˇ gaˇ duˇ ni, yaw muiˬ jeˬ mˇ-eu-aˬ, aˬ cawˬ-ahˇ bya cehˆ ni siˬ leˇ mawˇ leˇ-eu meh. Aˬ cawˬ-ahˇ maˬ siˬ maˬ mawˇ leˇ dah-euˬ deuˬ kʼawꞈ, gʼawˬ myahˇ ni maˬ dehˬ kaˬ zaꞈ nya-a.

1 Tiˆmoˇseˬ 6:18

Aˬ cawˬ gʼaˇ duˬ yaw muiˬ jeˬ mˇ-eu, muiˬ-eu gaˇ gʼawˬ mya jeˬ mˇ-eu, tsawˇ tsiˇ maˬ tsiˇ ni damˬ nehˬ-eu, aˬ cawˬ-ahˇ caw ba nehˬ-eu, heu loꞈ-ehˇ gʼeh-eu deuˬ-ahˇ mˇ-awˬ lehˇ aˬ yawꞈ maꞈ-ahˇ mehˬ nehˬ-awˬ.

2 Tiˆmoˇseˬ 1:5

Shawˇ jehˆ ni gʼeh-eu nawˬ-euˬ jah-eu jeˬ-ahˇ ngaˇ noeˬ mawˇ luꞈ ma. Nawˬ-euˬ jah-eu jeˬ-aˬ, nawˬ piˬ Lawˇiˆ hawˇ-eu nawˬ ma Uˇniˇ-euˬ jah-eu jeˬ-ahˇ duˇ-eu meh. Jah-eu jeˬ kʼoeˇ, nawˬ-euˬ laꞈ kʼoeˇ kʼawꞈ ahˇ meh lehˇ ngaˇ siˬ duˬ ma.

2 Tiˆmoˇseˬ 2:21

Tsawˇ haˬ tiˬ gʼaˬ na, yaw haiˬ jeˬ kʼoeˇ deuˬ dawˬ tawˆ luꞈ-ahˇ yawˬ haˇ yawˬ ha shawˇ dzeh jiˇ naˇ, huiˬ-eu gaˇ gʼaˇ duˬ aˬ yawꞈ-ahˇ zmˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, yaw sahˇ gʼaˬ-ahˇ gʼawˇ mawˇ aˬ nehˬ taˬ-euˬ gaˇ dahˇ tsoeˬ-eu jeˬ pyeuꞈ-awˇ, yaw muiˬ jeˬ mˇ-eu gʼaˇ duˬ bi zmˬ-eu lehˇ lehˬ hmˬ dah taˬ-euˬ jeˬ pyeuꞈ-eu meh.

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

2 Tiˆmoˇseˬ 3:17

Kʼoeˇ baˬ da neh, Miˬyehˇ gaˇ mˇ-eu tsawˇ haˬ-aˬ, byah dui nya dui dui-eu tsawˇ haˬ pyeuꞈ-awˇ, yaw muiˬ jeˬ dawˬ tawˆ luꞈ-ahˇ mˇ nya ni Jaˇliꞈ dawˬ kawˬ-ahˇ gʼoe-awˇ dzaw bym taˬ-euˬ tsawˇ haˬ pyeuꞈ-eu meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Tiˇtuˆ 2:7

Yawˬ jeˬ na luꞈ laꞈ kʼoeˇ, nawˬ-ahˇ aˬ cawˬ yaw muiˬ jeˬ dzaw geuꞈ paˬ-ehˇ dehꞈ mehˬ jawˇ mehˬ nehˬ-awˬ. Nawˇ mehˬ nehˬ tsoˆ nehˬ ngeh, nui ma keuˆ-eu laꞈ kʼoeˇ dawˇ coe ni mehˬ nehˬ-awˬ.

Tiˇtuˆ 3:1

Sahˬ paˬ sahˬ ma deuˬ hawˇ-eu uˆ lahˇ-eu deuˬ-euˬ laꞈ oˆ yaw muiˬ-ehˇ jawˇ-awˇ, aˬ yawꞈ maꞈ-euˬ ehˇ dawˬ naˇ haˬ-eu laꞈ kʼoeˇ, yaw muiˬ jeˬ dawˬ tawˆ luꞈ-ahˇ mˇ-eu lehˇ lehˬ hmˬ taˬ-eu gʼaˇ duˬ nawˬ-euˬ tsawˇ haˬ deuˬ maˬ ya ngehˇ ni ja noeˬ nehˬ-awˬ.

Tiˇtuˆ 3:14

Maˇ maˇ ni loˬ gaˇ caw ba nehˬ nya-eu gʼaˇ duˬ, aˬ dui-euˬ tsawˇ haˬ deuˬyaw muiˬ jeˬ-ahˇ mˇ nya laˇ ni bi leh jeh-eu loˬ meh. Gaˇ dahˇ maˬ tsoeˬ ni maˬ ya bi dehꞈ-a.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.

HeˬByehˇ 10:24

Aˬ cawˬ-ahˇ gʼoeˇ nya gaˬ nya-awˇ yaw muiˬ jeˬ mˇ nya ni, aˬ dui ti gʼaˬ tiˇ gʼaˬ kʼahˇ kʼoꞈ-awˇ ngehˬ gʼeh kaˇ-euˇ.

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.

HeˬByehˇ 13:21

naw maꞈ aˬ yawꞈ-euˬ nui kʼahˇ mˇ nya ni, naw maꞈ kʼaˇ loˬ-eu jeˬ dawˬ tawˆ luꞈ biꞈ nehˬ laꞈ-awˇ, Yeˬsuˇ Ka li-ahˇ gʼoe-awˇ aˬ dui laꞈ kʼoeˇ aˬ yawꞈ nui kʼahˇ shiˇ-eu jeˬ mˇ luꞈ-uˇ. Mˬ maˬ maˬ byaˆ zaˇ ziˇ Ka li yaw shehꞈ kʼahˬ sehˇ huiˬ luꞈ-uˇ.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 4:9

Tiˬ gʼaˬ tiˇ gʼaˬ iˇ kahˇ-ahˇ ha ahˇ-awˬ. Dawˬ gʼoꞈ maˬ doˆ ni ha ahˇ-awˬ.

3 Yoˇhaˬ 1:12

Tsawˇ haˬ yawˬ gʼaˬ na luꞈ, Deˬmeˬdeˬliˇ-euˬ gaˇ kawˆ yaw muiˬ jeˬ ja luꞈmeh. Yaw tsaˬ yaw dawˇ jeˬ kʼawꞈ, aˬ yawꞈ-ahˇ yaw muiˬ meh lehˇ ehˇ-eu meh. Nga maꞈ kʼawꞈ, kʼoeˇ loꞈ-ehˇ saˇ kiˇ kamˬ-eu ma. Nga maꞈ ehˇ-eu heu tsaˬ meh lehˇ nawˇ kʼawꞈ siˬ nya luꞈ meh.