1 Tiˆmoˇseˬ 4:8 - Akha

⁸ Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqjeq mirnae aernar-aq, mawrdo paw ghaq anrlarni mrdzaw-eu jeq-aq, gardanr uicuivnav tsoeq-eu mae. Aerkhawf, Miqyaer-anr yawzeu baw-eu jeq-aq, yawqjeq navluf-euq lafkhoer gardanr tsoeq-eu mae. Khoer-aq, heuzir hawr-eu aqkar karzir-euq gharduq sarjax dzaqtaq-euq mae.

1 Tiˆmoˇseˬ 4:8 ပူးပေါင်းရင်းမြစ်များ

Yawˇbaˆ 22:2

“Miˬyehˇ mehˬ shi gaˇ dahˇ tsoeˬ-eu tsawˇ haˬ jawˇ meh loˇ. Tsawˇ gahˇ ahˇ dui dui-eu tsawˇ haˬ kʼawꞈ aˬ yawꞈ mehˬ shi gaˇ dahˇ tsoeˬ tehꞈ-a loˇ.

Yawˇbaˆ 36:11

Aˬ yawꞈ maꞈ Miˬyehˇ-euˬ ehˇ dawˬ naˇ haˬ-awˇ aˬ yawꞈ-eu gaˇ mˇ naˇ, aˬ yawꞈ maꞈ saˇ lehˆ ni ya dehꞈ ya jawˇ-awˇ baw le za le tehꞈ-a.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 37:11

Nui nahˬnui yu ahˇ-eu deuˬ-aˬ, miˇkʼahˬjeˬbiˇ oꞈ-eu laꞈkʼoeˇ, baw dui za dui dui le tehꞈ-a.

Jaceuq 37:29

Tsawˇmuiˬdeuˬ-ahˇmiˇkʼahˬoꞈ-awˇ, mˬmaˬmaˬbyaˆya jawˇtehꞈ-a.

Jaceuq 37:9

Haiˬ-eu tsawˇhaˬbi teh dzeh kʼawꞈ, SahˬpaˬMiˬyehˇ-ahˇdawˬ-eu deuˬ, miˇkʼahˬza-eu yaw duˬbaw meh.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Dawqdaq 19:23

Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

Dawqdaq 22:4

Smˇ muiˬ muiˬ-awˇ tsawˇ myahˇ doˆ-eu uˬ taꞈ ziˇ baw ziˇ za nya ni, Sahˬpaˬ Miˬyehˇ ehˇ dawˬ naˇ haˬ-awˇ, nui ma nahˬ yu ni taˬ-awˬ.

Dawˬ tsoˆ 8:12

Iˬ baˇ mˇ-eu tsawˇ haˬ tiˬ gʼaˬ aˇ yaˇ poˆ mˇ bahˬ kʼawꞈ, ziˇ baw-eu meh. Aˬ cawˬ heu loꞈ-ehˇ ehˇ-eu ngaˇ gaˬ haw-euˬ ma. “Miˬyehˇ-euˬ ehˇ dawˬ naˇ haˬ-eu tsawˇ haˬ dehꞈ dzaˬ laˇ tehꞈ-a.

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Maꞈtehˬ 12:32

Tsawˇhaˬ-euˬ Zaˬmaˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, mˬ maˬ maˬ byaˆ zaˇ ziˇ iˬ baˇ maˬ pyehˬ nehˬ nya-a.

Maꞈtehˬ 19:29

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Maˬkuˆ 10:30

nymˬ-mˇ dehꞈ luꞈ-eu heu ziˇ laꞈ kʼoeˇ, nymˇ, mehˇ nmˇ, dmˇ ma, aˬ ma, aˬ buˇ aˬ li, myawˬ dahˬ yaˇ dahˬ heu deuˬ, tiˬ yaˇ bymˇ paˇ za kʼoꞈ tehꞈ-a. Kʼoeˇ nehˬ-ehˇ tiˬ kawˆ loꞈ-ehˇ, kʼehˬ-eu kʼaˆ-eu jeˬ-ahˇ kʼawꞈ ya daˬ tehꞈ-a. Aˬ kaˇ kaˇ ziˇ laꞈ kʼoeˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za tehꞈ-a.

Luˇkaꞈ 5:38

Ehˇ kʼawꞈ, aˬ gaꞈ dzaˇ uiˇ yaw shuiꞈ-ahˇ, shaˬ koˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

1 Gawˇliˬtu 3:22

Pawˇluˆ maˬ ehˇ, Aˬpawˇluˆ maˬ ehˇ, Beˬtuˆluˆ maˬ ehˇ, miˇ tsaˬ tahˬ kʼawˇ maˬ ehˇ, dehꞈ-eu hawˇ-eu shiˇ-eu maˬ ehˇ, heu ziˇ hawˇ-eu aˬ kaˇ kaˇ ziˇ maˬ ehˇ, dawˬ tawˆ luꞈ naw maꞈ-ahˇ oꞈ-eu meh.

1 Gawˇliˬtu 8:8

Dzaˇ ehˇ-eu jeˬ-aˬ, aˬ dui hawˇ-eu Miˬyehˇ yaw kaˬ cawˬ cawˬ taꞈ gaˇ bi muiˬ laˇ-eu jeˬ maˬ ngeuˇ-a. Maˬ dzaˬ-euˬ baˬ da neh smˬ-iˇ-eu maˬ baw-ehˇ, dzaˬ-euˬ baˬ da neh lahˬ laˇ duˬ kʼawꞈ maˬ jaˆ-a.

1 Tiˆmoˇseˬ 4:7

Miˬyehˇ-ahˇ yaw zeu baw-eu jeˬ maˬ ahˇ-eu ja mahˇ maˬ tsahˇ-eu aˬ poeˬ dawˬ oeˇ deuˬ-ahˇ maˬ naˇ haˬ ni, Miˬyehˇ-ahˇ yaw zeu baw-eu jeˬ laꞈ kʼoeˇ bym laˇ byehˆ laˇ ni mˇ dzaw shaˇ dzaw tehˇ tehˬ-awˬ.

1 Tiˆmoˇseˬ 6:3

Aˬ dui-euˬ Sahˬpaˬ Yeˬsuˇ Ka li-euˬ dawˬ hawˇ-eu, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ mehˬ taˬ tsoˆ taˬ-euˬ gaˇ maˬ tsaˬ leˇ-eu, beu gaˇ-eu jah-eu jeˬ gaˇ kawˆ kʼaˇ mehˬ-eu tsawˇ haˬ deuˬ-aˬ,

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

1 Tiˆmoˇseˬ 6:6

Ngeuˇ tehꞈ-a. Tsawˇ haˬ tiˬ gʼaˬ yawˬ ha kʼaˇ jaˆ-eu myaˆ ni nui kʼahˇ shiˇ coeˇ naˇ, uˬ duˬ tahˬ-eu zahˇ sahˇ kʼoꞈ-aˬ, aˬ yawꞈ-ahˇ smˇ muiˬ bi muiˬ laˇ tehꞈ-a.

2 Tiˆmoˇseˬ 3:5

uˬ duˬ tahˬ-eu zahˇ sahˇ kʼoˬ-ahˇ laꞈ nyiˇ paw tehꞈ-ehˇ caw teh-awˇ kʼoeˇ-euˬ baoˬ-ahˇ maˬ ha geuꞈ-eu, heu loꞈ-ehˇ gʼeh-eu tsawˇ haˬ deuˬ pyeuꞈ laˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ gaˇ jaw jaw-awˬ.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

1 Yoˇhaˬ 2:25

Mˬ maˬ maˬ byaˆ zaˇ ziˇ dehꞈ-eu jeˬ aˬ dui-ahˇ biꞈ nehˬ laꞈ-eu gʼaˇ duˬ, Ka li neh saˇ jaˇ dzaˬ taˬ-euˬ jaˆ-eu meh.

Panmaeq 3:12

Gʼaˬ leˇ-eu tsawˇ haˬ-ahˇ ngaˬ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ kʼawˇ zeuˇ bi geuꞈ-awˇ, aˬ myah luꞈ kʼoeˇ gaˇ ya jawˇ tehꞈ-a. Ngaˬ-euˬ Miˬyehˇ-euˬ tsawˇ myahˇ hawˇ-eu, ngaˬ-euˬ Miˬyehˇ jawˇ-eu mˬ-ahˇ neh zaꞈ le-euˬ Yeˬluˇsaˬlehˬ yaw shuiꞈ pyeuꞈ-eu ngaˬ-euˬ Miˬyehˇ-euˬ meuˬ-euˬ tsawˇ myahˇ, aˬ yawꞈ kʼoeˇ taˆ ngaˇ boꞈ myahˬ nehˬ ma. Ngaˬ-euˬ tsawˇ myahˇ yaw shuiꞈ kʼawꞈ, aˬ yawꞈ kʼoeˇ taˆ boꞈ myahˬ nehˬ ma.

Panmaeq 3:21

Ngaˇ gʼaˬ leˇ-euˬ miˇ neh, ngaˬ Da-euˬ dzoeˬ dzaˬ nuiˇ mahˬ kʼoeˇ taˆ ngaˬ Da-euˬ gaˇ dzeˇ nuiˇ luꞈ-eu loꞈ-ehˇ, gʼaˬ leˇ-euˬ tsawˇ haˬ deuˬ-ahˇ, ngaˬ-euˬ dzoeˬ dzaˬ nuiˇ mahˬ kʼoeˇ taˆ ngaˬ-euˬ gaˇ dzeˇ bi nuiˇ ma.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.