1 Tiˆmoˇseˬ 3:2 - Akha

² Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Kalizaq armur-anr hawlanr-eu tsawrhaq-aq, aerkhar maqza-eu, miqzaq tiq ghaq taef-aer baw-eu, kharnoeq kharlov-eu lof-aer maqdzaq maqdawr-eu, yawqha-euq nuima-anr ghaqler-eu, yawzeu bawlar paq-aer ghae-eu, daqyan-anr ha’nya-eu hawr-eu maeqnaeq tsovnaeq nya-eu tsawrhaq yapyeuf-eu mae.

1 Tiˆmoˇseˬ 3:2 ပူးပေါင်းရင်းမြစ်များ

Iˇsaˬyaˇ 56:10

Ngaˬ-euˬ tsawˇ haˬ deuˬ-ahˇ mehˬ-eu tsoˆ-eu gʼaˇ duˬ, aˬ yuiꞈ aˬ tsu bi geuꞈ taˬ-euˬ kʼoeˇ deuˬ, dawˬ tawˆ luꞈ myaˆ behꞈ tahˬ sawˇ meh. Aˬ yawꞈ maꞈ tiˬ jeˬ-iˬ maˬ siˬ nya-ehˇ, maˬ tsehꞈ-eu nymˇ loꞈ aˬ kuiˬ-ahˇ duˇ-awˇ, yuꞈ ja taˬ-awˇ yuꞈ maˆ maˆ-eu, yuꞈ gaˇ gaˬ-eu aˬ kuiˬ-ahˇ duˇ-eu meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 2:36

Aˬ shaˬ tsawˇ jeuˬ Paˬnoeˬlaˇ-euˬ aˬ buˇ Aˬnaˬ lehˇ kuˇ-eu, Miˬyehˇ gʼaˇ duˬ ngeh dah-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ-aˬ, mawˬ dui dui laˇ-euˬ meh. Aˬ yawꞈ smˇ miˇ iˇ-awˇ, kʼaˬ dzeˇ zaˬ nehˬ-ehˇ shiꞈ kʼoꞈ tehꞈ-ehˇ ya dehꞈ taꞈ yaꞈ-euˬ meh.

Lormav 12:13

Nawˇ kʼaˇ jaˆ-eu jeˬ nawˬ-euˬ cawˬ Ka li zaˬ deuˬ-ahˇ caw ba nehˬ-awˇ, daˬ yah-ahˇ yaw muiˬ-ehˇ ha-awˬ.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

1 Tiˆmoˇseˬ 3:12

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ-aˬ, miˬ zaˬ tiˬ gʼaˬ tehꞈ-ehˇ baw-awˇ, yawˬ ha-euˬ nymˇ jiˇ hawˇ-eu zaˬ deuˬ-ahˇ yaw muiˬ paˬ-ehˇ gʼaˬ leˇ-eu tsawˇ haˬ ya bi pyeuꞈ meh.

1 Tiˆmoˇseˬ 3:8

Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ deuˬ kʼawꞈ, aˬ cawˬ yaw zeu baw-awˇ nui ma dawˇ-eu tsawˇ haˬ ya bi pyeuꞈ meh. Aˬ gaꞈ dzaˇ uiˇ aˇ dzehˬ maˬ dawˇ dzeuˇ-ehˇ, pyuˇ-ahˇ mehˇ juiˇ maˬ juiˇ-eu tsawˇ haˬ ya bi pyeuꞈ meh.

1 Tiˆmoˇseˬ 4:3

Sheuˬ dahˬ dzaˬ taꞈ-eu maˬ tsaˬ-a lehˇ mehˬ-eu uˬ taꞈ, dzaˬ dzaˬ dawˇ dawˇ tiˬ paˆ na deuˬ-ahˇ maˬ dzaˬ kʼmˬ-a lehˇ aˬ yawꞈ maꞈ mehˬ-eu meh. Ehˇ kʼawꞈ, dzaˬ dzaˬ dawˇ dawˇ kʼoeˇ deuˬ-aˬ, yaw tsaˬ yaw dawˇ jeˬ-ahˇ siˬ nya laˇ-euˬ tsawˇ haˬ deuˬ Miˬyehˇ-euˬ guiˬ lahˬ-ahˇ ja ceuˬ gʼaˬ-awˇ bi dzaˬ-eu gʼaˇ duˬ Miˬyehˇ neh beh taˬ-euˬ meh.

1 Tiˆmoˇseˬ 5:10

Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.

1 Tiˆmoˇseˬ 5:9

Aˇ kʼoꞈ koꞈ tseˇ dzehˬ-iˇ-euˬ miˬ coeˬ miˬ ma deuˬ hawˇ-eu, tiˬ zahˇ tehꞈ-ehˇ iˇ haw-euˬ mi coeˬ miˬ ma deuˬ-ahˇ maˬ ngeuˇ naˇ, maˇ maˇ ni miˬ coeˬ miˬ ma meh lehˇ maˬ sawˇ nya-a.

2 Tiˆmoˇseˬ 2:24

Sahˬpaˬ Yeˬsuˇ-euˬ zaˬ kʼaˆ-aˬ, aˬ cawˬ nehˬ-ehˇ maˬ ya ceh dzaˬ-a. Aˬ yawꞈ-aˬ, tsawˇ haˬ yawˬ gʼaˬ na luꞈ-ahˇ gʼawˬ shaˬ ya gaˬ-awˇ, nui ma gʼawˬ mahˇ ni taˬ nya-eu muiˬ dui dui-eu mehˬ-eu tsoˆ-eu saˬ laˬ ya bi pyeuꞈ meh.

Tiˇtuˆ 2:2

Tsawˇ mawˬ tsawˇ kʼaˆ deuˬ-ahˇ, nui ma taˬ nya ni maˬ ehˇ, aˬ cawˬ yaw zeu baw paˬ-ehˇ dehꞈ nya ni maˬ ehˇ, yawˬ ha-euˬ nui ma-ahˇ gʼaˬ leˇ ni maˬ ehˇ, tsaˬ-eu muiˬ-eu jah-eu jeˬ ahˇ laˇ ni maˬ ehˇ, gʼoeˇ-eu gaˬ-eu jeˬ ahˇ laˇ ni maˬ ehˇ, daˬ coeˇ oˇ coeˇ-eu nui ma ahˇ laˇ ni maˬ ehˇ, mehˬ nehˬ-awˬ.

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

1 Beˬtuˆluˆ 4:9

Tiˬ gʼaˬ tiˇ gʼaˬ iˇ kahˇ-ahˇ ha ahˇ-awˬ. Dawˬ gʼoꞈ maˬ doˆ ni ha ahˇ-awˬ.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.