1 Tiˆmoˇseˬ 3:16 - Akha

¹⁶ Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

1 Tiˆmoˇseˬ 3:16 ပူးပေါင်းရင်းမြစ်များ

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maꞈtehˬ 28:2

Ja pyuˬ ni miˇ luˆ yaw kʼaˆ-ehˇ luˆ laˇ-awˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ mˬ kʼoeˇ taˆ neh zaꞈ le-awˇ, kʼaˬ lo lo ma kʼoeˇ siˬ ngawˬ dzeh-awˇ, kʼaˬ lo kʼoeˇ siˬ kʼoeˇ taˆ nuiˇ le-euˬ meh.

Maꞈtehˬ 3:16

Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh.

Maꞈtehˬ 4:11

Kʼoeˇ ngeh, Nehꞈ sahˬ paˬ kʼoeˇ gʼaˬ aˬ yawꞈ jawˇ gaˇ neh doˆ-iˇ-euˬ meh. Kʼoeˇ naˇ, mˬ taˆ gʼaˬ kʼehˇ deuˬ oe-awˇ, Yeˬsuˇ-ahˇ ngehˬ gʼeh le-euˬ meh.

Maˬkuˆ 1:13

Bawˇ tsahˬ bawˇ dahˇ laꞈ kʼoeˇ aˬ yawꞈ oeˬ tseˇ nah jawˇ-awˇ, Saˬdaˬ neh muˇ juˇ bi juˇ-euˬ meh. Bawˇ tsahˬ jeˬ zaˬ yaw haiˬ deuˬ kʼawꞈ, kʼoeˇ gaˇ jawˇ-eu meh. Ehˇ kʼawꞈ, mˬ taˆ gʼaˬ kʼehˇ deuˬ aˬ yawꞈ-ahˇ ngehˬ gʼeh nehˬ-euˬ meh.

Maˬkuˆ 16:19

Sahˬpaˬ Yeˬsuˇ aˬ yawꞈ maꞈ-ahˇ dawˬ ngehˬ cawˬ gʼaˬ ngeh, aˬ yawꞈ-ahˇ mˬ kʼoeˇ taˆ sheuˬ kʼoꞈ daˆ leꞈ-awˇ, Miˬyehˇ-euˬ aˇ maˇ paw nuiˇ-euˬ meh.

Maˬkuˆ 16:5

Kʼoeˇ naˇ, aˬ yawꞈ maꞈ lmˬ bymˇ laꞈ kʼoeˇ uˇ leˇ ngeh, mehˬ tsoeˬ pyuˇ deuˬ ni dm taˬ-euˬ kʼaˬ dzeˇ zaˬ zaˬ guˬ tiˬ gʼaˬ aˇ maˇ paw pyawˬ-ahˇ nuiˇ luꞈ gaˇ ya mawˇ-awˇ, tsawˬ guˆ-iˇ-euˬ meh.

Luˇkaꞈ 2:32

Lawˇ ciꞈ zaˬ deuˬ mawˇ nya laˇ ni, yaw shehꞈ bya nehˬ-eu jeˬ pyeuꞈ-awˇ, nawˬ neh kuˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ haˬ deuˬ-ahˇ, Yaw shehꞈ kʼahˬ sehˇ bi huiˬ-euˬ meh.”

Luˇkaꞈ 20:44

Daˬbiˇ-euˬ mawˇ do kʼawꞈ, aˬ yawꞈ-ahˇ sahˬ paˬ lehˇ kuˇ-eu meh. Toˆ-ehˇ ngeuˇ naˇ, Ka li-aˬ, Daˬbiˇ-euˬ zaˬ aˬ joˆ-ehˇ pyeuꞈ nya ta.”

Luˇkaꞈ 22:43

Mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, aˬ yawꞈ-ahˇ gʼaˬ biꞈ lahˬ nehˬ-euˬ meh.

Luˇkaꞈ 24:4

Aˬ yawꞈ maꞈ zahˬ leˇ-awˇ jawˇ ngeh, yaw shehꞈ bya-eu mehˬ tsoeˬ dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh yawꞈ luꞈ gaˇ ya mawˇ-euˬ meh.

Luˇkaꞈ 24:51

Aˬ yawꞈ dawˬ ngehˬ gʼeh nehˬ gʼaˬ ngeh, aˬ yawꞈ maꞈ-ahˇ gʼawˬ-iˇ-awˇ, mˬ kʼoeˇ taˆ bi sheuˬ daˆ kʼoꞈ leꞈ-euˬ meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 13:3

Aˬda neh Yeˬsuˇ-ahˇ baoˬ tiˬ byah ni biꞈ taˬ-euˬ gaˇ kawˆ Yeˬsuˇ siˬ nya-eu meh. Aˬ yawꞈ Aˬda jawˇ gaˇ neh oe-awˇ, Aˬda jawˇ gaˇ ya gʼoꞈ leˇ-eu gaˇ kawˆ kʼawꞈ, siˬ nya-eu meh.

Yoˇhaˬ 15:26

“Caw ba-eu gʼaˬ oe tehꞈ-a. Aˬ yawꞈ-aˬ, Miˬyehˇ gaˇ kawˆ yaw tsaˬ yaw dawˇ jeˬ bi siˬ bi mawˇ le-euˬ gʼaˬ pyeuꞈ-eu, Aˬda jawˇ gaˇ neh oe-euˬ Yaw sahˇ Miˬyehˇ meh. Aˬda jawˇ gaˇ neh aˬ yawꞈ-ahˇ ngaˇ bi oe-awˇ, ngaˬ-euˬ gaˇ kawˆ aˬ yawꞈ saˇ kiˇ kamˬ tehꞈ-a.

Yoˇhaˬ 16:28

Ngaˇ Aˬda jawˇ gaˇ neh oe-awˇ, miˇ tsaˬ kʼoeˇ taˆ oe-euˬ ma. Nymˬ-mˇ ngaˇ miˇ tsaˬ heu-ahˇ byehˇ yaꞈ-awˇ, Aˬda jawˇ gaˇ gʼoꞈ leˇ ma.”

Yoˇhaˬ 17:5

Miˇ tsaˬ tahˬ kʼawˇ maˬ beh mi naˆ-ehˇ, nawˬ neh ngaˬ-ahˇ biꞈ taˬ-euˬ yaw shehꞈ kʼahˬ sehˇ kʼoeˇ, nawˬ-euˬ mehˬ shi aˬ cawˬ-ahˇ bi mawˇ laꞈ-awˬ.

Yoˇhaˬ 20:12

Mˬ taˆ gʼaˬ kʼehˇ nyiˬ gʼaˬ mehˬ tsoeˬ yaw pyuˇ dm-awˇ, Yeˬsuˇ-ahˇ baꞈ taˬ-awˇ bi jaˆ-euˬ kʼoeˇ tsahˇ-ahˇ, mˬ gʼmˬ paw tiˬ gʼaˬ, kuiˇ bi paw tiˬ gʼaˬ jawˇ luꞈ gaˇ aˬ yawꞈ ya mawˇ-euˬ meh.

Yoˇhaˬ 6:62

Toˆ-ehˇ maˇ-iˬ, Tsawˇhaˬ-euˬ Zaˬmaˇ aˬ yawꞈ-euˬ jawˇ duˬ-ahˇ paˇ daˆ gʼoꞈ leˇ naˇ, naw maꞈ aˬ joˆ-ehˇ jahˇ nmˇ.

Gʼaˬkʼehˇ 1:19

Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, gaˇ kawˆ kʼoeˇ gaˬ jiˇ-euˬ meh. Kʼoeˇ miˇ neh, miˇ tsaˬ kʼoeˇ tsahˇ-ahˇ aˬ yawꞈ maꞈ-euˬ dawˬ-ahˇ neh Aˬkeˬdaˬmaˬ lehˇ kuˇ-eu meh. Dawˬ tsuiꞈ-aˬ, ‘Shiˬ doˆ-euˬ miˇ tsaˬ’ lehˇ ehˇ mawꞈ-eu meh.

Gʼaˬkʼehˇ 10:34

Kʼoeˇ ngeh, Beˬtuˆluˆ dawˬ ngehˬ-eu aˇ dahˬ beh-awˇ heu loꞈ-ehˇ ehˇ-eu meh. “Miˬyehˇ myaˆ pyawˬ huiˬ nyiˇ maˬ tseˇ-eu gaˇ kawˆ nymˬ-mˇ ngaˇ siˬ duˬ-eu ma.

Gʼaˬkʼehˇ 14:27

Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Lormav 10:12

Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ tseˇ paˆ ni, dawˬ tawˆ luꞈ ahˇ leˇ jiˇ-eu meh. Miˬyehˇ-aˬ, dawˬ tawˆ luꞈ-euˬ Sahˬpaˬ pyeuꞈ-awˇ, aˬ yawꞈ-ahˇ kʼaˇ kuˇ-eu tsawˇ haˬ-ahˇ guiˬ lahˬ tiˬ byah ni biꞈ nehˬ-eu meh.

Lormav 10:18

Ehˇ kʼawꞈ, “Aˬ yawꞈ maꞈ Miˬyehˇ dawˬ kawˬ maˬ ya gaˬ-aˬ lehˇ ehˇ-eu ngeuˇ meh loˇ” lehˇ ngaˇ naˇ haˬ mawꞈ-eu ma. Aˬ yawꞈ maꞈ Miˬyehˇ dawˬ kawˬ ya gaˬ-euˬ yaw duˬ baw meh. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “A yawꞈ maꞈ neh mehˬ nehˬ-euˬ dawˬ, miˇ tsaˬ tahˬ kʼawˇ gaˬ byah-iˇ-awˇ, mˬ dzeˇ miˇ dzeˇ gaˬ keuˆ-euˬ meh.”

Lormav 16:25

Miˬyehˇ-euˬ yaw shehꞈ kʼahˬ sehˇ huiˬ dui dui gaˇ ja ceuˬ kaˇ-euˇ. Aˬ jeˬ miˇ neh ehˇ naˇ, ngaˬ neh Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-euˬ loꞈ-ehˇ maˬ ehˇ, aˇ hu-euˬ ziˇ-ahˇ neh zaꞈ taˬ-euˬ yaw tsaˬ yaw dawˇ jeˬ pah mehˬ nehˬ laꞈ-euˬ loꞈ-ehˇ maˬ ehˇ, jah-eu laꞈ kʼoeˇ naw maꞈ ziꞈ dah ni yawꞈ nya ni aˬ yawꞈ jahˇ-euˬ meh.

Lormav 16:26

Ehˇ kʼawꞈ, nymˬ-mˇ poˆ jawˇ-aˬ, Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ laꞈ kʼoeˇ, zaꞈ taˬ-euˬ yaw tsaˬ yaw dawˇ kʼoeˇ bya cehˆ ni pah dzeh taˬ-euˬ meh. Kʼoeˇ uˬ taꞈ, tsawˇ haˬ zaˬ dawˬ tawˆ luꞈ jah-awˇ naˇ haˬ geuꞈ nya ni, mˬ maˬ maˬ byaˆ zaˇ ziˇ dehꞈ-eu Miˬyehˇ neh biꞈ-euˬ dawˬ laꞈ kʼoeˇ, tsawˇ jeuˬ dawˬ tawˆ luꞈ-ahˇ yaw tsaˬ yaw dawˇ kʼoeˇ bi siˬ bi mawˇ-euˬ meh.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Lormav 9:5

Aˬ yawꞈ maꞈ-aˬ, tsawˇ myahˇ doˆ dui dui-eu Heˬbyehˇ tsawˇ haˬ aˬ poeˬ aˬ bawˇ kʼoeˇ deuˬ o neh jeuˬ le o le-euˬ tsawˇ haˬ deuˬ meh. Yeˬsuˇ Ka li kʼawꞈ, tsuiꞈ taꞈ gaˇ neh sawˇ leꞈ naˇ, aˬ yawꞈ maꞈ-euˬ tsawˇ jeuˬ pyeuꞈ-eu meh. Dawˬ tawˆ kʼoeˇ taˆ uˆ lahˇ-eu Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ luꞈ-uˇ. Aˬ miˬ.

1 Gawˇliˬtu 15:47

Aˬdaˬ yaw beh gʼaˬ-aˬ, miˇ tsaˬ neh tehˆ-awˇ, miˇ tsaˬ-ahˇ neh doˆ laˇ-euˬ jeˬ pyeuꞈ-eu meh. Aˬdaˬ nyiˬ gʼaˬ tiˬ gʼaˬ-aˬ, mˬ-ahˇ neh oe-euˬ meh.

1 Gawˇliˬtu 2:7

Ngaˇ mehˬ luꞈ-eu zaˬ siˬ tsawˇ gahˇ kʼoeˇ-aˬ, Miˬyehˇ-euˬ zaꞈ taˬ-euˬ zaˬ siˬ tsawˇ gahˇ meh. Zaˬ siˬ tsawˇ gahˇ kʼoeˇ-aˬ, tsawˇ haˬ zaˬ deuˬ maˬ siˬ nya-eu zaꞈ taˬ-euˬ jeˬ pyeuꞈ-eu meh. Ehˇ kʼawꞈ, aˬ dui yaw shehꞈ kʼahˬ sehˇ bi za-eu lehˇ, miˇ tsaˬ tahˬ kʼawˇ maˬ beh mi naˆ-ehˇ zaˬ siˬ tsawˇ gahˇ kʼoeˇ-ahˇ Miˬyehˇ tseˇ doˆ taˬ-euˬ meh.

2 Gawˇliˬtu 1:19

Siˬlaˆ hawˇ-eu Tiˆmoˇseˬ ngaˬ ha smˇ gʼaˬ naw maꞈ-ahˇ mehˬ luꞈ-eu Miˬyehˇ-euˬ Zaˬmaˇ Yeˬsuˇ Ka liˬ-aˬ, “Ngeuˇ-eu” hawˇ-eu “Maˬ ngeuˇ-eu” nui ma nyiˬ jeˬ pi luꞈ-eu maˬ ngeuˇ-a. Aˬ yawꞈ laꞈ kʼoeˇ aˬ myah luꞈ “Ngeuˇ-eu” jeˬ tehꞈ-ehˇ ahˇ-eu meh.

Gaˬlaˬtiˆ 2:8

Aˬ jeˬ miˇ neh ehˇ naˇ, Beˬtuˆluˆ-ahˇ Yuˇdaˆ tsawˇ haˬ deuˬ gʼaˇ duˬ gʼaˬ kʼehˇ bi geuꞈ-euˬ loꞈ-ehˇ, ngaˬ-ahˇ kʼawꞈ aˬ cawˬ tsawˇ jeuˬ gʼaˇ duˬ gʼaˬ kʼehˇ bi geuꞈ-eu lehˇ Miˬyehˇ-euˬ baoˬ neh kʼehˇ taˬ-euˬ meh.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Eˇpeˇsu 6:19

Laˬ kʼaˬ cehˇ-eu Guiˬ lahˬ dawˬ gaˇ kawˆ zaꞈ taˬ-euˬ jeˬ-ahˇ aˬ cawˬ siˬ nya laˇ ni kʼaˬ duˬ ni dawˬ ngehˬ nya-eu gʼaˇ duˬ, ngaˇ dawˬ ngehˬ-eu lehˇ kʼaˇ gʼeh ngeh Miˬyehˇ-euˬ dawˬ ngaˬ-ahˇ biꞈ laꞈ ni ngaˬ-euˬ gʼaˇ duˬ kʼawꞈ aˬ myah luꞈ guiˬ lahˬ shaˇ-awˬ.

Gawˇlawˇsehˇ 1:23

Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

Gawˇlawˇsehˇ 1:6

Miˬyehˇ-euˬ guiˬ lahˬ yaw dzahˇ gaˇ kawˆ naw maꞈ gaˬ dahˬ beh-awˇ yaw muiˬ paˬ-ehˇ ya siˬ duˬ ngeh nah neh naw maꞈ kʼoeˇ taˆ muiˬ-eu guiˬ lahˬ gʼawˬ mya jeˬ keuˆ le luꞈ-eu loꞈ-ehˇ, Laˬ kʼaˬ cehˇ-eu Guiˬ lahˬ dawˬ-aˬ, tsawˇ haˬ zaˬ kʼoeˇ taˆ muiˬ-eu guiˬ lahˬ gʼawˬ mya jeˬ maˬ tsehˆ leˇ ni bi keuˆ le luꞈ-awˇ, miˇ kʼahˬ doe ni gaˬ byah-iˇ luꞈ-eu meh.

Gawˇlawˇsehˇ 2:2

Aˬ yawꞈ maꞈ-euˬ nui ma kʼaˬ duˬ ni pyeuꞈ laˇ-awˇ, gʼoeˇ-eu gaˬ-eu jeˬ laꞈ kʼoeˇ nui ma tiˬ siˬ tehꞈ-ehˇ taˬ nya laˇ-awˇ, yaw muiˬ paˬ-ehˇ gʼoˆ siˬ gʼoˆ shaw nya-eu baˬ da neh yaw duˬ yaw ciˇ baw laˇ ni, ngaˇ kʼoeˇ loꞈ-ehˇ mˇ luꞈ-eu ma. Kʼoeˇ loꞈ-ehˇ mˇ-eu baˬ da neh, Miˬyehˇ neh zaꞈ taˬ-eu jeˬ pyeuꞈ-eu Ka li-ahˇ aˬ yawꞈ maꞈ siˬ nya laˇ tehꞈ-a.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.

2 Teˇsaˬloˇni 2:7

Yaw haiˬ jeˬ kʼoeˇ-aˬ, nymˬ-mˇ mi naˆ-ehˇ gaˇ mˇ luꞈ-eu meh. Pyeuꞈ laˇ-eu lehˇ bymˬ luꞈ-eu kʼoeˇ-ahˇ laˆ tsoeˬ taˬ-euˬ gʼaˬ-ahˇ Miˬyehˇ maˬ yuˇ dzeh kʼoeˇ keuˆ ni maˬ pyeuꞈ doˆ laˇ nya-aˇ.

1 Tiˆmoˇseˬ 3:9

Jah-eu jeˬ-ahˇ taꞈ leˇ-awˇ pah mehˬ nehˬ laꞈ-euˬ yaw tsaˬ yaw dawˇ jeˬ-ahˇ, shawˇ jehˆ ni gʼeh-eu siˬ nya-eu nui ma neh ziꞈ dah ni tuˆ tehˬ taˬ-euˬ tsawˇ haˬ ya bi pyeuꞈ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 7:7

Dawˬ ngehˬ gʼeh nehˬ-eu gʼaˬ-aˬ, dawˬ bi ngehˬ gʼeh nehˬ-euˬ gʼaˬ naˆ maˬ tseˇ huiˬ dzehˬ meh lehˇ, tsawˇ haˬ yawˬ gʼaˬ na luꞈ siˬ nya meh. Piˇ ma deuˬ-ahˇ tseˇ bymˇ tiˬ bymˇ taꞈ nehˬ-euˬ kʼoeˇ-aˬ, shiˇ nya-eu tsawˇ haˬ zaˬ deuˬ-ahˇ taꞈ nehˬ-euˬ jeˬ pyeuꞈ-eu meh.

HeˬByehˇ 8:1

Aˬ dui ehˇ luꞈ-eu gaˇ kawˆ heu dawˬ tawˆ luꞈ-euˬ uˬ dzah-aˬ, heu loꞈ-ehˇ ehˇ mawꞈ-eu ma. Mˬ kʼoeˇ taˆ uˆ lahˇ luꞈ-eu Sahˬpaˬ pyeuꞈ-eu Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu Piˇma Yaw huiˬ tiˬ gʼaˬ aˬ dui jawˇ-eu ma.

1 Beˬtuˆluˆ 1:12

Aˇ hu Miˬyehˇ gʼaˇ duˬ ngeh dah-eu kʼoeˇ deuˬ neh mˇ-euˬ gaˇ-aˬ, aˬ yawꞈ maꞈ-euˬ gʼaˇ duˬ maˬ ngeuˇ-ehˇ, naw maꞈ-euˬ gʼaˇ duˬ pyeuꞈ-eu gaˇ kawˆ aˬ yawꞈ maꞈ-ahˇ Miˬyehˇ pah mehˬ nehˬ-euˬ meh. Aˇ hu aˬ yawꞈ maꞈ neh ngehˬ dah-euˬ gaˇ kawˆ kʼoeˇ deuˬ-aˬ, nymˬ-mˇ mˬ kʼoeˇ taˆ neh bi oe-euˬ Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ Laˬ kʼaˬ cehˇ-eu Guiˬ lahˬ dawˬ mehˬ-eu deuˬ mehˬ luꞈ-eu, naw maꞈ ya gaˬ luꞈ-eu gaˇ kawˆ heu deuˬ meh. Gaˇ kawˆ heu-aˬ, mˬ taˆ gʼaˬ kʼehˇ deuˬ-ahˇ keuˆ ni siˬ mawꞈ dui dui-eu gaˇ kawˆ meh.

1 Beˬtuˆluˆ 1:20

Miˇ tsaˬ tahˬ kʼawˇ heu maˬ beh mi naˆ-ehˇ Miˬyehˇ neh aˬ yawꞈ-ahˇ tseˇ doˆ taˬ-awˇ, aˇ nah aˇ yamˬ heu laꞈ kʼoeˇ naw maꞈ-euˬ gʼaˇ duˬ aˬ yawꞈ-ahˇ Miˬyehˇ bi doˆ le-euˬ meh.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

1 Beˬtuˆluˆ 3:22

Gʼoꞈ dehꞈ laˇ-euˬ Ka li-aˬ, mˬ kʼoeˇ taˆ daˆ gʼoꞈ leˇ-awˇ Miˬyehˇ-euˬ aˇ maˇ paw nuiˇ-eu laꞈ kʼoeˇ, mˬ taˆ gʼaˬ kʼehˇ dawˬ tawˆ luꞈ kʼoeˇ taˆ maˬ ehˇ, mˬ taˆ-euˬ sahˬ paˬ sahˬ ma deuˬ hawˇ-eu baoˬ ahˇ-eu deuˬ dawˬ tawˆ luꞈ kʼoeˇ taˆ maˬ ehˇ, uˆ lahˇ luꞈ-eu meh.

1 Yoˇhaˬ 1:2

Saˬ laˇ dehꞈ-eu jeˬ kʼoeˇ-ahˇ mawˇ nya ni pah mehˬ nehˬ laꞈ ngeh, nga maꞈ ya mawˇ duˬ-euˬ ma. Kʼoeˇ miˇ neh, gaˇ kawˆ kʼoeˇ nga maꞈ ja-awˇ, yaw beh Aˬda Miˬyehˇ nehˬ-ehˇ jawˇ-euˬ mˬ maˬ maˬ byaˆ zaˇ ziˇ dehꞈ-eu saꞈ laˇ kʼoeˇ nymˬ-mˇ aˬ dui-ahˇ bi siˬ bi mawˇ le-euˬ gaˇ kawˆ naw maꞈ-ahˇ ja mehˬ-eu ma.

1 Yoˇhaˬ 3:5

Ka li oe-euˬ-aˬ, iˬ baˇ-ahˇ yuˇ dzeh-eu gʼaˇ duˬ pyeuꞈ-awˇ, aˬ yawꞈ-euˬ laꞈ kʼoeˇ iˬ baˇ tiˬ pawꞈ-iˬ maˬ ahˇ-eu gaˇ kawˆ naw maꞈ siˬ duˬ luꞈ meh.

1 Yoˇhaˬ 3:8

Iˬ baˇ kʼaˇ mˇ daˆ leꞈ-eu tsawˇ haˬ-aˬ, Nehꞈ sahˬ paˬ-ahˇ taꞈ-eu tsawˇ haˬ meh. Aˬ jeˬ miˇ neh ehˇ naˇ, Nehꞈ sahˬ paˬ-aˬ, aˇ dahˬ beh ngeh neh iˬ baˇ mˇ daˆ laꞈ-euˬ meh. Kʼoeˇ baˬ da neh, Miˬyehˇ-euˬ Zaˬmaˇ oe-euˬ meh. Nehꞈ saˬ paˬ neh mˇ taˬ-euˬ jeˬ-ahˇ laˆ cawˆ-eu gʼaˇ duˬ oe-euˬ jeˬ pyeuꞈ-eu meh.

Panmaeq 17:5

Zaꞈ taˬ-euˬ dawˬ tsuiꞈ ahˇ-eu tsawˇ myahˇ tiˬ myahˇ aˬ yawꞈ-euˬ naˇ kʼawˇ-ahˇ heu loꞈ-ehˇ boꞈ taˬ-euˬ meh. “Meh maˬ laˇ deuˬ hawˇ-eu, miˇ tsaˬ kʼoeˇ taˆ nui daˆ daˆ laˇ paˬ-ehˇ gʼeh-eu jeˬ dawˬ tawˆ luꞈ-euˬ aˬ ma yaw dzahˇ Baˬbuˬloˬ meuˬ meuˬ ma” lehˇ boꞈ taˬ-euˬ meh.

Panmaeq 17:7

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu, “Aˬ jeˬ miˇ neh nawˇ zahˬ leˇ te. Zaˬ miˬ zaˬ kʼoeˇ gʼaˬ hawˇ-eu, uˬ duˬ shiꞈ siˬ tsoꞈ-awˇ uˬ coeˇ tseˇ coeˇ tsoꞈ-eu jeˬ zaˬ yaw haiˬ kʼoeˇ mawˇ-euˬ gaˇ kawˆ, zaꞈ taˬ-euˬ dawˬ tsuiꞈ ngaˇ nawˬ-ahˇ ehˇ nehˬ nyaˇ.

Panmaeq 7:9

Kʼoeˇ naˇ, ngaˇ paˇ haw gʼeh ngeh, tsawˇ haˬ tiˬ gʼaˬ-iˬ maˬ gui jiˇ coeˇ ni myaˬ-eu tsawˇ haˬ aˇ maꞈ tiˬ maꞈ-ahˇ ya mawˇ-euˬ ma. Aˬ yawꞈ maꞈ-aˬ, miˇ tsaˬ tsawˇ jeuˬ tsawˇ ca dawˬ tawˆ luꞈ-ahˇ taꞈ-eu tsawˇ haˬ deuˬ pyeuꞈ-awˇ, pyuˇ deuˬ ni gʼeh-eu pehˇ kʼahˬ pehˇ mahˇ dm-awˇ aˬ laꞈ-ahˇ daoˇ uˬ pyaˬ yuˇ luꞈ-awˇ, dzoeˬ dzaˬ nuiˇ mahˬ hawˇ-eu Yawˇzaˬ-euˬ mehˬ shi yawꞈ luꞈ-eu meh.