1 Tiˆmoˇseˬ 3:10 - Akha

¹⁰ Gaˇ maˬ bi mˇ mi naˆ-ehˇ jeˬ huˬ lawˬ haw-awˇ, geuˇ-eu deuˬ-ahˇ tehꞈ-ehˇ Ka li zaˬ aˇ muˇ-euˬ gaˇ-ahˇ caw ba-eu tsawˇ haˬ bi geuꞈ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf maf-anr khawf jeqhu tsermr haw-awr, aerkhar maqza nar-aq, aqyawf maf-anr cawba-eu tsawrhaq bigeuf-awq.

1 Tiˆmoˇseˬ 3:10 ပူးပေါင်းရင်းမြစ်များ

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

Gawˇlawˇsehˇ 1:22

Ehˇ kʼawꞈ, naw maꞈ-ahˇ muiˬ-eu shawˇ-eu laꞈ kʼoeˇ iˬ baˇ taˬ kʼaˇ maˬ za ni Miˬyehˇ mehˬ shi bi sheuˬ keuˆ gʼeh-eu gʼaˇ duˬ, aˬ yawꞈ-euˬ Zaˬmaˇ-euˬ shiˬ shaˬ jiˇ gʼawˇ mawˇ bi shiˇ dah-eu laꞈ kʼoeˇ, naw maꞈ Miˬyehˇ-ahˇ tsaˬ leˇ dzoeˇ leˇ nya ni Miˬyehˇ jahˇ-euˬ meh.

1 Tiˆmoˇseˬ 3:13

Ka li zaˬ aˇ muˇ-ahˇ caw ba-eu gaˇ yaw muiˬ paˬ-ehˇ mˇ-eu tsawˇ haˬ deuˬ-aˬ, aˬ cawˬ mehˬ shi ziꞈ dah ni gʼeh-eu uˬ taꞈ, Yeˬsuˇ Ka li laꞈ kʼoeˇ yawˬ ha jah-eu jeˬ gaˇ kawˆ kʼaˬ duˬ ni ngehˬ doˆ tmˇ doˆ laꞈ tehꞈ-a.

1 Tiˆmoˇseˬ 3:2

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu, miˬ zaˬ tiˬ gʼaˬ tehꞈ-ehˇ baw-eu, noeˬ dahˇ doe-eu, yawˬ ha-euˬ nui ma-ahˇ gʼaˬ leˇ-eu, gaˇ yaw luiˆ luiˆ-ehˇ mˇ nya-eu, daˬ yah-ahˇ yaw muiˬ paˬ-ehˇ ha-eu, aˬ cawˬ-ahˇ mehˬ nehˬ tsoˆ nehˬ nya-eu tsawˇ haˬ ya bi pyeuꞈ meh.

1 Tiˆmoˇseˬ 3:6

Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh.

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.