1 Tiˆmoˇseˬ 2:4 - Akha

⁴ Aˬ yawꞈ-aˬ, tsawˇ haˬ yawˬ gʼaˬ na luꞈ ka kʼoꞈ-eu jeˬ bi za mawꞈ-awˇ, yaw tsaˬ yaw dawˇ jeˬ-ahˇ bi siˬ nya mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

1 Tiˆmoˇseˬ 2:4 ပူးပေါင်းရင်းမြစ်များ

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Yeˬsaˬgeˬlaˇ 18:23

Haiˬ-eu tsawˇ haˬ shiˇ gaˇ ngaˇ laˬ kʼaˬ cehˇ meh lehˇ naw maꞈ noeˬ te loˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma. Maˬ ngeuˇ. Aˬ yawꞈ noeˬ poˆ noeˬ paˇ-awˇ yaw dehꞈ ya dehꞈ gaˇ ngaˇ mawˇ mawꞈ-eu ma.

Yeˬsaˬgeˬlaˇ 18:32

Tsawˇ haˬ tiˬ gʼaˬ iˬ maˬ bi shiˇ mawꞈ nya. Iˬ baˇ-ahˇ byehˇ dzeh-awˇ yaw dehꞈ dehꞈ-awˬ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Haˬbaˬkuˆ 2:14

Sahˬpaˬ Miˬyehˇ yaw shehꞈ kʼahˬ sehˇ, huiˬ-eu meh lehˇ siˬ nya-eu jeˬ, laˆ shaˆ iˇ cuꞈ byah-eu loꞈ-ehˇ, miˇ tsaˬ kʼoeˇ taˆ byah-iˇ tehꞈ-a.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maˬkuˆ 16:15

Aˬ yawꞈ maꞈ-ahˇ aˬ yawꞈ ehˇ nehˬ-eu, “Miˇ tsaˬ tahˬ kʼawˇ heu doe ni iˇ-awˇ, tsawˇ jeuˬ dawˬ tawˆ luꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ-iˇ-awˬ.

Luˇkaꞈ 1:77

iˬ baˇ pyehˬ nehˬ-eu jeˬ baˬ da, ka kʼoꞈ-eu jeˬ za nya meh lehˇ, Miˬyehˇ-euˬ tsawˇ haˬ kʼoeˇ deuˬ-ahˇ, nawˇ ya dzawˇ mehˬ nehˬ-iˇ tehꞈ-a.

Luˇkaꞈ 14:23

Kʼoeˇ ngeh, baw leˬ gʼaˬ zaˬ kʼaˆ kʼoeˇ gʼaˬ-ahˇ ehˇ-eu, ‘Meuˬ-euˬ laꞈ nyiˇ gaˇ jawˬ hawˇ-eu gaˇ ma doe ni tsawˇ haˬ kuˇ laˬ-iˇ-awˇ, ngaˬ-euˬ nymˇ maˬ byah kʼoeˇ byah ni kuˇ byah-awˬ.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 17:17

Yaw tsaˬ yaw dawˇ jeˬ-ahˇ gʼoe-awˇ, aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ha ahˇ geuꞈ-awˬ. Nawˬ-euˬ dawˬ-aˬ, yaw tsaˬ yaw dawˇ jeˬ meh.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Lormav 11:14

Ngaˇ kʼoeˇ loꞈ-ehˇ mˇ-eu miˇ neh ngaˬ-euˬ tsawˇ jeuˬ ngaˬ-ahˇ myaˆ naˆ-eu laꞈ kʼoeˇ, aˬ yawꞈ maꞈ tiˬ paˆ na deuˬ-ahˇ Miˬyehˇ ka kʼoꞈ nehˬ-eu duˇ.

1 Tiˆmoˇseˬ 4:10

Aˬ dui-aˬ, leh jeh leh jeh-ehˇ gaˇ mˇ dui dui luꞈ-eu ma. Aˬ jeˬ miˇ neh ehˇ naˇ, dehꞈ luꞈ-eu Miˬyehˇ-ahˇ aˬ dui noeˬ tmˬ taˬ-euˬ ma. Aˬ yawꞈ-aˬ, tsawˇ haˬ dawˬ tawˆ luꞈ-ahˇ ka kʼoꞈ-eu gʼaˬ pyeuꞈ-awˇ, aˬ cawˬ-ahˇ naˆ maˬ tseˇ jah-eu tsawˇ haˬ deuˬ-ahˇ ka kʼoꞈ-eu meh.

2 Tiˆmoˇseˬ 2:25

Yawˬ ha-ahˇ nui ma maˬ tsaˬ-eu tsawˇ haˬ deuˬ-ahˇ nui ma gʼawˬ mahˇ ni taˬ-awˇ mehˬ paˇ tsoˆ paˇ nya-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, Miˬyehˇ aˬ yawꞈ maꞈ-ahˇ bi noeˬ paˇ-awˇ, yaw tsaˬ yaw dawˇ jeˬ-ahˇ bi siˬ nya laˇ gaˇ noeˬ tmˬ kʼaˇ za-eu meh.

2 Tiˆmoˇseˬ 3:7

Zaˬ miˬ zaˬ kʼoeˇ deuˬ-aˬ, aˇ naˆ ni mehˬ nehˬ kʼawꞈ yaw tsaˬ yaw dawˇ jeˬ-ahˇ tiˬ jawˇ-iˬ maˬ siˬ nya laˇ-a.

Tiˇtuˆ 1:1

Miˬyehˇ-euˬ zaˬ kʼaˆ hawˇ-eu Yeˬsuˇ Ka li-euˬ gʼaˬ kʼehˇ yeuꞈ-eu ngaˇ Pawˇluˆ heu loꞈ-ehˇ sahˬ boꞈ boꞈ ahˇ leꞈ-eu ma. Miˬyehˇ neh tseˇ doˆ-euˬ tsawˇ haˬ deuˬ-euˬ jah-eu jeˬ-ahˇ caw dehˬ caw toˆ nehˬ-awˇ, aˬ dui-euˬ uˬ duˬ tahˬ-eu zahˇ sahˇ kʼoꞈ heu neh mehˬ taˬ tsoˆ taˬ-euˬ yaw tsaˬ yaw dawˇ jeˬ-ahˇ siˬ nya laˇ ni sheuˬ gʼeh nehˬ-eu gʼaˇ duˬ, ngaˬ-ahˇ tseˇ doˆ-awˇ kʼehˇ gʼeh leꞈ-euˬ meh.

Tiˇtuˆ 2:11

Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

HeˬByehˇ 10:26

Yaw tsaˬ yaw dawˇ jeˬ-ahˇ aˬ dui siˬ nya gʼaˬ miˇ tsa, diˇ daˬ-ehˇ iˬ baˇ mˇ daˆ leꞈ-eu ngeuˇ naˇ, aˬ dui gʼaˇ duˬ iˬ baˇ shawˇ-eu lawˇ-eu shehˇ-eu jeˬ maˬ paˇ baw meh.

Yaˬkoˆ 3:14

Ehˇ kʼawꞈ, myaˆ naˆ-eu jeˬ, aˬ cawˬ-ahˇ nui ma naˇ-eu jeˬ hawˇ-eu, yawˬ ha-euˬ gʼaˇ duˬ tehꞈ-ehˇ shaˇ noeˬ-eu jeˬ naw maꞈ-euˬ nui ma laꞈ kʼoeˇ ahˇ naˇ, zaˬ siˬ tsawˇ gahˇ ahˇ ma lehˇ kʼahˬ sehˇ jehˆ-awˇ yaw tsaˬ yaw dawˇ jeˬ-ahˇ taˬ mˇ bahˬ.

2 Beˬtuˆluˆ 3:9

Sahˬpaˬ Miˬyehˇ-aˬ, tsawˇ haˬ tiˬ paˆ na deuˬ noeˬ-eu loꞈ-ehˇ, aˬ yawꞈ neh saˇ jaˇ dzaˬ taˬ-euˬ jeˬ maˬ mˇ byah ni nyi naˬ-eu Miˬyehˇ maˬ ngeuˇ-a. Ehˇ kʼawꞈ, tsawˇ haˬ tiˬ gʼaˬ-iˬ maˬ bi luˬ maˬ bi seˇ-iˇ mawꞈ-eu miˇ neh, dawˬ tawˆ luꞈ iˬ baˇ bi noeˬ poˆ-eu gʼaˇ duˬ aˬ yawꞈ oˇ luꞈ-eu jeˬ pyeuꞈ-eu meh.

2 Yoˇhaˬ 1:1

Tsawˇ mawˬ tsawˇ kʼaˆ pyeuꞈ-eu ngaˇ, Ngaˇ maˇ maˇ ni gaˬ dui dui-eu Miˬyehˇ neh tseˇ doˆ-euˬ zaˬ miˬ zaˬ hawˇ-eu aˬ yawꞈ-euˬ zaˬ deuˬ jawˇ gaˇ sahˬ boꞈ heu taꞈ boꞈ ahˇ laꞈ-eu ma. Ngaˇ tehꞈ-ehˇ maˬ ngeuˇ ni, yaw tsaˬ yaw dawˇ jeˬ-ahˇ kʼaˇ siˬ nya-eu tsawˇ haˬ dawˬ tawˆ luꞈ naw maꞈ-ahˇ gaˬ-eu meh.

Panmaeq 14:6

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-euˬ gʼahˇ ceh zaw gaˇ ngaˇ ya mawˇ-euˬ ma. Aˬ yawꞈ-aˬ, miˇ kʼahˬ tsawˇ jeuˬ tsawˇ ca dawˬ tawˆ luꞈ-ahˇ ja ceuˬ-eu gʼaˇ duˬ mˬ maˬ maˬ byaˆ zaˇ ziˇ Laˬ kʼaˬ cehˇ-eu Guiˬ lahˬ dawˬ pi luꞈ-eu meh.