1 Tiˆmoˇseˬ 2:15 - Akha

¹⁵ Ehˇ kʼawꞈ, zaˬ miˬ zaˬ tiˬ gʼaˬ nui nahˬ nui yu ahˇ-eu laꞈ kʼoeˇ, jah-eu jeˬ, gʼoeˇ-eu gaˬ-eu jeˬ hawˇ-eu, muiˬ-eu shawˇ-eu jeˬ laꞈ kʼoeˇ ziꞈ luꞈ naˇ, zaˬ ciˬ zaˬ cu mˇ-eu baˬ da neh ka kʼoꞈ-eu jeˬ za nya tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aerkhawf, zaqmiq aqbur deuq-aq, jan-eu, gaq-eu, yawshawr shawr-aer daef-eu hawr-eu yawqha-euq nuima-anr ghaqler-eu, heudeuq-euq lafkhoer zifluf nar-aq, zaqciq zaqcu mr ngae yabuq-ir taef-a.

1 Tiˆmoˇseˬ 2:15 ပူးပေါင်းရင်းမြစ်များ

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 31:22

Saˇ jaˇ maˬ ziꞈ-eu tsawˇ jeuˬ-oˇ, aˇ myah keuˆ ni nyi naˬ-eu lehˇ gʼeh te. Miˇ tsaˬ kʼoeˇ taˆ yaw shuiꞈ tiˬ jeˬ ngaˇ beh paˇ taˬ-euˬ ma. Kʼaˬ dzeˇ zaˬ-ahˇ zaˬ miˬ zaˬ ya haw piˇ paˬ-ehˇ, tahˬ poˆ-ehˇ beh paˇ taˬ-euˬ ma.”

Luˇkaꞈ 2:7

Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

1 Gawˇliˬtu 12:23

Gaˇ dahˇ yaw kʼaˆ-ehˇ maˬ tsoeˬ-aˇ lehˇ aˬ dui sawˇ taˬ-euˬ aˇ sehˇ deuˬ-ahˇ-aˬ, aˬ cawˬ naˆ maˬ tseˇ aˬ dui bo saˆ-awˇ, maˬ bi mawˇ kʼmˬ-eu aˇ sehˇ deuˬ-ahˇ-aˬ, aˬ cawˬ naˆ maˬ tseˇ kʼahˇ ya kʼoꞈ-eu meh.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.

1 Tiˆmoˇseˬ 1:5

Aˬ yawꞈ maꞈ-ahˇ kʼoeˇ loꞈ-ehˇ maˬ mehˬ ni bi naˬ-eu gʼaˇ duˬ aˬ dui dawˬ biꞈ-eu heu-aˬ, shawˇ jehˆ ni gʼeh-eu nui ma laꞈ kʼoeˇ neh doˆ laˇ-euˬ gʼoeˇ-eu gaˬ-eu jeˬ maˬ ehˇ, shawˇ jehˆ ni gʼeh-eu siˬ nya-eu nui ma maˬ ehˇ, maˇ jawˆ ni gʼeh-eu jah-eu jeˬ maˬ ehˇ, aˬ yawꞈ maꞈ laꞈ kʼoeˇ bi dehꞈ laˇ-eu gʼaˇ duˬ pyeuꞈ-eu ma.

1 Tiˆmoˇseˬ 2:9

Zaˬ miˬ zaˬ deuˬ kʼawꞈ nui ma nahˬ yu ni taˬ-awˇ, aˬ cawˬ haw muiˬ ni bi dm bi gʼaˬ mawꞈ-eu ma. Uˬ duˬ tsehˇ kahˇ aˬ cawˬ-ahˇ maˬ duˇ gaˇ keuˆ ni laˆ muiˬ-eu, shuiˇ myawˬ guˇ geuꞈ-eu, aˇ caˇ caˇ kʼawꞈ sehˇ geuꞈ-eu, aˇ poeˬ kʼaˆ dui dui-eu mehˬ tsoeˬ dm-eu, heu loꞈ-ehˇ gʼeh-eu deuˬ-ahˇ cehˇ gʼa-eu maˬ tsaˬ-a.

Tiˇtuˆ 2:12

Guiˬ lahˬ yaw dzahˇ kʼoeˇ aˬ dui-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh. Miˬyehˇ-ahˇ yaw zeu maˬ baw-eu yaw dehꞈ dehꞈ-eu jeˬ hawˇ-eu shiˬ shaˬ jiˇ-euˬ nui noeˬ nui loˆ-ahˇ byehˇ dzeh-eu gʼaˇ duˬ maˬ ehˇ, miˇ tsaˬ heu kʼoeˇ taˆ dehꞈ ngeh yawˬ ha-euˬ nui ma-ahˇ gʼaˬ leˇ-awˇ, nui ma yaw dawˇ dawˇ-ehˇ dehꞈ-eu laꞈ kʼoeˇ Miˬyehˇ-ahˇ yaw zeu baw-awˇ,

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.