1 Tiˆmoˇseˬ 2:13 - Akha

¹³ Aˬ jeˬ miˇ neh ehˇ naˇ, Aˬdaˬ-ahˇ jeˬ huˬ beh gʼaˬ miˇ tsa, Eˇbaˆ-ahˇ beh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqjeq mirnae aernar-aq, Aqdaq-anr jeqhu baeghaq-awr nae taef-aer Erbav-anr bae-euq mae.

1 Tiˆmoˇseˬ 2:13 ပူးပေါင်းရင်းမြစ်များ

Aˇ dahˬ 1:27

Kʼoeˇ naˇ, tsawˇ haˬ zaˬ-ahˇ Miˬyehˇ beh-euˬ meh. Tsawˇ haˬ zaˬ-ahˇ aˬ yawꞈ beh ngeh, aˬ yawꞈ-ahˇ duˇ ni beh-euˬ meh. Zaˬ miˬ zaˬ hawˇ-eu kʼaˬ dzeˇ zaˬ aˬ yawꞈ beh-euˬ meh.

Aˇ dahˬ 2:18

Kʼoeˇ naˇ, “Tsawˇ haˬ zaˬ tiˬ gʼaˬ tehꞈ-ehˇ jawˇ-eu maˬ muiˬ-a. Aˬ yawꞈ-ahˇ bi caw ba-eu gʼaˇ duˬ, aˬ yawꞈ-ahˇ geuˇ-eu cawˬ tiˬ gʼaˬ ngaˇ beh nehˬ ma” lehˇ, Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.

Aˇ dahˬ 2:22

Behˇ jehˆ kʼoeˇ kahˬ neh zaˬ miˬ zaˬ tiˬ gʼaˬ-ahˇ Miˬyehˇ pyeuꞈ-eu Sahˬpaˬ Miˬyehˇ beh-awˇ, tsawˇ haˬ zaˬ kʼoeˇ gʼaˬ jawˇ gaˇ sheuˬ gʼeh nehˬ-euˬ meh.

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Aˇ dahˬ 3:20

Aˬdaˬ-aˬ, aˬ yawꞈ-euˬ miˬ zaˬ-ahˇ Eˇbaˆ lehˇ myahˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, tsawˇ haˬ zaˬ dawˬ tawˆ luꞈ-euˬ aˬ ma ma dzahˇ gʼaˬ pyeuꞈ-eu meh.