1 Tiˆmoˇseˬ 2:11 - Akha

¹¹ Zaˬ miˬ zaˬ deuˬ-aˬ, ciˬ cuˇ ni jawˇ-awˇ nui ma nahˬ yu ni taˬ-eu laꞈ kʼoeˇ, aˬ cawˬ mehˬ gaˇ naˇ haˬ geuꞈ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Zaqmiq aqbur deuq-aq, ciqcurni jawr-awr, aqcawq maeq-eu gar yawzeubaw duidui-eu lafkhoer dzawgeuf-awq.

1 Tiˆmoˇseˬ 2:11 ပူးပေါင်းရင်းမြစ်များ

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Iˇsaˬtaˆ 1:20

Nawˬ neh biꞈ-euˬ dawˬ kʼoeˇ dawˬ huiˬ dui dui-eu miˇ kʼahˬ heu kʼahˬ-ahˇ gaˬ byah ngeh, iˇ shaˬ deuˬ maˬ ehˇ, smˇ muiˬ deuˬ maˬ ehˇ, zaˬ miˬ zaˬ yawˬ gʼaˬ na luꞈ yawˬ ha-euˬ kʼaˬ dzeˇ zaˬ-ahˇ yaw zeu baw tehꞈ-a.”

1 Gawˇliˬtu 11:3

Ehˇ kʼawꞈ, Ka li-aˬ, tsawˇ haˬ yawˬ gʼaˬ na luꞈ-euˬ uˬ duˬ pyeuꞈ-eu gaˇ kawˆ maˬ ehˇ, kʼaˬ dzeˇ zaˬ-aˬ miˬ zaˬ-euˬ uˬ duˬ pyeuꞈ-eu gaˇ kawˆ maˬ ehˇ, Miˬyehˇ-aˬ Ka li-euˬ uˬ duˬ pyeuꞈ-eu gaˇ kawˆ maˬ ehˇ, naw maꞈ bi gʼoˆ shaw mawꞈ miˇ-a.

Gawˇlawˇsehˇ 3:18

Miˬ zaˬ deuˬ-oˇ, yawˬ ha-euˬ kʼaˬ dzeˇ zaˬ uˆ lahˇ-eu uˬ moˆ dehꞈ-awˬ. Aˬ jeˬ miˇ neh ehˇ naˇ, naw maꞈ Ka li zaˬ pyeuꞈ-eu miˇ neh kʼoeˇ loꞈ-ehˇ dehꞈ-eu tsaˬ meh.

1 Tiˆmoˇseˬ 2:10

Ehˇ kʼawꞈ, Miˬyehˇ-ahˇ yaw zeu baw-eu ma lehˇ yawˬ haˇ yaw ha ehˇ-eu zaˬ miˬ zaˬ deuˬ-aˬ, yaw muiˬ jeˬ mˇ-eu paw leh jeh-eu tsaˬ meh.

Tiˇtuˆ 2:5

Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.