1 Tiˆmoˇseˬ 1:8 - Akha

⁸ Zahˇ dawˬ kʼoꞈ dawˬ-aˬ, yaw tsaˬ tsaˬ-ehˇ zmˬ naˇ muiˬ meh lehˇ aˬ dui siˬ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Zanrdawq-aq, zmqtsaq nar-aq, yawmuiq mae laer aqdui siqnya-eu ma.

1 Tiˆmoˇseˬ 1:8 ပူးပေါင်းရင်းမြစ်များ

Neˬhaˬmiˇ 9:13

Siˇnaˆ gawˬ jawˬ kʼoeˇ taˆ mˬ-ahˇ neh nawˇ oe-awˇ, nawˬ-euˬ tsawˇ jeuˬ-ahˇ dawˬ ngehˬ cawˬ le-awˇ, muiˬ-eu tsaˬ-eu zahˇ sahˇ kʼoꞈ dawˬ kawˬ deuˬ, aˬ yawꞈ maꞈ-ahˇ nawˇ biꞈ le-euˬ meh.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 7:16

Ngaˇ mˇ luꞈ-eu jeˬ-aˬ, ngaˇ maˬ mˇ mawꞈ-eu jeˬ pyeuꞈ-eu miˇ neh, Zahˇ dawˬ kʼoꞈ dawˬ tsaˬ meh lehˇ ngaˇ ehˇ luꞈ gaˇ duˇ-eu meh.

Lormav 7:18

Shiˬ shaˬ jiˇ-euˬ nui noeˬ pi luꞈ-eu ngaˬ-euˬ gʼawˇ mawˇ heu laꞈ kʼoeˇ yaw muiˬ jeˬ maˬ ahˇ nya lehˇ ngaˇ siˬ nya ma. Aˬ jeˬ miˇ neh ehˇ naˇ, yaw muiˬ jeˬ mˇ mawꞈ-eu nui ma ahˇ luꞈ kʼawꞈ, kʼoeˇ loꞈ-ehˇ maˬ mˇ nya nya.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

Gaˬlaˬtiˆ 3:21

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ Miˬyehˇ neh dzaˬ taˬ-euˬ saˇ jaˇ-ahˇ laˆ cawˆ ta loˇ. Maˬ ngeuˇ-a. Aˬ jeˬ miˇ neh ehˇ naˇ, dehꞈ-eu jeˬ biꞈ laꞈ nya-eu zahˇ dawˬ kʼoꞈ dawˬ-ahˇ tsawˇ haˬ zaˬ deuˬ za taˬ-euˬ ngeuˇ naˇ, zahˇ dawˬ kʼoꞈ dawˬ kʼoeˇ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ nya tehꞈ-a.

2 Tiˆmoˇseˬ 2:5

Cehˆ ceh ceh-eu tsawˇ haˬ tiˬ gʼaˬ-aˬ, niˇ gʼa-eu zahˇ sahˇ kʼoꞈ-ahˇ maˬ caw teh naˇ laꞈ sawˬ maˬ za nya-a.