1 Tiˆmoˇseˬ 1:13 - Akha

¹³ Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.

1 Tiˆmoˇseˬ 1:13 ပူးပေါင်းရင်းမြစ်များ

Hawˇseˬ 2:23

Miˇ kʼahˬ heu kʼahˬ jawˇ duˬ laꞈ kʼoeˇ, ngaˬ-euˬ tsawˇ haˬ deuˬ ziꞈ leˇ-awˇ, baw le za le ni ngaˇ jahˇ ma. “Maˬ gaˬ-eu tsawˇ haˬ” lehˇ kuˇ-euˬ, kʼoeˇ deuˬ-ahˇ ngaˇ gaˬ poˆ nehˬ-awˇ, “Ngaˬ-euˬ tsawˇ haˬ maˬ ngeuˇ” ehˇ gaˇ, “Ngaˬ-euˬ tsawˇ haˬ ngeuˇ-eu ma” lehˇ, ngaˇ paˇ kuˇ poˆ ehˇ poˆ nehˬ ngeh, “Nawˇ nga maꞈ-euˬ Miˬyehˇ ma” lehˇ, ngaˬ-ahˇ yawꞈ maꞈ kuˇ laˇ tehꞈ-a.

Uˬ duˬ 13:16

Ehˇ kʼawꞈ, maˇ naˇ taˬ leˇ-awˇ, pyuˇ deuˬ ni paˇ pyeuꞈ laˇ naˇ, piˇ ma jawˇ gaˇ paˇ ya le meh.

Bawˇtsahˬ 15:30

Ehˇ kʼawꞈ, Iˇsaˬleˬlaˆ tsawˇ haˬ tiˬ gʼaˬ na maˬ ehˇ, boeˇ miˬ siˬ kʼaˬ tiˬ gʼaˬ na maˬ ehˇ, maˇ maˇ ni iˬ baˇ mˇ ma lehˇ noeˬ-awˇ mˇ naˇ, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-eu iˬ baˇ naꞈ-eu miˇ neh, sehꞈ gaˇ ya daˬ tehꞈ-a.

Luˇkaꞈ 12:47

“Baw leˬ-euˬ nui kʼahˇ siˬ nya siˬ nya-ehˇ, baw leˬ-euˬ nui kʼahˇ maˬ mˇ-eu zaˬ kʼaˆ-aˬ, yaw kʼaˆ-ehˇ diˬ gaˇ ya daˬ tehꞈ-a.

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Gʼaˬkʼehˇ 22:4

Gaˇma heu kahˇ mehˬ nah caw teh-eu tsawˇ haˬ deuˬ-ahˇ shiˇ gaˇ keuˆ ni ngaˇ kʼehˬ nehˬ kʼaˆ nehˬ-euˬ ma. Kʼaˬ dzeˇ zaˬ hawˇ-eu zaˬ miˬ zaˬ deuˬ-ahˇ nyehꞈ-awˇ tawˬ-ahˇ dawˆ nehˬ-euˬ ma.

Gʼaˬkʼehˇ 3:17

“Aˬ yuiꞈ aˬ nyiˇ deuˬ-oˇ, naw maꞈ hawˇ-eu naw maꞈ-euˬ aˬ yuiꞈ aˬ tsu deuˬ neh Yeˬsuˇ-ahˇ jahˇ nehˬ-euˬ heu-aˬ, naw maꞈ maˬ siˬ nya-eu miˇ neh meh lehˇ ngaˇ siˬ duˬ ma.

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

Gʼaˬkʼehˇ 9:1

Kʼoeˇ ngeh, Sawˇluˆ-aˬ, Sahˬpaˬ Yeˬsuˇ-euˬ mehˬ nah kʼaˇ caw teh-eu tsawˇ haˬ deuˬ-ahˇ sehꞈ ma lehˇ lmˬ lmˬ-ehˇ kʼaˬ-euˬ meh. Piˇ ma Yaw huiˬ gʼaˬ jawˇ gaˇ aˬ yawꞈ le-awˇ,

Gʼaˬkʼehˇ 9:13

Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.

Gʼaˬkʼehˇ 9:5

Aˬ yawꞈ ehˇ-eu, “Sahˬpaˬ-oˇ, nawˇ aˬ suˇ gʼaˬ te.”

1 Gawˇliˬtu 15:9

Aˬ jeˬ miˇ neh ehˇ naˇ, gʼaˬ kʼehˇ dawˬ tawˆ luꞈ laꞈ kʼoeˇ ngaˇ aˬ cawˬ naˆ maˬ tseˇ teˬ-eu gʼaˬ pyeuꞈ-eu ma. Miˬyehˇ-euˬ Ka li zaˬ aˇ muˇ-ahˇ kʼehˬ haw kʼaˆ haw-euˬ tsawˇ haˬ pyeuꞈ-eu miˇ neh, gʼaˬ kʼehˇ lehˇ bi kuˇ-eu kʼawꞈ maˬ geuˇ nya.

1 Gawˇliˬtu 7:25

Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

Gaˬlaˬtiˆ 1:13

Ngaˇ Yuˇdaˆ tsawˇ haˬ uˬ duˬ tahˬ-eu zahˇ sahˇ kʼoꞈ tawˬ luꞈ ngeh aˬ joˆ-ehˇ dehꞈ yaꞈ-euˬ gaˇ kawˆ naw maꞈ-ahˇ ja mehˬ gʼaˬ-euˬ ma. Miˬyehˇ-euˬ Ka li zaˬ aˇ muˇ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-awˇ, ngaˇ kʼaˇ gʼeh nya gaˇ keuˆ ni laˆ cawˆ-eu jeˬ mˇ-euˬ ma.

Piˇliˇpiˆ 3:6

Miˬyehˇ-euˬ nui kʼahˇ mˇ byah mawꞈ dui dui-eu miˇ neh Ka li zaˬ aˇ muˇ-ahˇ kʼehˬ nehˬ kʼaˆ nehˬ haw-euˬ tsawˇ haˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya lawˬ naˇ, ngaˇ-aˬ, ehˇ kʼaˇ maˬ za ni mˇ byah-euˬ tsawˇ haˬ tiˬ gʼaˬ ma.

1 Tiˆmoˇseˬ 1:16

Aˬ cawˬ naˆ maˬ tseˇ iˬ baˇ huiˬ dzehˬ-eu gʼaˬ pyeuꞈ-eu ngaˬ-ahˇ Yeˬsuˇ Ka li nui ma gʼawˬ mahˇ ni taˬ-awˇ oˇ dzeuˇ nehˬ laꞈ gaˇ keuˆ ni, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh. Kʼoeˇ-aˬ, aˇ nah aˬ yawꞈ-ahˇ jah-eu laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu tsawˇ haˬ deuˬ bi dzaw geuꞈ-eu gʼaˇ duˬ pyeuꞈ-eu meh.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

1 Beˬtuˆluˆ 2:10

Yaw beh-aˬ, naw maꞈ Miˬyehˇ-euˬ tsawˇ haˬ maˬ ngeuˇ-a. Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ pyeuꞈ laˇ-euˬ meh. Yaw beh Miˬyehˇ gʼawˬ shaˬ gaˬ-eu jeˬ-ahˇ naw maꞈ maˬ siˬ nya-aˬ. Ehˇ kʼawꞈ, nymˬ-mˇ aˬ yawꞈ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.