1 Tiˆmoˇseˬ 1:10 - Akha

¹⁰ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ banq-awr joe-eu tsawrhaq, aqli yawkaq aqli yuftaf joetaf-eu tsawrhaq, tsawrhaq khoeqanq-eu tsawrhaq, jaqmyawf myawf-eu tsawrhaq, maqngeur-eu jeq kamq-eu tsawrhaq hawr-eu tsaq-awr tsanr-eu jan-eu jeq-euq dawqmaeq dawqtsov-anr lavtsoeq lar-eu jeq-euq gharduq zanrdawq bijav-euq mae laer aqdui siqnya-eu ma.

1 Tiˆmoˇseˬ 1:10 ပူးပေါင်းရင်းမြစ်များ

Aˇ dahˬ 19:5

Lawˇtaˬ-ahˇ aˬ yawꞈ maꞈ kuˇ-awˇ, “Nymˇ ciꞈ nawˬ-euˬ nymˇ-ahˇ yaꞈ laˇ-euˬ daˬ yah kʼoeˇ nyiˬ gʼaˬ aˬ lehˬ. Nga maꞈ jawˇ gaˇ sheuˬ doˆ leꞈ-awˬ” lehˇ ehˇ nehˬ-euˬ meh. Sawˇdoˬ meuˬ-ahˇ jawˇ-eu tsawˇ haˬ kʼoeˇ deuˬ-aˬ, daˬ yah kʼoeˇ nyiˬ gʼaˬ nehˬ-ehˇ kʼaˬ dzeˇ zaˬ yaw kaˬ kʼaˬ miˬ sheu-awˇ, maˬ mˇ kʼmˬ-eu jeˬ mˇ nehˬ-eu lehˇ leh jeh luꞈ-eu meh.

Aˇ dahˬ 37:27

Iˇshaˬmeˬlaˇ tsawˇ haˬ deuˬ-ahˇ ahˬ nehˬ kaˇ-euˇ. Kʼoeˇ loꞈ-ehˇ jahˇ naˇ, aˬ yawꞈ-euˬ uˬ kʼawˇ-ahˇ aˬ dui toeˬ ciˆ-eu maˬ loˬ-aˇ. Aˬ diˇ aˬ maˇ ehˇ leꞈ naˇ, aˬ yawꞈ-aˬ aˬ dui-euˬ shiˬ shaˬ, aˬ dui-euˬ aˬ nyiˇ tsi tsi ni gʼeh-eu miˇ neh, sehꞈ-eu maˬ tsaˬ-aˇ.” Yuˇdaˆ kʼoeˇ loꞈ-ehˇ ehˇ gaˇ, aˬ ha mehˇ nmˇ dawˬ tawˆ luꞈ nui ma tsaˬ-euˬ meh.

Aˇ dahˬ 40:15

Dawˇ coe ni ya ehˇ naˇ, Heˬbyehˇ miˇ kʼahˬ-ahˇ neh aˬ cawˬ ngaˬ-ahˇ kʼoeˬ doˆ laꞈ-euˬ meh. Ngaˇ heu gaˇ jawˇ luꞈ ngeh kʼawꞈ, paꞈ kuˆ laꞈ kʼoeˇ ya uˇ paˬ-ehˇ mˇ lehˬ laˆ lehˬ taˬ-euˬ tiˬ jeˬ-iˬ maˬ jaˆ.”

Doˆ-iˇ 20:7

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ-ahˇ, nawˇ yehˬ bawˬ sehˇ lu-ehˇ maˬ ya kuˇ niˇ gʼa-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ haˬ-ahˇ kʼehˬ nehˬ kʼaˆ nehˬ ma.

Doˆ-iˇ 21:16

“Ahˬ dzaˬ-eu gʼaˇ duˬ maˬ ehˇ, yawˬ ha-euˬ zaˬ kʼaˆ bi geuꞈ-eu gʼaˇ duˬ maˬ ehˇ, tsawˇ haˬ-ahˇ kʼoeˬ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Hawˇseˬ 10:4

Aˬ yawꞈ maꞈ dawˬ awˬ kʼawꞈ ngehˬ-awˇ, saˇ jaˇ dzaˬ-eu jaˬ myawꞈ tehꞈ meh. Yaw tsaˬ yaw dawˇ poˆ laˆ laˆ-awˇ, doꞈ kʼaˆ dui dui-eu baw duˆ deuˬ, deh ga dehꞈ byah-euˬ gaˇ duˇ meh.

Uˬ duˬ 18:22

Kʼaˬ dzeˇ zaˬ cawˬ cawˬ maˬ ya yuꞈ taꞈ-a. Kʼoeˇ loꞈ-ehˇ jahˇ gaˇ Miˬyehˇ maˬ haw nahˇ-a.

Uˬ duˬ 20:13

Kʼaˬ dzeˇ zaˬ tiˬ gʼaˬ kʼaˬ dzeˇ zaˬ yawˬ gʼaˬ yawˬ nehˬ-ehˇ joe naˇ, jawꞈ dui dui-eu jeˬ mˇ-euˬ miˇ neh, nyiˬ gʼaˬ luꞈ sehꞈ nehˬ gaˇ ya daˬ tehꞈ-a. Aˬ yawꞈ nyaꞈ-aˬ, yawˬ haˇ yawˬ ha ya shiˇ ni mˇ-euˬ meh.

Zaˬkaˬliˇ 5:4

Baoˬ huiˬ-eu Sahˬpaˬ Miˬyehˇ neh yaˬ kʼehˇ yaˬ-euˬ heu pyehˬ kʼawˬ gʼeh-awˇ, smˇ kʼoeˬ yawˬ gʼaˬ na luꞈ-euˬ nymˇ hawˇ-eu, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ-euˬ nymˇ-ahˇ uˇ keuˆ-iˇ-eu uˬ taꞈ, nymˇ kʼoeˇ deuˬ-euˬ laꞈ kʼoeˇ jawˇ-awˇ, luˬ-iˇ seˇ-iˇ-eu jeˬ bi keuˆ le tehꞈ-a lehˇ, Sahˬpaˬ Miˬyehˇ ehˇ-eu meh.”

Zaˬkaˬliˇ 8:17

Tiˬ gʼaˬ tiˇ gʼaˬ laˆ coeˬ laˆ ciˆ-eu jeˬ taˬ mˇ. Maˬ tsaˬ maˬ dawˇ-eu laꞈ kʼoeˇ taˬ kamˬ. Jaˬ myawꞈ mehˇ shuiˇ hawˇ-eu, maˬ tsaˬ maˬ dawˇ-eu jeˬ, yaw haiˬ jeˬ, heu deuˬ mˇ gaˇ ngaˇ maˬ haw nahˇ nya.”

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Lormav 1:26

Aˬ yawꞈ maꞈ kʼoeˇ loꞈ-ehˇ dehꞈ-eu baˬ da neh, shaꞈ dawˇ dui dui paˬ-ehˇ gʼeh-eu kʼaˬ miˬ sheu-eu jeˬ laꞈ kʼoeˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh. Zaˬ miˬ zaˬ deuˬ-ahˇ keuˆ ni, zaˬ miˬ zaˬ cawˬ cawˬ kʼaˬ miˬ sheu taꞈ gaˇ dehꞈ keuˆ-euˬ meh.

Dawˬmehˬ 24:7

“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

1 Tiˆmoˇseˬ 6:3

Aˬ dui-euˬ Sahˬpaˬ Yeˬsuˇ Ka li-euˬ dawˬ hawˇ-eu, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ mehˬ taˬ tsoˆ taˬ-euˬ gaˇ maˬ tsaˬ leˇ-eu, beu gaˇ-eu jah-eu jeˬ gaˇ kawˆ kʼaˇ mehˬ-eu tsawˇ haˬ deuˬ-aˬ,

2 Tiˆmoˇseˬ 1:13

Ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ nawˇ dzaw geuꞈ-awˇ caw teh-eu laꞈ kʼoeˇ, ziꞈ dah ni tuˆ tehˬ taˬ-awˇ, Yeˬsuˇ Ka li laꞈ kʼoeˇ aˬ dui za taˬ-euˬ jah-eu jeˬ hawˇ-eu gʼoeˇ-eu gaˬ-eu jeˬ laꞈ kʼoeˇ jawˇ-awˬ.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

Tiˇtuˆ 1:13

Kʼoeˇ loꞈ-ehˇ ehˇ taˬ-euˬ kʼoeˇ tsaˬ-eu meh. Kʼoeˇ miˇ neh, aˬ yawꞈ maꞈ jah-eu ziꞈ laˇ nya ni yaw kʼaˆ kʼaˆ-ehˇ dehˬ-awˇ mehˬ nehˬ-awˬ.

Tiˇtuˆ 1:9

Jah-eu jeˬ-ahˇ tsaˬ-eu jah coeˇ paˬ-ehˇ gʼeh-eu Miˬyehˇ dawˬ kawˬ-ahˇ ziꞈ dah ni ya tuˆ tehˬ taˬ-eu meh. Kʼoeˇ loꞈ-ehˇ tuˆ tehˬ taˬ-eu laꞈ kʼoeˇ, maˇ maˇ ni tsaˬ-eu jeˬ mehˬ-awˇ aˬ cawˬ-ahˇ gʼaˬ biꞈ nehˬ nya-eu uˬ taꞈ, maˬ naˇ haˬ geuꞈ-eu tsawˇ haˬ deuˬ-ahˇ aˬ yawꞈ maꞈ-euˬ yaw lehˬ mawˇ leˇ ni toeˬ mehˬ nya-eu tsawˇ haˬ ya bi pyeuꞈ meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.

Panmaeq 18:13

cawˬ kʼaˬ cawˬ piˇ deuˬ, tsaˬ gawˬ baˬ gawˬ deuˬ, dzaˇ muiˇ dzaˇ sawˇ deuˬ, aˬ gaꞈ dzaˇ uiˇ deuˬ, dzaˬ-eu tsiˇ deuˬ, cehˇ meu hawˇ-eu cehˇ deuˬ, mawˇ neˇ hawˇ-eu yawˇ deuˬ, mahˬ hawˇ-eu mahˬ laˆ lawˬ deuˬ, zaˬ kʼaˆ deuˬ, tsawˇ haˬ-euˬ saꞈ laˇ deuˬ, heu deuˬ-ahˇ zeuˇ-eu gʼaˬ maˬ jawˇ-ehˇ pyeuꞈ-iˇ-euˬ meh.

Panmaeq 21:27

Ehˇ kʼawꞈ, maˬ muiˬ maˬ shawˇ-eu jeˬ tiˬ jeˬ-iˬ meuˬ kʼoeˇ meuˬ laꞈ kʼoeˇ maˬ ya hehˇ ahˇ gʼeh-a. Shaꞈ dawˇ-eu jeˬ mˇ-eu tsawˇ haˬ hawˇ-eu jaˬ myawꞈ myawꞈ-eu tsawˇ haˬ deuˬ kʼawꞈ, maˬ ya uˇ leˇ-a. Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ ahˇ-eu tsawˇ haˬ deuˬ tehꞈ-ehˇ kʼoeˇ gaˇ ya uˇ leˇ-eu meh.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.