1 Teˇsaˬloˇni 5:7 - Akha

⁷ Yuꞈ kʼaˆ-eu tsawˇ haˬ deuˬ uˬ ciꞈ paw yuꞈ kʼaˆ-awˇ, jiˇ baˬ dawˇ yehꞈ-eu tsawˇ haˬ deuˬ kʼawꞈ, uˬ ciꞈ paw dawˇ yehꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqjeq mirnae aernar-aq, yufkhav-eu tsawrhaq-aq, uqcif paw yufkhav-awr, jirbaq dawryaef-eu tsawrhaq khawf uqcif paw dawryaef-eu mae.

1 Teˇsaˬloˇni 5:7 ပူးပေါင်းရင်းမြစ်များ

Yawˇbaˆ 33:15

Uˬ ciꞈ paw tsawˇ haˬ zaˬ yuꞈ kʼaˆ ngeh, yuꞈ maˆ maˆ-eu laꞈ kʼoeˇ hawˇ-eu yaw sahˇ laꞈ kʼoeˇ Miˬyehˇ dawˬ ngehˬ cawˬ-eu meh.

Yawˇbaˆ 4:13

Dawˬ kʼoeˇ ngaˇ yuꞈ luꞈ gaˇ nehꞈ zuiˆ zuiˆ-eu loꞈ-ehˇ laˆ bahˬ le-euˬ meh.

Yoˇhaˬ 2:10

heu loꞈ-ehˇ ehˇ nehˬ-euˬ meh. “Aˬ cawˬ-aˬ, kuiˇ dzehˬ-eu aˬ gaꞈ dzaˇ uiˇ jeˬ huˬ kʼaˇ nehˬ-awˇ, daˬ yah deuˬ dawˇ dehˆ laꞈ jawˬ-ehˇ byawˬ dzehˬ-eu aˬ gaꞈ dzaˇ uiˇ paˇ kʼaˇ nehˬ nmˇ. Nawˇ beu kuiˇ dzehˬ-eu aˬ gaꞈ dzaˇ uiˇ nymˬ-mˇ keuˆ ni maˬ kʼaˇ nehˬ-ehˇ bi jaˆ-euˬ law hawˇ ngaˬ tawˇ.”

Gʼaˬkʼehˇ 2:15

Naw maꞈ noeˬ-eu loꞈ-ehˇ, tsawˇ haˬ heu deuˬ aˬ gaꞈ dzaˇ uiˇ yaw shuiꞈ dawˇ yehꞈ-euˬ maˬ ngeuˇ-a. Aˬ jeˬ miˇ neh ehˇ naˇ, nymˬ-mˇ uˬ shawˬ paw naˬ liˬ gʼoeˬ laꞈ keuˆ laˇ-euˬ tehꞈ-a siˬ.

Lormav 13:13

Nah gʼahˇ yaw bya-ahˇ dehꞈ-eu tsawˇ haˬ deuˬ loꞈ-ehˇ, yaw muiˬ muiˬ-ehˇ dehꞈ gʼeh kaˇ-euˇ. Dzaˬ yehꞈ dawˇ yehꞈ dzaˬ boˆ dawˇ boˆ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, kʼaˬ miˬ sheu-eu jeˬ, iˬ dehˬ iˬ ceh hawˇ-eu myaˆ naˆ-eu jeˬ, heu deuˬ-ahˇ byehˇ dzeh yaꞈ-awˇ dehꞈ daˆ jawˇ daˆ gʼeh kaˇ-euˇ.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

2 Beˬtuˆluˆ 2:13

Aˬ yawꞈ maꞈ neh aˬ cawˬ-ahˇ yaw doeˇ jahˇ-awˇ kʼaˇ bi daˬ-euˬ loꞈ-ehˇ, aˬ yawꞈ maꞈ ya daˬ poˆ tehꞈ-a. Nah gʼahˇ nah gaˆ-ehˇ yawˬ ha-euˬ shiˬ shaˬ jiˇ nui kʼahˇ ya mˇ byah-eu jeˬ-ahˇ laˬ kʼaˬ cehˇ-eu jeˬ lehˇ aˬ yawꞈ maꞈ sawˇ-eu meh. Aˬ yawꞈ maꞈ-aˬ, naw maꞈ nehˬ-ehˇ dzaˬ taꞈ dawˇ taꞈ ngeh daˬ ga-awˇ shaꞈ dawˇ dui dui paˬ-ehˇ gʼeh-eu, aˬ myah luꞈ jaˬ myawꞈ mehˇ shuiˇ-ahˇ laˬ kʼaˬ cehˇ-eu tsawˇ haˬ deuˬ meh.