1 Teˇsaˬloˇni 4:3 - Akha

³ Naw maꞈ yaw muiˬ yaw shawˇ shawˇ-ehˇ jawˇ-awˇ, aˬ cawˬ-euˬ miˬ zaˬ yo zaˬ-ahˇ maˬ bahˬ maˬ muˆ ni dehꞈ gaˇ Miˬyehˇ geuꞈ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf yawshawr shawr-aer daefni Miqyaer nuima tsaq-eu mae. Banq-awr khaqmiq sheu-eu jeq taqbi jav.

1 Teˇsaˬloˇni 4:3 ပူးပေါင်းရင်းမြစ်များ

Jaceuq 143:10

Nawˇ ngaˬ-euˬ Miˬyehˇ ma. Nawˬ-euˬ nui kʼahˇ mˇ nya ni ngaˬ-ahˇ mehˬ nehˬ laꞈ. Nawˬ-euˬ muiˬ-eu jaˬ-eu jeˬ baˬ da neh, nui saˇ oꞈ-eu gaˇ ma-ahˇ sheuˬ gʼeh nehˬ laꞈ.

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Uˬ duˬ 15:18

Kʼaˬ dzeˇ zaˬ hawˇ-eu zaˬ miˬ zaˬ yuꞈ taꞈ jawˇ taꞈ gʼaˬ naˇ, nyiˬ gʼaˬ luꞈ yawˬ ha-euˬ gʼawˇ mawˇ ya dzuiꞈ shawˇ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Maꞈtehˬ 12:50

Mˬ kʼoeˇ taˆ jawˇ-eu ngaˬ Da bi mˇ mawꞈ-eu jeˬ kʼaˇ mˇ-eu tsawˇ haˬ-aˬ, ngaˬ-euˬ mehˇ nmˇ, ngaˬ-euˬ dmˇ ma, ngaˬ-euˬ aˬ ma pyeuꞈ-eu ma.”

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Maꞈtehˬ 5:32

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Tsawˇ haˬ aˬ geu gʼaˬ maˬ kaˬ, yawˬ ha-euˬ miˬ zaˬ aˬ cawˬ nehˬ-ehˇ bahˬ-euˬ muˆ-euˬ maˬ jaˆ gaˇ kʼoꞈ dzeh nehˬ-awˇ, miˬ zaˬ kʼoeˇ gʼaˬ yawˬ zahˇ yawˬ iˇ paˇ naˇ, miˬ zaˬ gʼaˬ aˬ cawˬ-euˬ yo zaˬ-ahˇ bahˬ ni kʼaˬ dzeˇ zaˬ gʼaˬ neh jahˇ-euˬ meh. Aˬ cawˬ-euˬ miˬ kʼoꞈ-ahˇ sheuˬ-eu tsawˇ haˬ aˬ geu gʼaˬ maˬ kaˬ, aˬ cawˬ-euˬ miˬ zaˬ-ahˇ bahˬ-eu meh.

Maꞈtehˬ 7:21

“Ngaˬ-ahˇ ‘Sahˬ paˬ-oˇ, Sahˬ paˬ-oˇ’ lehˇ kʼaˇ kuˇ-eu tsawˇ haˬ yawˬ gʼaˬ na luꞈ, mˬ taˆ Miˇkʼahˬ-ahˇ ya uˇ leˇ-eu maˬ ngeuˇ-a. Mˬ kʼoeˇ taˆ jawˇ-eu ngaˬ Da nui ma tsaˬ-eu jeˬ mˇ-eu tsawˇ haˬ deuˬ tehꞈ-ehˇ ya uˇ leˇ-eu meh.

Maˬkuˆ 3:35

Miˬyehˇ nui ma tsaˬ-eu jeˬ kʼaˇ mˇ-eu tawˇ ha deuˬ-aˬ, ngaˬ-euˬ mehˇ nmˇ, ngaˬ-euˬ dmˇ ma hawˇ-eu ngaˬ-euˬ aˬ ma ma.”

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 7:17

Miˬyehˇ-euˬ nui kʼahˇ mˇ mawꞈ-eu tsawˇ haˬ aˬ geu gʼaˬ maˬ kaˬ, ngaˇ mehˬ-eu dawˬ heu Miˬyehˇ-euˬ dawˬ nga loˇ, ngaˬ-euˬ baoˬ-ahˇ gʼoe-awˇ mehˬ-eu tsoˆ-eu dawˬ nga loˇ lehˇ, tseˇ paˆ geuꞈ nya tehꞈ-a.

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Gʼaˬkʼehˇ 15:29

Tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-euˬ jeˬ taˬ dzaˬ. Shiˬ taˬ dzaˬ. Shiˬ maˬ sehꞈ dzeˇ ni paꞈ sehꞈ-euˬ shaˬ jiˇ taˬ dzaˬ. Maˬ tsaˬ maˬ dawˇ-eu laꞈ kʼoeˇ kʼaˬ miˬ taˬ sheu. Heu deuˬ-ahˇ maˬ mˇ ni gʼeh nya naˇ, muiˬ dui dui tehꞈ-a. Guiˬ lahˬ huiˬ luꞈ-uˇ.”

Gʼaˬkʼehˇ 20:32

“Nymˬ-mˇ, Miˬyehˇ-euˬ aˬ laꞈ laꞈ kʼoeˇ hawˇ-eu aˬ yawꞈ-euˬ gʼawˬ shaˬ gaˬ-eu jeˬ laꞈ kʼoeˇ naw maꞈ-ahˇ ngaˇ a nehˬ yaꞈ-eu ma. Guiˬ lahˬ yaw dzahˇ biꞈ-eu dawˬ kʼoeˇ-aˬ, naw maꞈ-ahˇ bi huiˬ bi mahˇ laˇ nya-awˇ, Miˬyehˇ neh aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ lehˬ hmˬ taˬ-euˬ guiˬ lahˬ biꞈ nya-eu meh.

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Lormav 1:29

Aˬ yawꞈ maꞈ laꞈ kʼoeˇ maˬ muiˬ maˬ jaˬ-eu jeˬ, yaw haiˬ jeˬ, mehˇ juiˇ juiˇ-eu jeˬ, yaw doeˇ jahˇ-eu jeˬ, heu deuˬ tiˬ byah ni ahˇ-eu meh. Aˬ yawꞈ maꞈ laꞈ kʼoeˇ, myaˆ naˆ-eu, sehꞈ mawꞈ-eu, diˬ mawꞈ ceh mawꞈ-eu, mehˇ shuiˇ shuiˇ-eu, aˬ cawˬ-ahˇ noeˬ doeˇ-eu, heu deuˬ tiˬ byah ni ahˇ-eu meh. Aˬ cawˬ gaˇ kawˆ maˬ ngeuˇ-eu jeˬ ja kʼoeˬ-eu meh.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 6:22

Ehˇ kʼawꞈ, nymˬ-mˇ naw maꞈ-ahˇ iˬ baˇ laꞈ kʼoeˇ bi buˬ-iˇ-awˇ, Miˬyehˇ-euˬ zaˬ kʼaˆ bi pyeuꞈ laˇ-euˬ meh. Heu poˆ jawˇ naw maꞈ aˬ jeˬ za ta. Naw maꞈ-euˬ nui ma gʼawˇ mawˇ dawˬ tawˆ luꞈ aˬ yawꞈ-ahˇ a nehˬ gʼaˬ-euˬ miˇ neh mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 7:2

Ehˇ kʼawꞈ, aˬ cawˬ nehˬ-ehˇ joe ni muˇ juˇ juˇ-eu jeˬ jaˆ myaˬ-eu miˇ neh, kʼaˬ dzeˇ zaˬ yawˬ gʼaˬ na luꞈ miˬ zaˬ baw-eu tsaˬ-awˇ, zaˬ miˬ zaˬ yawˬ gʼaˬ na luꞈ kʼawꞈ kʼaˬ dzeˇ zaˬ baw-eu tsaˬ meh.

2 Gawˇliˬtu 12:21

Ngaˇ paˇ oe ngeh, ngaˬ-euˬ Miˬyehˇ ngaˬ-ahˇ naw maꞈ-euˬ mehˬ shi tiˬ poˆ paˇ bi shaꞈ dawˇ laꞈ-awˇ, dzeuˇ laˇ ngeh maˬ muiˬ maˬ shawˇ-eu jeˬ hawˇ-eu maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ mˇ-euˬ tsawˇ haˬ deuˬ iˬ baˇ maˬ noeˬ poˆ-ehˇ jawˇ-eu baˬ da neh ngaˇ myaˆ biˇ ya doˆ le gaˇ kʼahˬ lahˇ dui dui nya.

Gaˬlaˬtiˆ 5:19

Shiˬ shaˬ jiˇ nui kʼahˇ neh mˇ-euˬ gaˇ deuˬ-aˬ, heu loꞈ-ehˇ bya cehˆ ni mawˇ laˇ-eu meh. Kʼaˬ miˬ sheu-eu, maˬ muiˬ maˬ shawˇ-eu, maˬ tsaˬ maˬ dawˇ-eu laꞈ kʼoeˇ yuꞈ taꞈ joe taꞈ-eu,

Eˇpeˇsu 5:17

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

Eˇpeˇsu 6:6

Baw leˬ haw luꞈ ngeh tehꞈ-ehˇ myaˆ pyawˬ naˇ mehˇ za ni mˇ-eu jeˬ taˬ bi pyeuꞈ. Ehˇ kʼawꞈ, Ka li-euˬ zaˬ kʼaˆ loꞈ-ehˇ Miˬyehˇ nui kʼahˇ shiˇ-eu jeˬ-ahˇ nui ma keuˆ-awˇ mˇ-awˬ.

Gawˇlawˇsehˇ 1:9

Kʼoeˇ miˇ neh, naw maꞈ-euˬ gaˇ kawˆ ya gaˬ-euˬ tiˬ nah neh, naw maꞈ gʼaˇ duˬ nga maꞈ guiˬ lahˬ maˬ tsehˆ leˇ ni shaˇ luꞈ-eu ma. Yaw sahˇ Miˬyehˇ neh biꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ laꞈ kʼoeˇ, Miˬyehˇ-euˬ nui kʼahˇ-ahˇ siˬ nya-eu jeˬ naw maꞈ laꞈ kʼoeˇ byah laˇ ni shaˇ luꞈ-eu ma.

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

1 Teˇsaˬloˇni 4:2

Nga maꞈ Sahˬpaˬ Yeˬsuˇ-euˬ baoˬ-ahˇ gʼoe-awˇ naw maꞈ-ahˇ mehˬ nehˬ-euˬ dehꞈ-eu jawˇ-eu gaˇ kawˆ naw maꞈ siˬ nya meh.

1 Teˇsaˬloˇni 4:4

Naw maꞈ yawˬ gʼaˬ na luꞈ, yawˬ ha-euˬ miˬ zaˬ nehˬ-ehˇ muiˬ-eu shawˇ-eu laꞈ kʼoeˇ hawˇ-eu aˬ cawˬ yaw zeu baw paˬ-ehˇ aˬ joˆ-ehˇ ya dehꞈ taꞈ-eu gaˇ kawˆ siˬ nya-eu tsaˬ meh.

1 Teˇsaˬloˇni 5:18

Aˬ geu jeˬ keuˆ le-eu maˬ kaˬ, Miˬyehˇ-euˬ guiˬ lahˬ-ahˇ ja ceuˬ-awˬ. Yeˬsuˇ Ka li laꞈ kʼoeˇ naw maꞈ kʼoeˇ loꞈ-ehˇ dehꞈ gaˇ Miˬyehˇ geuꞈ mawꞈ-eu meh.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

2 Teˇsaˬloˇni 2:13

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ gaˬ-eu tsawˇ haˬ deuˬ pyeuꞈ-eu naw maꞈ gʼaˇ duˬ Miˬyehˇ-euˬ guiˬ lahˬ-ahˇ nga maꞈ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Aˬ jeˬ miˇ neh ehˇ naˇ, Yaw sahˇ Miˬyehˇ-euˬ baoˬ baˬ da neh naw maꞈ-ahˇ bi muiˬ bi shawˇ laˇ-awˇ, yaw tsaˬ yaw dawˇ-ahˇ naw maꞈ jah-eu baˬ da neh ka kʼoꞈ-eu jeˬ bi za-eu gʼaˇ duˬ, mˬ hawˇ-eu miˇ maˬ beh mi naˆ-ehˇ naw maꞈ-ahˇ Miˬyehˇ tseˇ doˆ taˬ-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 10:36

Miˬyehˇ-euˬ nui kʼahˇ mˇ byah-awˇ aˬ yawꞈ neh saˇ jaˇ dzaˬ taˬ-euˬ jeˬ-ahˇ za nya ni, nui ma gʼawˬ mahˇ ni ya taˬ meh.

HeˬByehˇ 12:16

Aˬ li aˬ yuiꞈ-ahˇ oꞈ-eu aˇ yaˬ-ahˇ hawˬ tiˬ byawˇ neh paˇ dzeh-euˬ Iˇsawˇ loꞈ-ehˇ, tsawˇ haˬ tiˬ gʼaˬ-iˬ kʼaˬ miˬ sheu-awˇ Miˬyehˇ-ahˇ yaw zeu maˬ baw-eu tsawˇ haˬ maˬ ya bi pyeuꞈ ni yahˇ-awˬ.

HeˬByehˇ 13:21

naw maꞈ aˬ yawꞈ-euˬ nui kʼahˇ mˇ nya ni, naw maꞈ kʼaˇ loˬ-eu jeˬ dawˬ tawˆ luꞈ biꞈ nehˬ laꞈ-awˇ, Yeˬsuˇ Ka li-ahˇ gʼoe-awˇ aˬ dui laꞈ kʼoeˇ aˬ yawꞈ nui kʼahˇ shiˇ-eu jeˬ mˇ luꞈ-uˇ. Mˬ maˬ maˬ byaˆ zaˇ ziˇ Ka li yaw shehꞈ kʼahˬ sehˇ huiˬ luꞈ-uˇ.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.

1 Beˬtuˆluˆ 4:2

Naw maꞈ mehˬ hu paw dehꞈ daˆ leꞈ-eu tiˬ ziˇ, shiˬ shaˬ jiˇ-euˬ nui loˆ maˬ geuꞈ-ehˇ Miˬyehˇ-euˬ nui kʼahˇ geuꞈ-awˬ.

1 Yoˇhaˬ 2:17

Miˇ tsaˬ heu hawˇ-eu miˇ tsaˬ heu kʼoeˇ taˆ tsawˇ haˬ zaˬ nui kʼahˇ kʼaˇ jaˆ-eu jeˬ dawˬ tawˆ luꞈ ya byoˆ-iˇ jiˇ tehꞈ-a. Ehˇ kʼawꞈ, Miˬyehˇ-euˬ nui kʼahˇ mˇ-eu tsawˇ haˬ-aˬ, mˬ maˬ maˬ byaˆ zaˇ ziˇ ya dehꞈ tehꞈ-a.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.