1 Teˇsaˬloˇni 3:5 - Akha

⁵ Kʼoeˇ baˬ da neh, Tiˆmoˇseˬ-ahˇ ngaˇ kʼehˇ gʼeh laꞈ-euˬ jeˬ pyeuꞈ-eu ma. Ngaˇ naw maꞈ-euˬ gaˇ kawˆ siˬ mawꞈ-eu maˬ jawˇ tehˬ coˇ ni pyeuꞈ laˇ-euˬ miˇ neh, naw maꞈ jah-eu aˬ joˆ-ehˇ pyeuꞈ luꞈ-eu bi haw laˇ-eu lehˇ, aˬ yawꞈ-ahˇ kʼehˇ gʼeh laꞈ-euˬ ma. Nehꞈ sahˬ paˬ naw maꞈ-ahˇ muˇ juˇ juˇ-awˇ, nga maꞈ neh mˇ yaꞈ-euˬ gaˇ deuˬ yawꞈ ngehꞈ-ehˇ pyeuꞈ-iˇ-eu baw le lehˇ ngaˇ kʼahˬ lahˇ dui dui luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoer baqda’nae, ngar maq jawrtaeqcoer lar-aer, nawmaf jan-eu jeq aqjox-aer pyeufluf-eu nga laer yasiqni, Tivmorseq-anr bilar-euq ma. Murjur jur-eu khoerghaq, nawmaf-anr murza-awr, nga’maf nae laejae-awr mryaf-euq jeq yawqngaef pyeuf-ir-euq baw-mr laer khanqlanr mir-a.

1 Teˇsaˬloˇni 3:5 ပူးပေါင်းရင်းမြစ်များ

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

2 Gawˇliˬtu 2:11

Nehꞈ Saˬdaˬ aˬ dui-ahˇ maˬ bi gʼaˬ laˇ ni ngaˇ kʼoeˇ loꞈ-ehˇ mˇ-eu ma. Aˬ jeˬ miˇ neh ehˇ naˇ, aˬ yawꞈ-euˬ bawˬ toˆ aˬ dui siˬ nya luꞈ ma.

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

Iˇsaˬyaˇ 49:4

Ehˇ kʼawꞈ, ngaˇ heu loꞈ-ehˇ ehˇ nehˬ-euˬ ma. “Ngaˇ gaˇ mˇ-euˬ noeˬ tmˬ kʼaˇ maˬ za-a. Ngaˬ-euˬ gʼaˬ jiˇ-euˬ kʼawꞈ gaˇ dahˇ maˬ tsoeˬ leˇ-a.” Ehˇ kʼawꞈ Sahˬpaˬ Miˬyehˇ noeˬ muiˬ nehˬ laꞈ gaˇ noeˬ tmˬ ma. Ngaˬ neh mˇ-euˬ aˇ poeˬ aˬ yawꞈ haw tsaˬ nehˬ laꞈ tehꞈ-a.

Gaˬlaˬtiˆ 4:11

Naw maꞈ gʼaˇ duˬ ngaˬ neh kʼaˇ mˇ kʼaˇ shaˇ-euˬ jeˬ yawꞈ ngehꞈ-ehˇ pyeuꞈ jiˇ gaˇ kʼahˬ lahˇ dui dui nya.

Gaˬlaˬtiˆ 2:2

Miˬyehˇ ngaˬ-ahˇ pah mehˬ nehˬ laꞈ-euˬ miˇ neh iˇ-euˬ ma. Aˬ yuiꞈ aˬ tsu deuˬ nehˬ-ehˇ ciˬ cuˇ ni tahˬ dzoeˇ-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-euˬ gaˇ kawˆ ngaˇ dzawˇ nehˬ-euˬ ma. Ngaˬ neh mˇ dzeuˇ yaꞈ-euˬ jeˬ hawˇ-eu nymˬ-mˇ mˇ luꞈ-eu jeˬ yawꞈ ngehꞈ-ehˇ maˬ bi pyeuꞈ-iˇ mawꞈ-eu miˇ neh, kʼoeˇ loꞈ-ehˇ dzawˇ nehˬ-euˬ ma.

1 Gawˇliˬtu 7:5

Tiˬ kʼehˬ tiˬ yamˬ laꞈ kʼoeˇ maˬ yuꞈ taꞈ ni guiˬ lahˬ shaˇ-eu gʼaˇ duˬ nyiˬ gʼaˬ luꞈ nui ma tsaˬ-awˇ ehˇ tsehˆ taˬ-euˬ aˇ yamˬ laꞈ kʼoeˇ maˬ ngeuˇ naˇ, tiˬ gʼaˬ tiˇ gʼaˬ maˬ yuꞈ taꞈ lehˇ ehˇ-eu maˬ tsaˬ-a. Aˇ yamˬ kʼoeˇ dzeuˇ naˇ, tiˬ kawˆ loꞈ-ehˇ paˇ yuꞈ paˇ jawˇ taꞈ-awˬ. Kʼoeˇ loꞈ-ehˇ maˬ jahˇ naˇ, naw maꞈ yawˬ ha-euˬ nui ma-ahˇ maˬ gʼaˬ leˇ-eu miˇ neh, nehꞈ Saˬdaˬ muˇ juˇ juˇ gaˇ maˬ dzeuˇ-iˇ nya-a.

1 Teˇsaˬloˇni 3:6

Nymˬ-mˇ Tiˆmoˇseˬ gʼoꞈ keuˆ le-awˇ, naw maꞈ-euˬ jah-eu jeˬ hawˇ-eu gʼoeˇ-eu gaˬ-eu jeˬ gaˇ kawˆ, laˬ kʼaˬ cehˇ laˇ paˬ-ehˇ dzawˇ gaˬ le-euˬ meh. Naw maꞈ nga maꞈ-ahˇ aˬ myah luꞈ noeˬ keuˆ luꞈ-awˇ, nga maꞈ naw maꞈ-ahˇ mawˇ mawꞈ dui dui-eu loꞈ-ehˇ, naw maꞈ kʼawꞈ nga maꞈ-ahˇ mawˇ mawꞈ dui dui luꞈ-eu gaˇ kawˆ dzawˇ nehˬ laꞈ-euˬ meh.

1 Teˇsaˬloˇni 2:1

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ jawˇ gaˇ nga maꞈ oe-euˬ-aˬ, yawꞈ ngehꞈ maˬ ngeuˇ-a lehˇ naw maꞈ siˬ nya meh.

Gʼaˬkʼehˇ 15:36

Aˇ nah aˇ yamˬ ui cuiˆ myahˇ laˇ ngeh, Baˬnaˬbaˇ-ahˇ Pawˇluˆ ehˇ nehˬ-eu, “Aˇ nyaꞈ neh Sahˬpaˬ Miˬyehˇ-euˬ dawˬ kawˬ kʼaˇ mehˬ yaꞈ-euˬ meuˬ yawˬ meuˬ na luꞈ-ahˇ dawˬ deh gʼoꞈ gʼa-iˇ-awˇ, jah-eu tsawˇ haˬ pyeuꞈ-eu aˬ yuiꞈ aˬ nyiˇ kʼoeˇ deuˬ aˬ joˆ-ehˇ jawˇ luꞈ nga lehˇ haw-iˇ kaˇ-euˇ.”

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Piˇliˇpiˆ 2:19

Naw maꞈ-euˬ gaˇ kawˆ ya gaˬ-awˇ ngaˬ-euˬ nui ma gʼaˬ tiˬ tiˆ paˇ ahˇ laˇ ni, Sahˬpaˬ Yeˬsuˇ nui ma tsaˬ naˇ gʼawˬ myahˇ maˬ gʼeh-ehˇ Tiˆmoˇseˬ-ahˇ naw maꞈ jawˇ gaˇ bi laˇ ma lehˇ ngaˇ noeˬ tmˬ taˬ-euˬ ma.

Daˬyeˬlaˇ 6:19

Uˬ bya bya laˇ ngeh, aˇ laˬ jaˬ shiˇ kuˆ-ahˇ sahˬ paˬ cehˆ gʼeh-euˬ meh.