1 Saˬmeuˬlaˆ 31:1 - Akha

¹ Piˇliˇtiˆ tsawˇ haˬ deuˬ hawˇ-eu Iˇsaˬleˬlaˆ tsawˇ haˬ deuˬ, Giˇlaˬbawˬ gawˬ jawˬ kʼoeˇ taˆ guiˇ deuˆ-euˬ meh. Iˇsaˬleˬlaˆ tsawˇ haˬ deuˬ gʼawˬ mya ni kʼoeˇ gaˇ bi deuˆ sehꞈ-awˇ, maˬ bi deuˆ sehꞈ-ehˇ dzeˇ-eu deuˬ-aˬ, Sawˇluˆ hawˇ-eu aˬ yawꞈ-euˬ aˬ li deuˬ nehˬ-ehˇ tiˬ kawˆ loꞈ-ehˇ cehˆ-euˬ meh.

1 Saˬmeuˬlaˆ 31:1 ပူးပေါင်းရင်းမြစ်များ

2 Saˬmeuˬlaˆ 1:21

Giˇlaˬbaoˬ gawˬ jawˬ deuˬ kʼoeˇ taˆ, uˬ yehˇ hawˇ-eu ceuˬ maˬ jaˆ-ehˇ, sahˬ lahˬ maˬ dehꞈ ni jaˆ luꞈ-uˇ. Aˬ jeˬ miˇ neh nga lehˇ ehˇ naˇ, baoˬ huiˬ dui dui-eu yehˇ pyeuꞈ-eu, Sawˇluˆ neh baꞈ-euˬ dehˬ daˬ duˬ, shmˇ kaw tehꞈ-ehˇ kʼoeˇ gaˇ ga-eu, aˇ naˆ ni daˬ ga-eu jeˬ nga.

2 Saˬmeuˬlaˆ 1:6

Aˬ yawꞈ ehˇ-eu, “Giˇlaˬbaoˬ gawˬ jawˬ-ahˇ ngaˇ cehˆ keuˆ ngeh, Sawˇluˆ aˬ yawꞈ-euˬ gawˬ yoeˬ-ahˇ gʼoˆ toˆ shaˇ-awˇ yawꞈ luꞈ-awˇ, muiˇ-eu deuˬ-euˬ mahˬ laˆ lawˬ deuˬ hawˇ-eu mahˬ dziˬ luꞈ-eu yehˇ deuˬ aˬ yawꞈ jawˇ gaˇ jiˆ peh laˇ luꞈ gaˇ ya mawˇ-euˬ ma.

2 Saˬmeuˬlaˆ 4:4

Sawˇluˆ-euˬ aˬ li Yawˇnaˆshaˬ o neh aˬ li tiˬ li jawˇ yaꞈ-euˬ meh. Aˬ li kʼoeˇ li-aˬ, kuiˇ shiˇ shiˇ-eu tsawˇ haˬ meh. Sawˇluˆ hawˇ-eu Yawˇnaˆshaˬ aˬ nyaꞈ da zaˬ shiˇ-euˬ gaˇ kawˆ Yeˬzaˬleˬlaˇ meuˬ-ahˇ gaˬ keuˆ laˇ ngeh, aˬ yawꞈ-euˬ aˇ kʼoꞈ ngaˬ kʼoꞈ byah-eu meh. Kʼoeˇ ngeh, aˬ yawꞈ-ahˇ haw-eu zaˬ miˬ zaˬ gʼaˬ neh, aˬ yawꞈ-ahˇ ciˬ-awˇ cehˆ-euˬ meh. Ehˇ kʼawꞈ, tehˬ law tsaˇ law-ehˇ cehˆ-euˬ miˇ neh bi ga ka-awˇ, aˬ kuiˇ kuiˇ shiˇ ga shiˇ-euˬ meh. Aˬ yawꞈ-euˬ tsawˇ myahˇ-aˬ, Meˬpiˇbawˇshehˆ meh.

1 Saˬmeuˬlaˆ 12:25

Ehˇ kʼawꞈ, naw maꞈ iˬ baˇ mˇ daˆ leꞈ naˇ, naw maꞈ hawˇ-eu naw maꞈ-euˬ sahˬ paˬ ya luˬ ya seˇ-iˇ tehꞈ-a.”

1 Saˬmeuˬlaˆ 28:1

Aˇ yamˬ ui cuiˆ myahˇ laˇ ngeh jawˇ, Iˇsaˬleˬlaˆ miˇ kʼahˬ-ahˇ guiˇ deuˆ leˇ-eu gʼaˇ duˬ, Piˇliˇtiˆ tsawˇ haˬ deuˬ yehˇ kuˇ uiˬ-euˬ meh. Kʼoeˇ ngeh, “Nawˇ siˬ nya luꞈ-eu loꞈ-ehˇ, nawˇ hawˇ-eu nawˬ-euˬ tsawˇ haˬ deuˬ ngaˇ jawˇ paw ya pyawˬ meh” lehˇ, Daˬbiˇ-ahˇ Aˬkiˇ ehˇ nehˬ-euˬ meh.

1 Saˬmeuˬlaˆ 28:15

Sawˇluˆ-ahˇ Saˬmeuˬlaˆ ehˇ nehˬ-eu, “Aˬ jeˬ miˇ neh nawˇ ngaˬ-ahˇ laˆ bahˬ te. Aˬ jeˬ loˬ-eu miˇ neh ngaˬ-ahˇ paˇ kuˇ kʼoꞈ te.” Sawˇluˆ ehˇ-eu, “Ngaˇ shaˬ zahˬ naꞈ dui dui luꞈ-eu ma. Piˇliˇtiˆ tsawˇ haˬ deuˬ ngaˬ-ahˇ guiˇ deuˆ le-awˇ, Miˬyehˇ ngaˬ-ahˇ byehˇ dzeh nehˬ laꞈ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, yuꞈ maˆ maˆ-eu laꞈ kʼoeˇ maˬ ehˇ, aˬ yawꞈ ngaˬ-ahˇ tiˬ jeˬ-iˬ maˬ ehˇ nehˬ laꞈ-a. Kʼoeˇ miˇ neh, ngaˇ aˬ joˆ-ehˇ ya jahˇ-eu gaˇ kawˆ bi ehˇ nehˬ laꞈ-eu gʼaˇ duˬ, nawˬ-ahˇ ngaˇ ya kuˇ-eu jeˬ pyeuꞈ-eu ma.”

1 Saˬmeuˬlaˆ 28:19

Nawˇ hawˇ-eu Iˇsaˬleˬlaˆ miˇ kʼahˬ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ aˬ yawꞈ a nehˬ tehꞈ-a. Ni shawˬ nah, nawˇ hawˇ-eu nawˬ li ngaˬ nehˬ-ehˇ ya jawˇ-awˇ, Iˇsaˬleˬlaˆ tsawˇ jeuˬ-euˬ guiˇ maꞈ-ahˇ , Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ Sahˬpaˬ Miˬyehˇ a nehˬ tehꞈ-a.”

1 Saˬmeuˬlaˆ 28:4

Piˇliˇtiˆ yehˇ dawˬ tawˆ luꞈ uiˬ leˇ-awˇ, Shuˇneˬ meuˬ dawˬ peh taˆ tsoˆ-awˇ jawˇ-eu meh. Sawˇluˆ gʼeh, Iˇsaˬleˬlaˆ tsawˇ haˬ deuˬ-ahˇ kuˇ uiˬ-awˇ, Giˇlaˬbawˬ gawˬ jawˬ-ahˇ taˆ tsoˆ-awˇ jawˇ-eu meh.

1 Saˬmeuˬlaˆ 29:1

Yeˬzaˬleˬlaˇ deh kʼawꞈ-ahˇ jaˆ-eu iˇ cuꞈ iˇ beuˆ dawˬ peh Iˇsaˬleˬlaˆ tsawˇ haˬ deuˬ taˆ tsoˆ-awˇ jawˇ ngeh, Piˇliˇtiˆ tsawˇ haˬ deuˬ yehˇ dawˬ tawˆ luꞈ-ahˇ, Aˬpyehˇ meuˬ-ahˇ sheuˬ keuˆ laꞈ-euˬ meh.