1 Saˬmeuˬlaˆ 29:6 - Akha6 Kʼoeˇ ngeh, Aˬkiˇ neh Daˬbiˇ-ahˇ kuˇ-awˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-ahˇ saˇ jaˇ ziꞈ-eu tsawˇ haˬ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-euˬ dehꞈ luꞈ-eu Miˬyehˇ mehˬ shi ngaˇ kamˬ-eu ma. Nawˇ ngaˬ nehˬ-ehˇ tiˬ kawˆ loꞈ-ehˇ le-awˇ guiˇ deuˆ-eu gʼaˇ duˬ, ngaˇ nui ma tsaˬ-euˬ ma. Nawˇ ngaˬ nehˬ-ehˇ jawˇ le ngeh tiˬ nah neh, nawˇ yaw lehˬ jeˬ mˇ-eu ngaˇ maˬ mawˇ haw-aˬ. အခန်းကိုကြည့်ပါ။ |
Miˇ kʼahˬ heu kʼahˬ laꞈ kʼoeˇ guiˬ lahˬ yaw dzahˇ kʼaˇ shaˇ-eu deuˬ, saˇ jaˇ ziꞈ-eu Miˬyehˇ-euˬ guiˬ lahˬ yaw dzahˇ shaˇ tehꞈ-a. Saˇ jaˇ kʼaˇ dzaˬ-eu tsawˇ haˬ deuˬ, saˇ jaˇ ziꞈ-eu Miˬyehˇ-euˬ tsawˇ myahˇ uˬ moˆ dzaˬ tehꞈ-a. Dzeuˇ laˇ ngeh kʼaˇ ya tahˬ puˬ-euˬ shaˬ zahˬ dawˬ tawˆ, dzeuˇ-iˇ jiˇ-awˇ ya ngehˇ byoˆ jiˇ tehꞈ-a.”
Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, ngaˬ-euˬ tsawˇ jeuˬ-euˬ uˬ duˬ tahˬ-eu zahˇ sahˇ kʼoꞈ-ahˇ ha geuꞈ-awˇ, aˇ hu Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ saˇ jaˇ dzaˬ ni ngaˬ-euˬ tsawˇ haˬ deuˬ-ahˇ aˬ yawꞈ maꞈ neh mehˬ nehˬ taˬ-euˬ jaˆ-eu loꞈ-ehˇ, nymˬ-mˇ aˬ yawꞈ maꞈ, “Sahˬpaˬ Miˬyehˇ kʼaˇ dehꞈ kʼoeˇ keuˆ ni” lehˇ ehˇ-awˇ saˇ jaˇ dzaˬ naˇ, aˬ yawꞈ maꞈ kʼawꞈ ngaˬ-euˬ tsawˇ jeuˬ ya pyeuꞈ-awˇ, baw le za le tehꞈ-a.
Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ kʼoeˇ deuˬ ehˇ-eu dawˬ-ahˇ, piˇ ma Piˇnaˬhaˇ hawˇ-eu aˬ yawꞈ nehˬ-ehˇ oe-euˬ nahˇ ma ga kʼehˬ paw jawˇ-eu Iˇsaˬleˬlaˆ tsawˇ jeuˬ deuˬ kʼoeˇ taˆ aˬ yuiꞈ geuꞈ luꞈ-eu, Iˇsaˬleˬlaˆ tsawˇ haˬ aˇ maꞈ aˇ muˇ-euˬ aˬ yuiꞈ aˬ tsu kʼoeˇ tseˇ gʼaˬ ya gaˬ ngeh, nui kʼahˇ shiˇ-euˬ meh.
Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.
Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.
Ehˇ kʼawꞈ, Daˬbiˇ ehˇ-eu, “Nawˇ ngaˬ-ahˇ aˇ naˆ ni gʼoeˇ-eu gaˇ kawˆ nawˬ da siˬ duˬ-eu miˇ neh, nawˇ noeˬ shaˬ gaˇ guˆ-awˇ, aˬ yawꞈ mˇ-eu lehˇ gʼeh-eu gaˇ kawˆ heu hmˬ nawˬ-ahˇ maˬ bi siˬ ni mˇ ma lehˇ aˬ yawꞈ noeˬ tsehˆ-euˬ tehꞈ-a. Ngaˇ ya shiˇ-eu gʼaˇ duˬ kuiˇ toꞈ tiˬ toꞈ ca-eu tehꞈ miˇ-a lehˇ, dehꞈ luꞈ-eu Sahˬpaˬ Miˬyehˇ mehˬ shi nawˬ-ahˇ ngaˇ ehˇ-eu ma.”
Piˇliˇtiˆ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ mawˇ-awˇ, “Heˬbyehˇ tsawˇ haˬ heu deuˬ heu gaˇ aˬ jeˬ jahˇ luꞈ ta” lehˇ naˇ haˬ-euˬ meh. Aˬkiˇ ehˇ-eu, “Heu-aˬ, Daˬbiˇ lehˇ kuˇ-eu Iˇsaˬleˬlaˆ sahˬ paˬ Sawˇluˆ-euˬ gaˇ mˇ-eu yaw huiˬ yaw mahˇ tiˬ gʼaˬ meh. Aˬ yawꞈ ngaˬ nehˬ-ahˇ jawˇ luꞈ-eu myahˇ laˇ-euˬ meh. Ngaˬ nehˬ-ehˇ jawˇ le ngeh tiˬ nah neh, ngaˬ-euˬ mehˬ shi aˬ yawꞈ neh mˇ lehˬ taˬ-euˬ tiˬ jeˬ-iˬ maˬ jaˆ-a.”
Kʼoeˇ naˇ, aˬ yawꞈ maꞈ tsawˇ haˬ pyehˬ gʼeh-awˇ, Piˇliˇtiˆ sahˬ paˬ ngaˬ gʼaˬ luꞈ bi kuˇ uiˬ-awˇ, “Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ aˬ dui aˬ joˆ-ehˇ jahˇ nmˇ” lehˇ naˇ haˬ ngeh, “Gaˬdaˇ meuˬ-ahˇ baꞈ gʼeh-awˬ” lehˇ ehˇ-eu miˇ neh, Piˇliˇtiˆ tsawˇ haˬ deuˬ-euˬ meuˬ tiˬ meuˬ pyeuꞈ-eu Gaˬdaˇ meuˬ-ahˇ aˬ yawꞈ maꞈ baꞈ gʼeh-euˬ meh.