1 Saˬmeuˬlaˆ 25:39 - Akha

³⁹ Naˬbaˬlaˇ shiˇ-euˬ gaˇ kawˆ Daˬbiˇ ya gaˬ ngeh, heu loꞈ-ehˇ ehˇ-eu meh. “Yaw lehˬ jeˬ maˬ ya mˇ ni ngaˬ-ahˇ ha lahˇ nehˬ laꞈ-awˇ, ngaˬ-ahˇ yehˬ bawˬ sehˇ lu-ehˇ ehˇ-eu Naˬbaˬlaˇ-ahˇ Sahˬpaˬ Miˬyehˇ laꞈ poˆ poˆ kʼoꞈ nehˬ-euˬ miˇ neh, Sahˬpaˬ Miˬyehˇ-ahˇ ngaˇ ja ceuˬ-eu ma. Naˬbaˬlaˇ yaw haiˬ jeˬ mˇ-euˬ miˇ neh, Sahˬpaˬ Miˬyehˇ neh aˬ yawꞈ-ahˇ kʼehˬ nehˬ kʼaˆ nehˬ-euˬ meh.” Kʼoeˇ naˇ, “Ngaˬ-ahˇ mˇ dzaˬ laˇ ma loˇ” lehˇ, Daˬbiˇ neh Aˬbiˇgeˬlaˆ-ahˇ bi naˇ haˬ-iˇ-euˬ meh.

1 Saˬmeuˬlaˆ 25:39 ပူးပေါင်းရင်းမြစ်များ

2 Saˬmeuˬlaˆ 1:16

Aˬmaˬlehˇ tsawˇ haˬ kʼoeˇ gʼaˬ-ahˇ Daˬbiˇ ehˇ nehˬ-eu, “Nawˬ-euˬ kʼoeˇ taˆ heu loꞈ-ehˇ keuˆ le ni, nawˇ mˇ-euˬ meh. Sahˬpaˬ Miˬyehˇ neh tseˇ doˆ taˬ-eu sahˬ paˬ tiˬ gʼaˬ-ahˇ nawˬ neh sehꞈ-euˬ ma lehˇ nawˇ ehˇ doˆ-eu laꞈ kʼoeˇ, yawˬ ha kʼoeˇ taˆ shiˇ-eu jeˬ keuˆ le ni nawˇ saˇ kiˇ kamˬ-euˬ meh.”

1 Sahˬpaˬ 2:44

Ngaˬ da-ahˇ nawˬ neh kʼaˇ mˇ lehˬ taˬ-euˬ jeˬ dawˬ tawˆ luꞈ, nawˇ yaw muiˬ paˬ-ehˇ siˬ nya meh.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Iˇsaˬtaˆ 9:25

Ehˇ kʼawꞈ, Iˇsaˬtaˆ gʼaˬ sahˬ paˬ jawˇ gaˇ le ngeh, sahˬ paˬ dawˬ biꞈ-awˇ sahˬ boꞈ bi pyehˬ gʼeh-eu laꞈ kʼoeˇ, Haˬmaˬ neh Yuˇdaˆ tsawˇ haˬ deuˬ-ahˇ jahˇ coeˬ nehˬ-eu lehˇ lehˬ hmˬ taˬ-euˬ jeˬ, Haˬmaˬ-euˬ uˬ duˬ-ahˇ paˇ bi keuˆ le-euˬ meh.

Jaceuq 7:16

Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

Jaceuq 9:5

Miˇkʼahˬtsawˇjeuˬ-ahˇnawˇmuiˇ-awˇ, yaw haiˬdeuˬ-ahˇ laˆcawˆ-euˬ meh. Yawꞈmaꞈtsawˇmyahˇmiˇtsaˬ kʼoeˇtaˆ, byoˆtsehˆ-iˇni jahˇ nehˬ-euˬ meh.

Dawqdaq 18:22

Miˬ zaˬ gʼa mawˇ-euˬ deuˬ muiˬ-eu guiˬ lahˬ za-awˇ, Sahˬpaˬ Miˬyehˇ nui kʼahˇ shiˇ-eu jeˬ za-euˬ meh.

Dawqdaq 19:14

Pyuˇ shuiˇ,Nymˇ muiˬ aˬ da jeˬ biˇ. Miˬ zaˬ yaw bym Sahˬpaˬ Miˬyehˇ guiˬ lahˬ.

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-

Dawqdaq 31:10

Miˬ zaˬ yaw bym tiˬ gʼaˬ poˆ mawˇ-eu aˇ naˆ ni shaˬ-eu nga. Aˬ yawꞈ-aˬ, kʼaˬ lo sehˇ naˆ maˬ tseˇ aˇ poeˬ kʼaˆ-eu meh.

Dawqdaq 31:30

Aˬ cawˬ bi haw mawꞈ-eu jeˬ maˬ ziꞈ-ehˇ, aˇ gʼehˇ muiˬ-eu jeˬ kʼawꞈ maˬ gmˬ-a. Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu zaˬ miˬ zaˬ-ahˇ aˬ cawˬ ya ja ceuˬ tehꞈ-a.

Dawˬ caˇ 8:8

Ngaˬ ha mehˇ nmˇ dmˇ ma yaw nyiˇ tiˬ gʼaˬ jawˇ ma. Aˬ yawꞈ-euˬ kʼahˬ nyiˬ pyawˬ yaw nyiˇ aˬ siˬ. Zaˬ guˬ aˬ yawꞈ-ahˇ ngehˬ cawˬ laˇ naˇ, aˬ joˆ-ehˇ jahˇ paˬ nga.

Miˇkaˬ 7:9

Sahˬpaˬ Miˬyehˇ-ahˇ aˬ dui mˇ lehˬ taˬ-euˬ miˇ neh, aˬ yawꞈ nui ma pehˇ-eu jeˬ-ahˇ tiˬ kʼehˬ ya daˬ tehꞈ-a. Ehˇ kʼawꞈ, aˇ saˬ saˬ laˇ ngeh, aˬ yawꞈ aˬ dui gʼaˇ duˬ yaˇ kʼaˬ ja gʼaˬ-eu laꞈ kʼoeˇ, aˬ dui-ahˇ aˬ cawˬ neh mˇ taˬ-euˬ yaw lehˬ jeˬ-ahˇ laˆ tsaˬ nehˬ laꞈ tehꞈ-a. Aˬ dui-ahˇ yaw shehꞈ jaˆ gaˇ sheuˬ doˆ gʼeh-awˇ ka kʼoꞈ nehˬ laꞈ gaˇ aˬ dui ya mawˇ tehꞈ-a.

2 Gawˇliˬtu 13:7

Naw maꞈ yaw lehˬ jeˬ maˬ ya mˇ ni nga maꞈ Miˬyehˇ-ahˇ guiˬ lahˬ shaˇ luꞈ ma. Lawˬ haw-eu jeˬ-ahˇ nga maꞈ gʼaˬ leˇ-euˬ gaˇ kawˆ bi doˆ laˇ-eu lehˇ heu loꞈ-ehˇ shaˇ-eu maˬ ngeuˇ. Lawˬ haw-eu jeˬ-ahˇ nga maꞈ smˬ-iˇ-euˬ gaˇ duˇ leˇ law hawˇ kʼawꞈ, tsaˬ-eu jeˬ-ahˇ naw maꞈ mˇ nya ni shaˇ-eu jeˬ pyeuꞈ-eu ma.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Yaˇ kʼaˬ daˇ 5:2

Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ tsawˇ haˬ deuˬ guiˇ deuˆ-eu noeˬ tsehˆ taˬ-awˇ, Nui ma keuˆ-eu laꞈ kʼoeˇ deuˆ-euˬ meh.

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.

1 Saˬmeuˬlaˆ 25:32

Aˬbiˇgeˬlaˆ-ahˇ Daˬbiˇ ehˇ nehˬ-eu, “Iˬ nah nawˬ-ahˇ ngaˇ jawˇ gaˇ bi oe-euˬ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ.

1 Saˬmeuˬlaˆ 25:34

Iˬ nah nawˬ-ahˇ laˆ tahˬ laˆ naˇ nehˬ-eu jeˬ ngaˇ maˬ ya mˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ha lahˇ taˬ-euˬ ngaˇ. Ehˇ kʼawꞈ, nawˇ ngaˬ-ahˇ yaw kawˇ-ehˇ maˬ tahˬ puˬ laˇ law nmˇ-aˬ, Naˬbaˬlaˇ-euˬ tsawˇ haˬ dawˬ tawˆ luꞈ uˬ bya maˬ bya laˇ mi naˆ-ehˇ ya shiˇ jiˇ meh lehˇ, Iˇsaˬleˬlaˆ tsawˇ jeuˬ-euˬ dehꞈ luꞈ-eu Miˬyehˇ mehˬ shi ngaˇ nawˬ-ahˇ ehˇ-eu ma.”

1 Saˬmeuˬlaˆ 25:40

Daˬbiˇ-euˬ zaˬ kʼaˆ deuˬ Gaˬlaˬmeˬlaˇ meuˬ-ahˇ Aˬbiˇgeˬlaˆ jawˇ gaˇ iˇ-awˇ, “Daˬbiˇ neh nga maꞈ-ahˇ heu gaˇ bi oe-awˇ, aˬ yawꞈ-euˬ miˬ zaˬ bi geuꞈ-eu gʼaˇ duˬ nawˬ-ahˇ bi kuˇ laˬ le-euˬ meh” lehˇ ehˇ nehˬ-euˬ meh.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.