1 Saˬmeuˬlaˆ 25:38 - Akha

³⁸ Tseˇ nah ehˇ gʼaˬ ni byah laˇ ngeh, Sahˬpaˬ Miˬyehˇ neh Naˬbaˬlaˇ-ahˇ bi shiˇ-euˬ meh.

1 Saˬmeuˬlaˆ 25:38 ပူးပေါင်းရင်းမြစ်များ

2 Saˬmeuˬlaˆ 6:7

Sahˬpaˬ Miˬyehˇ pyeuꞈ-eu Miˬyehˇ tiˬ poˆ tehꞈ-ehˇ nui ma pehˇ laˇ-awˇ, Awˇzah-ahˇ bi shiˇ-euˬ meh. Aˬ jeˬ miˇ neh ehˇ naˇ, maˬ toeˬ ciˆ kʼmˬ-eu jeˬ-ahˇ aˬ yawꞈ toeˬ ciˆ-euˬ meh. Awˇzah-aˬ, Dawˬ ma saˇ jaˇ Bahˬ keuˆ dawˬ peh shiˇ taˬ-awˇ ga-eu meh.

2 Sahˬpaˬ 15:5

Sahˬpaˬ Miˬyehˇ neh Awˇziˇ-ahˇ maˬ shiˇ tiˬ ziˇ nyawˬ bi naˇ-awˇ, nymˇ tiˬ nymˇ laꞈ kʼoeˇ aˬ yawꞈ tiˬ gʼaˬ tehꞈ-ehˇ jawˇ-euˬ meh. Aˬ yawꞈ-euˬ aˬ li Yoˇdaˬ gʼaˬ neh miˇ kʼahˬ-ahˇ bi uˆ lahˇ-euˬ meh.

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

2 Laˬsaˬbaˬ 10:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Miˬyehˇ pyeuꞈ-eu Sahˬpaˬ Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-eu miˇ neh meh.

2 Laˬsaˬbaˬ 13:20

Aˬbiˇyaˬ uˆ lahˇ-eu aˇ nah aˇ yamˬ laꞈ kʼoeˇ, Yeˬyawˇbamˬ gʼaˬ baoˬ maˬ jaˆ-ehˇ pyeuꞈ-iˇ-euˬ meh. Aˇ saˬ saˬ ngeh, Sahˬpaˬ Miˬyehˇ neh aˬ yawꞈ-ahˇ bi shiˇ-awˇ, aˬ yawꞈ ziˇ jiˇ-euˬ meh.

Jaceuq 104:29

Nawˇ naˇ kʼah ciˬ pyawˇ ngeh, aˬ yawꞈ maꞈ guˆ-eu meh. Aˬ yawꞈ maꞈ saꞈ gʼawˇ kahˬ nawˇ yuˇ kʼoꞈ ngeh, aˬ yawꞈ maꞈ shiˇ tsehˆ-awˇ, miˇ tsaˬ yuˇ-awˇ aˬ yawꞈ maꞈ-ahˇ beh-euˬ loꞈ-ehˇ, miˇ tsaˬ paˇ ya pyeuꞈ-iˇ-eu meh.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Doˆ-iˇ 12:29

Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

1 Saˬmeuˬlaˆ 25:33

Tsawˇ haˬ-ahˇ sehꞈ-awˇ laꞈ poˆ poˆ kʼoꞈ nehˬ-eu laꞈ kʼoeˇ, ngaˇ iˬ baˇ maˬ ya mˇ ni, iˬ nah ngaˬ-ahˇ laˆ tsoeˬ le-euˬ nawˬ neh mˇ-euˬ muiˬ dui dui-eu gaˇ heu hmˬ baˬ daˬ neh, Miˬyehˇ-ahˇ guiˬ lahˬ huiˬ dui dui luꞈ-uˇ.

1 Saˬmeuˬlaˆ 25:37

Uˬ bya bya laˇ-awˇ, Naˬbaˬlaˇ aˬ gaꞈ dzaˇ uiˇ yehꞈ-eu beuˇ laˇ gʼaˬ ngeh, yawˬ jeˬ na luꞈ ehˇ mehˬ nehˬ-euˬ meh. Kʼoeˇ ngeh, Naˬbaˬlaˇ shaˬ guˬ shaˬ caˆ shiˇ-eu naˇ gawˇ naˇ laˇ-awˇ, maˬ luˆ maˬ laˆ nya-ehˇ pyeuꞈ-iˇ-euˬ meh.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.

1 Saˬmeuˬlaˆ 6:9

Laˆ lawˬ kʼoeˇ laˇ aˬ geu paw iˇ nga lehˇ haw taˬ-awˬ. Behˬsheˬmehˇ meuˬ paw iˇ naˇ, aˬ dui kʼoeˇ taˆ sahˬ zahˬ naˇ gawˇ bi keuˆ le-euˬ gʼaˬ-aˬ, Iˇsaˬleˬlaˆ tsawˇ jeuˬ-euˬ Miˬyehˇ meh. Ehˇ kʼawꞈ, yawˬ paw yawˬ iˇ naˇ, aˬ dui ya daˬ luꞈ-eu naˇ gawˇ heu aˬ yawꞈ neh bi keuˆ le-euˬ maˬ ngeuˇ-ehˇ, aˬ yawˇ yawꞈ seu doˆ laˇ-euˬ naˇ gawˇ meh.”