1 Saˬmeuˬlaˆ 25:35 - Akha

³⁵ Kʼoeˇ naˇ, Aˬbiˇgeˬlaˆ neh yuˇ laꞈ-euˬ laꞈ sawˬ deuˬ-ahˇ Daˬbiˇ ha geuꞈ-gʼaˬ ngeh, Gʼoꞈ-iˇ-awˇ maˬ noeˬ shaˬ ni jawˇ-awˬ. Nawˬ neh kʼaˇ ehˇ-euˬ loꞈ-ehˇ ngaˇ geuꞈ ma” lehˇ ehˇ nehˬ-euˬ meh.

1 Saˬmeuˬlaˆ 25:35 ပူးပေါင်းရင်းမြစ်များ

Aˇ dahˬ 19:21

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Toˆ-ehˇ ngeuˇ naˇ kʼawꞈ muiˬ tehꞈ-a. Nawˇ shaˇ-eu loꞈ-ehˇ ngaˇ geuꞈ ma. Meuˬ meuˬ zaˬ kʼoeˇ meuˬ-ahˇ ngaˇ maˬ laˆ cawˆ.

2 Saˬmeuˬlaˆ 15:9

Kʼoeˇ ngeh, “Nui ma coꞈ ngehˇ ni taˬ-awˇ le-awˬ” lehˇ, Aˬbaˇsaˬloˬ-ahˇ sahˬ paˬ ehˇ nehˬ-euˬ meh.

2 Sahˬpaˬ 5:19

Kʼoeˇ naˇ, “Nui saˇ oꞈ-eu laꞈ kʼoeˇ gʼoꞈ leˇ-awˬ” lehˇ Eˇliˇshehˇ ehˇ ngeh, Neˬmaˬ doˆ-iˇ-euˬ meh. Neˬmaˬ ui cuiˆ iˇ kaˬ ngeh,

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Dawqdaq 25:11

Gaˇ kawˆ shawˇ jehˆ ni ja duˬ ja mawˇ nehˬ nya-eu jeˬ-aˬ, pyuˇ kʼoeˇ taˆ shuiˇ neh aˇ boꞈ aˇ yehˆ yehˆ daˆ taˬ-euˬ gaˇ duˇ tehꞈ-a.

Luˇkaꞈ 7:50

Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ jah-eu jeˬ neh nawˬ-ahˇ ka kʼoꞈ nehˬ-euˬ meh. Nui saˇ oꞈ-eu laꞈ kʼoeˇ gʼoꞈ-iˇ-awˬ.”

Luˇkaꞈ 8:48

“Aˬ buˇ-oˇ, nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ” lehˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

1 Saˬmeuˬlaˆ 1:17

Eˇliˆ ehˇ-eu, “Nui ma coꞈ ngehˇ ni taˬ-awˇ, gʼoꞈ-iˇ-awˬ. Nawˬ neh kʼaˇ shaˇ-euˬ jeˬ Iˇsaˬleˬlaˆ tsawˇ jeuˬ-euˬ Miˬyehˇ nawˬ-ahˇ biꞈ laꞈ luꞈ-uˇ.”

1 Saˬmeuˬlaˆ 20:42

Kʼoeˇ naˇ, Yawˇnaˆshaˬ Daˬbiˇ-ahˇ ehˇ nehˬ-eu, “Miˬyehˇ nawˬ nehˬ-ehˇ jawˇ luꞈ-uˇ. Aˇ nyaꞈ neh dzaˬ taˬ-euˬ muiˬ-eu shawˇ-eu saˇ jaˇ-ahˇ, nawˬ-euˬ zaˬ deuˬ uˆ deuˬ hawˇ-eu ngaˬ-euˬ zaˬ deuˬ uˆ deuˬ maˬ ehˇ, mˬ maˬ maˬ byaˆ zaˇ ziˇ ziꞈ ni, Sahˬpaˬ Miˬyehˇ saˇ kiˇ geuꞈ luꞈ-uˇ.” Kʼoeˇ naˇ, Daˬbiˇ doˆ-iˇ-awˇ, Yawˇnaˆshaˬ meuˬ-ahˇ gʼoꞈ-iˇ-euˬ meh.