1 Sahˬpaˬ 22:53 - Akha

⁵³ Aˬ yawꞈ-euˬ mehˬ hu sahˬ paˬ geuꞈ dzeuˇ yaꞈ-euˬ aˬ yawꞈ-euˬ aˬ da loꞈ-ehˇ, Baˬlaˇ miˬ yehˇ-ahˇ aˬ yawꞈ uˬ duˬ tahˬ-eu laꞈ kʼoeˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ nui ma pehˇ-eu jeˬ aˬ yawꞈ mˇ-euˬ meh.

1 Sahˬpaˬ 22:53 ပူးပေါင်းရင်းမြစ်များ

Yeˬsaˬgeˬlaˇ 8:3

Aˬ laꞈ-ahˇ duˇ leˇ-eu jeˬ aˬ yawꞈ cawˬ doˆ leꞈ-awˇ, ngaˬ-euˬ uˬ duˬ tsehˇ kahˇ-ahˇ tsuˆ tehˬ-euˬ meh. Yaw sahˇ laꞈ kʼoeˇ kʼoeˇ loꞈ-ehˇ mawˇ laˇ-eu laꞈ kʼoeˇ Miˬyehˇ-euˬ yaw sahˇ ngaˬ-ahˇ yaw goˇ-ahˇ ciˬ diˇ-awˇ, Yeˬluˇsaˬlehˬ meuˬ-ahˇ sheuˬ gʼeh nehˬ laꞈ-euˬ meh. Miˬyehˇ-ahˇ nui ma bi pehˇ-euˬ tahˬ pahˬ aˬ ma mawˇ kawˇ jaˆ-eu tsahˇ pyeuꞈ-eu, Uˬ duˬ tahˬ nymˇ nymˇ ma-euˬ laꞈ taˆ pyawˬ lahˇ kʼehˬ laˇ gʼoˆ laꞈ kʼoeˇ gʼoˆ-ahˇ, ngaˬ-ahˇ sheuˬ gʼeh nehˬ laꞈ-euˬ meh.

Iˇsaˬyaˇ 65:3

Aˬ yawꞈ maꞈ shaꞈ dawˇ-eu jeˬ maˬ baw ni, ngaˇ nui ma bi pehˇ-eu jeˬ tehꞈ-ehˇ mˇ-eu meh. Muiˬ-eu shawˇ-eu yaˇ kmˇ laꞈ kʼoeˇ lawˇ ciꞈ zaˬ lawˇ-eu jeˬ lawˇ-awˇ, lawˇ ciꞈ zaˬ-euˬ lawˇ duˬ kʼoeˇ taˆ tsiˇ yaw saw jeˬ doꞈ damˬ-eu meh.

Jaceuq 106:29

Aˬ yawꞈ maꞈ mˇ-euˬ gaˇ Sahˬpaˬ Miˬyehˇ-ahˇ nui ma bi pehˇ laˇ-awˇ, guˆ laˇ paˬ-ehˇ gʼeh-eu naˇ gawˇ aˬ yawꞈ maꞈ kʼoeˇ taˆ keuˆ le-euˬ meh.

2 Sahˬpaˬ 3:2

Sahˬpaˬ Miˬyehˇ-euˬ mehˬ shi aˬ yawꞈ iˬ baˇ mˇ-euˬ meh. Ehˇ kʼawꞈ, aˬ yawꞈ-euˬ aˬ da Aˬhaˆ hawˇ-eu aˬ yawꞈ-euˬ aˬ ma Yeˬsaˬbeˬlaˇ naˆ ni aˬ yawꞈ iˬ baˇ maˬ mˇ-a. Baˬlaˇ miˬ yehˇ-ahˇ uˬ duˬ tahˬ-eu gʼaˇ duˬ aˬ yawꞈ-euˬ aˬ da neh ka tuˇ taˬ yaꞈ-euˬ tahˬ pahˬ aˬ ma mawˇ kawˇ-ahˇ, aˬ yawꞈ gʼeu coˬ-euˬ meh.

2 Sahˬpaˬ 1:2

Sahˬpaˬ Aˬhaˬziˇ-aˬ, Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ nymˇ kʼoeˇ taˆ tiˆ guiˇ ga-ahˇ neh ga ka-awˇ, yaw kʼaˆ-ehˇ gaˬ naˇ-euˬ meh. Kʼoeˇ miˇ neh, Eˇkaˬloˬ meuˬ-ahˇ Piˇliˇtiˆ miˬ yehˇ Baˬlaˇzeˬbuˇ jawˇ gaˇ aˬ yawꞈ tsawˇ haˬ kʼehˇ gʼeh-awˇ, aˬ yawꞈ naˇ-eu taˬ leˇ nya paˬ-ehˇ gʼeh ngaˇ loˇ lehˇ bi naˇ haˬ-iˇ-euˬ meh.

1 Sahˬpaˬ 21:29

“Ngaˬ-euˬ mehˬ shi Aˬhaˆ nui ma nahˬ yu ni taˬ-awˇ jawˇ luꞈ-eu nawˇ ya mawˇ gʼaˬ maˬ loˇ. Aˬ yawꞈ kʼoeˇ loꞈ-ehˇ jawˇ-eu miˇ neh, aˬ yawꞈ yaw dehꞈ dehꞈ luꞈ-eu aˇ yamˬ laꞈ kʼoeˇ, guˆ-eu gaˆ-eu jeˬ ngaˇ maˬ paˇ bi keuˆ le ma. Aˬ yawꞈ-euˬ aˬ li-euˬ ziˇ-ahˇ, Aˬhaˆ-euˬ nymˇ jiˇ kʼoeˇ taˆ guˆ-eu gaˆ-eu jeˬ ngaˇ bi keuˆ le ma.”

1 Sahˬpaˬ 16:7

Bawˬshaˬ neh Sahˬpaˬ Miˬyehˇ-ahˇ mˇ lehˬ-euˬ iˬ baˇ baˬ da neh, Bawˬshaˬ hawˇ-eu aˬ yawꞈ-euˬ nymˇ jiˇ-ahˇ Sahˬpaˬ Miˬyehˇ neh ehˇ nehˬ-euˬ dawˬ deuˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Yeˬhuˇ neh aˬ yawꞈ-ahˇ tsaꞈ gaˬ nehˬ leˇ-euˬ meh. Aˬ yawꞈ-euˬ mehˬ hu sahˬ paˬ Yeˬyawˇbamˬ neh mˇ dzeuˇ yaꞈ-euˬ loꞈ-ehˇ, yawˬ ha neh mˇ lehˬ shaˇ lehˬ-euˬ iˬ baˇ baˬ da neh tehꞈ-ehˇ Sahˬpaˬ Miˬyehˇ nui ma bi pehˇ-eu maˬ ngeuˇ-ehˇ, Yeˬyawˇbamˬ-euˬ miˬ sawˇ zaˬ dawˬ tawˆ luꞈ-ahˇ aˬ yawꞈ sehꞈ-euˬ baˬ da neh kʼawꞈ, Sahˬpaˬ Miˬyehˇ nui ma pehˇ ni jahˇ-euˬ meh.

1 Sahˬpaˬ 14:16

Yeˬyawˇbamˬ mehˬ huˬ huˬ-eu mehˬ nah caw teh-awˇ, Iˇsaˬleˬlaˆ tsawˇ haˬ deuˬ iˬ baˇ mˇ-euˬ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ byehˇ dzeh tehꞈ-a.”

1 Sahˬpaˬ 21:25

(Aˬ yawꞈ-euˬ miˬ zaˬ Yeˬsaˬbeˬlaˇ kʼehˇ-eu baˬ da neh , Sahˬpaˬ Miˬyehˇ mehˬ shi maˇ maˇ ni iˬ baˇ mˇ ma lehˇ noeˬ tsehˆ-euˬ, Aˬhaˆ loꞈ-ehˇ gʼeh-eu tsawˇ haˬ tiˬ gʼaˬ-iˬ maˬ jawˇ-a.

2 Sahˬpaˬ 8:18

Aˬ yawꞈ-euˬ miˬ zaˬ-aˬ, Aˬhaˆ-euˬ aˬ buˇ pyeuꞈ-awˇ, Aˬhaˆ-euˬ nymˇ jiˇ-ahˇ duˇ ni, Iˇsaˬleˬlaˆ sahˬ paˬ deuˬ neh mˇ-euˬ iˬ baˇ mehˬ nah aˬ yawꞈ caw teh-euˬ meh. Sahˬpaˬ Miˬyehˇ mehˬ shi yaw haiˬ jeˬ aˬ yawꞈ mˇ-euˬ meh.

2 Laˬsaˬbaˬ 20:35

Tiˬ poˆ-aˬ, maˬ muiˬ maˬ jaˬ-eu gʼawˬ mya jeˬ mˇ-eu Iˇsaˬleˬlaˆ sahˬ paˬ Aˬhaˬziˇ nehˬ-ehˇ, Yuˇdaˆ sahˬ paˬ Yeˬhawˇshaˬpaˇ nui ma taꞈ-euˬ meh.