1 Sahˬpaˬ 22:3 - Akha

³ Aˬhaˆ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ ehˇ nehˬ-eu, “Suˇliˆ sahˬ paˬ-euˬ laꞈ-ahˇ neh, Giˇlaˆ miˇ kʼahˬ-ahˇ jaˆ-eu Laˬmoˆ meuˬ za kʼoꞈ ni aˬ dui tiˬ jeˬ-iˬ maˬ ya jahˇ-aˬ siˬ. Meuˬ kʼoeˇ meuˬ aˬ dui-euˬ meuˬ meh.”

1 Sahˬpaˬ 22:3 ပူးပေါင်းရင်းမြစ်များ

2 Saˬmeuˬlaˆ 19:10

Kʼoeˇ naˇ, Aˬbaˇsaˬloˬ-ahˇ aˬ dui tsiˇ shehˆ daˆ nehˬ-awˇ, sahˬ paˬ ka nehˬ-euˬ ma. Ehˇ kʼawꞈ, guiˇ deuˆ-eu laꞈ kʼoeˇ aˬ yawꞈ shiˇ dzeuˇ-euˬ-aˬ, nymˬ-mˇ poˆ jawˇ tiˬ gʼaˬ na iˇ-awˇ, aˬ jeˬ miˇ neh sahˬ paˬ Daˬbiˇ-ahˇ maˬ sheuˬ kʼoꞈ laˬ-iˇ ni jawˇ ta.”

1 Sahˬpaˬ 22:29

Kʼoeˇ naˇ, Iˇsaˬleˬlaˆ sahˬ paˬ Aˬhaˆ hawˇ-eu Yuˇdaˆ sahˬ paˬ Yeˬhawˇshaˬpaˇ aˬ nyaꞈ, Giˇlaˆ miˇ kʼahˬ-ahˇ jaˆ-eu Laˬmoˆ meuˬ-ahˇ guiˇ deuˆ leˇ-euˬ meh.

1 Sahˬpaˬ 4:13

Beˬgeˬbeuˬ-aˬ, Giˇlaˆ miˇ kʼahˬ Laˬmoˆ meuˬ, Giˇlaˆ miˇ kʼahˬ-ahˇ jaˆ-eu Maˬnaˇseˬ-euˬ zaˬ deuˬ uˆ deuˬ pyeuꞈ-eu Yaˬiˇlaˆ aˇ jeuˬ aˇ ca deuˬ jawˇ-eu pu deuˬ hawˇ-eu, Baˬshaˬ miˇ kʼahˬ-ahˇ jaˆ-eu Aˬgawˆ gahˬ kaˬ ahˇ leˇ-ehˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, lahˇ kʼehˬ-ahˇ guiˬ shuiˇ laˇ gʼoˆ jahˇ ahˇ taˬ-euˬ meuˬ meuˬ ma koꞈ tseˇ meuˬ-ahˇ haw-eu pyaˆ-eu gʼaˬ geuꞈ-euˬ meh.

2 Sahˬpaˬ 8:28

Sahˬ paˬ Aˬhaˬziˇ-aˬ, Iˇsaˬleˬlaˆ sahˬ paˬ Yoˇlamˬ nehˬ-ehˇ gm leˇ-awˇ, Suˇliˆ sahˬ paˬ Haˬzeˬlaˇ-ahˇ guiˇ deuˆ-euˬ meh. Guiˇ maꞈ kʼoeˇ deuˬ Giˇlaˆ miˇ kʼahˬ Laˬmoˆ meuˬ-ahˇ deuˆ ceh ceh-awˇ, Yoˇlamˬ gʼaˬ bi deuˆ tahˬ-euˬ meh.

2 Sahˬpaˬ 9:14

Kʼoeˇ naˇ, Nmˇshiˇ-euˬ oeˬ paˬ pyeuꞈ-eu Yeˬhawˇshaˬpaˇ-euˬ aˬ li Yeˬhuˇ-aˬ, sahˬ paˬ Yoˇlamˬ-ahˇ puiˬ-euˬ meh. Kʼoeˇ ngeh yamˬ-ahˇ, Giˇlaˆ miˇ kʼahˬ-ahˇ jaˆ-eu Laˬmoˆ meuˬ kʼoeˇ meuˬ Suˇliˆ sahˬ paˬ Haˬzeˬlaˇ-euˬ laꞈ-ahˇ maˬ ya ahˇ leˇ ni, Yoˇlamˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ meuˬ kʼoeˇ meuˬ-ahˇ loꞈ piˇ luꞈ-eu meh.

Dawˬmehˬ 4:43

Luˇbeˬ tsawˇ jeuˬ gʼaˇ duˬ, bawˇ tsahˬ bawˇ dahˇ deh ga yaw goˇ-ahˇ jaˆ-eu Beˬzeˬlaˇ meuˬ meh. Gaˆ tsawˇ jeuˬ gʼaˇ duˬ, Giˇlaˆ miˇ kʼahˬ-ahˇ jaˆ-eu Laˬmoˆ meuˬ meh. Maˬnaˇseˬ tsawˇ jeuˬ gʼaˇ duˬ, Baˬshaˬ miˇ kʼahˬ-ahˇ jaˆ-eu Goˬlaˬ meuˬ meh.

Yawˇshuˆ 20:8

Yawˇdaˬ lawˇ baˬ nahˇ maˬ doˆ kʼehˬ paw baˬ-ahˇ, Yeˬliˇkoˇ meuˬ-euˬ nahˇ maˬ doˆ kʼehˬ paw, bawˇ tsahˬ bawˇ dahˇ deh ga yaw goˇ-ahˇ jaˆ-eu Luˇbeˬ miˇ kʼahˬ Beˬzeˬlaˇ meuˬ, Gaˆ miˇ kʼahˬ Giˇlaˆ gahˬ kaˬ-ahˇ jaˆ-eu Goˬlaˬ meuˬ, heu deuˬ-ahˇ aˬ yawꞈ maꞈ tseˇ doˆ-euˬ meh.

Yawˇshuˆ 21:38

Gaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ, Heˬshaˬboˬ meuˬ hawˇ-eu, Yaˬzeuˬ meuˬ meh.

Yaˇ kʼaˬ daˇ 16:2

Saˬsoˬ kʼoeˇ gaˇ oe taˬ-euˬ gaˇ, Gaˬzaˬ meuˬ-ahˇ jawˇ-eu tsawˇ haˬ deuˬ ya siˬ-awˇ, jawˇ duˬ kʼoeˇ tsahˇ-ahˇ loꞈ jawˬ-awˇ, uˬ ciꞈ miˇ lah-ehˇ meuˬ lahˇ kʼehˬ-ahˇ aˬ yawꞈ-ahˇ loꞈ-euˬ meh. “Uˬ bya bya laˇ ngeh keuˆ ni aˬ yawꞈ-ahˇ loꞈ-awˇ sehꞈ ma” lehˇ aˬ yawꞈ maꞈ noeˬ-awˇ, uˬ ciꞈ miˇ lah-ehˇ ciꞈ cuˇ ni jawˇ-euˬ meh.

Yaˇ kʼaˬ daˇ 18:9

Aˬ yawꞈ maꞈ ehˇ-eu, “Laˬiˇshaˆ meuˬ-ahˇ aˬ dui maꞈ guiˇ deuˆ-iˇ kaˇ-euˇ. Miˇ kʼahˬ kʼoeˇ kʼahˬ muiˬ dui dui-eu miˇ kʼahˬ pyeuꞈ-eu nga maꞈ mawˇ yaꞈ-euˬ ma. Tiˬ jeˬ-iˬ maˬ jahˇ ni heu gaˇ dzuˇ dzuˇ-ehˇ taˬ paˇ jawˇ. Yaw kawˇ ma-ehˇ iˇ-awˇ miˇ kʼahˬ kʼoeˇ kʼahˬ deuˆ geuꞈ-iˇ-awˬ.