1 Sahˬpaˬ 22:2 - Akha

² Ehˇ kʼawꞈ, Yuˇdaˆ sahˬ paˬ Yeˬhawˇshaˬpaˇ gʼaˬ Iˇsaˬleˬlaˆ sahˬ paˬ Aˬhaˆ jawˇ gaˇ laˇ-euˬ meh.

1 Sahˬpaˬ 22:2 ပူးပေါင်းရင်းမြစ်များ

1 Sahˬpaˬ 15:24

Aˬsaˬ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ-euˬ meh. Aˬ yawꞈ-euˬ dah zaˇ, aˬ yawꞈ-euˬ aˬ li Yeˬhawˇshaˬpaˇ sahˬ paˬ geuꞈ-euˬ meh.

1 Sahˬpaˬ 22:1

Iˇsaˬleˬlaˆ miˇ kʼahˬ hawˇ-eu Suˇliˆ miˇ kʼahˬ yaw kaˬ guiˇ maˬ deuˆ ni nyiˬ kʼoꞈ jawˇ-euˬ meh.

1 Sahˬpaˬ 22:41

Sahˬ paˬ Aˬhaˆ Iˇsaˬleˬlaˆ miˇ kʼahˬ-ahˇ uˆ lahˇ-eu oeˬ kʼoꞈ tiˬ kʼoꞈ-ahˇ, Aˬsaˬ-euˬ aˬ li Yeˬhawˇshaˬpaˇ gʼaˬ Yuˇdaˆ sahˬ paˬ pyeuꞈ laˇ-euˬ meh.

1 Sahˬpaˬ 22:44

Yeˬhawˇshaˬpaˇ-aˬ, Iˇsaˬleˬlaˆ sahˬ paˬ nehˬ-ehˇ tsaˬ leˇ dzoeˇ leˇ-eu laꞈ kʼoeˇ dehꞈ-euˬ meh.

2 Sahˬpaˬ 8:18

Aˬ yawꞈ-euˬ miˬ zaˬ-aˬ, Aˬhaˆ-euˬ aˬ buˇ pyeuꞈ-awˇ, Aˬhaˆ-euˬ nymˇ jiˇ-ahˇ duˇ ni, Iˇsaˬleˬlaˆ sahˬ paˬ deuˬ neh mˇ-euˬ iˬ baˇ mehˬ nah aˬ yawꞈ caw teh-euˬ meh. Sahˬpaˬ Miˬyehˇ mehˬ shi yaw haiˬ jeˬ aˬ yawꞈ mˇ-euˬ meh.

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”