1 Sahˬpaˬ 20:7 - Akha

⁷ Kʼoeˇ ngeh, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu aˬ yuiꞈ aˬ tsu deuˬ-ahˇ Aˬhaˆ kuˇ uiˬ-awˇ, “Tsawˇ haˬ heu gʼaˬ aˬ dui-ahˇ laˆ luˬ laˆ seˇ mawꞈ-eu meh lehˇ naw maꞈ siˬ nya-awˬ. Ngaˬ-euˬ miˬ sawˇ zaˬ hawˇ-eu ngaˬ-euˬ pyuˇ shuiˇ deuˬ aˬ yawꞈ-ahˇ ya a nehˬ laꞈ meh lehˇ, aˬ yawꞈ ngaˬ-ahˇ dawˬ tsaꞈ bi tsaꞈ le ngeh, aˬ yawꞈ neh ehˇ-euˬ loꞈ-ehˇ geuꞈ coeˇ ma lehˇ ngaˇ ehˇ kʼoꞈ nehˬ-euˬ ma” lehˇ ehˇ nehˬ-euˬ meh.

1 Sahˬpaˬ 20:7 ပူးပေါင်းရင်းမြစ်များ

2 Sahˬpaˬ 5:7

Sahˬ boꞈ kʼoeˇ taꞈ-ahˇ Iˇsaˬleˬlaˆ sahˬ paˬ gui gʼaˬ ngeh, aˬ yawꞈ dm luꞈ-eu mehˬ tsoeˬ cehˬ pyaˬ-awˇ ehˇ-eu, “Tsawˇ haˬ heu gʼaˬ-euˬ naˇ gawˇ laˆ saˆ taˬ nehˬ-awˬ lehˇ, Suˇliˆ sahˬ paˬ ngaˬ-ahˇ aˬ joˆ-ehˇ ehˇ nya-eu nga. Ngaˇ-aˬ, tsawˇ haˬ-ahˇ laˆ dehꞈ laˆ shiˇ nya-eu baoˬ ahˇ-eu miˬyehˇ nga lehˇ aˬ yawꞈ noeˬ ta loˇ. Aˬ yawꞈ ngaˬ-ahˇ nui ma laˆ pehˇ-awˇ, ceh dzaˬ-eu gaˇ ma poˆ-eu lehˇ gʼeh-eu ngaˇ.”

Daˬyeˬlaˇ 11:27

Kʼoeˇ naˇ, sahˬ paˬ kʼoeˇ nyiˬ gʼaˬ hawˬ jeh tiˬ jeh -ahˇ tehꞈ-ehˇ dzaˬ taꞈ tehꞈ-a. Ehˇ kʼawꞈ, aˬ yawꞈ nyaꞈ nui ma laꞈ gʼoꞈ baw-awˇ, tiˬ gʼaˬ tiˇ gʼaˬ jaˬ myawꞈ myawꞈ tehꞈ-a. Aˇ yamˬ maˬ keuˆ laˇ-euˬ miˇ neh, aˬ yawꞈ nyaꞈ neh noeˬ taˬ-euˬ jeˬ maˬ mˇ pyeuꞈ nya-a.

Dawqdaq 24:2

Aˬ cawˬ-ahˇ laˆ shaˬ-eu gaˇ kawˆ tehꞈ-ehˇ aˬ yawꞈ maꞈ shaˇ noeˬ luꞈ meh. Aˬ yawꞈ maꞈ dawˬ kʼaˇ ngehˬ doˆ laˇ ngeh, tiˬ gʼaˬ-ahˇ coeˬ leˇ-eu yaw duˬ baw meh. -20-

Dawqdaq 11:27

Yaw muiˬ jeˬ toˆ-eu tsawˇ haˬ myaˆ pyawˬ naˇ mehˇ jaˆ-awˇ, yaw doeˇ jeˬ toˆ-eu gʼaˬ ya shaˬ ya zahˬ tehꞈ-a.

Dawqdaq 11:14

Sheuˬ gʼeh-eu gʼaˬ maˬ jawˇ ngeh, tsawˇ jeuˬ byoˆ le-awˇ, mehˬ-eu tsoˆ-eu tsawˇ haˬ myaˬ ngeh, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za-a.

Dawqdaq 6:14

nui ma laꞈ gʼoꞈ-ahˇ yaw haiˬ jeˬ shaˇ sawˇ luꞈ-awˇ, iˬ dehˬ iˬ ceh poˆ-eu maˬ naˬ leˇ-a.

Jaceuq 140:2

Aˬ yawꞈ maꞈ aˬ myah luꞈ yaw haiˬ jeˬ mˇ-eu gaˇ kawˆ kawˆ-awˇ, iˬ dehˬ iˬ ceh laˆ doˆ-eu meh.

Jaceuq 62:3

Coˬ pyaˆ taˬ-euˬ kmˇ cehˇ naˆ ni tehꞈ-ehˇ deuˇ-eu tsawˇ haˬ tiˬ gʼaˬ-ahˇ, naw maꞈ aˬ myah keuˆ ni ga uiˬ-awˇ ceh-eu gʼeh te.

Jaceuq 36:4

Yuꞈzaˇlaꞈkʼoeˇ yaw cawˆbymˬ-awˇ, iˬbaˇgaˇjawˬ tiˬ li iˇ-awˇ, yaw haiˬ-ahˇnui daˆmaˬdaˆ-a.

Jaceuq 7:14

Haiˬ-eu kʼoeˇdeuˬ doeˇgaˇhaw sheˇ. Aˬcawˬ-ahˇ laˆ shaˬ-eu toˆ-awˇ, laˆdzaˬgahˇdzaˬ-eu jawˬ-eu meh.

Yawˇbaˆ 15:35

Tsawˇ haˬ kʼoeˇ deuˬ-aˬ, aˬ cawˬ-ahˇ laˆ shaˬ laˆ zahˬ-eu jeˬ shaˇ noeˬ-awˇ, yaw haiˬ jeˬ mˇ doˆ laꞈ-eu meh. Aˬ cawˬ-ahˇ myawꞈ dzaˬ gahˇ dzaˬ-eu nui noeˬ aˬ yawꞈ maꞈ-euˬ nui ma laꞈ kʼoeˇ aˬ myah luꞈ byah luꞈ-eu meh.”

1 Laˬsaˬbaˬ 28:1

Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu yaw huiˬ yaw mahˇ deuˬ dawˬ tawˆ luꞈ, Yeˬluˇsaˬlehˬ meuˬ-ahˇ uiˬ laˇ-eu gʼaˇ duˬ sahˬ paˬ Daˬbiˇ dawˬ biꞈ-euˬ meh. Kʼoeˇ ngeh, Iˇsaˬleˬlaˆ tsawˇ jeuˬ deuˬ kʼoeˇ taˆ aˬ yuiꞈ geuꞈ luꞈ-eu yaw huiˬ yaw mahˇ deuˬ dawˬ tawˆ luꞈ maˬ ehˇ, Iˇsaˬleˬlaˆ miˇ kʼahˬ-ahˇ taꞈ-eu gaˇ deuˬ-ahˇ aˬ yuiꞈ geuꞈ-awˇ mˇ luꞈ-eu yaw huiˬ yaw mahˇ deuˬ maˬ ehˇ, aˇ jeuˬ aˇ ca deuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ maˬ ehˇ, sahˬ paˬ hawˇ-eu sahˬ paˬ zaˬ yo deuˬ-euˬ mawˇ nyoˬ jeˬ kaˇ deuˬ-ahˇ haw-eu pyaˆ-eu deuˬ maˬ ehˇ, sahˬ paˬ-euˬ nymˇ-ahˇ gaˇ mˇ luꞈ-eu yaw huiˬ yaw mahˇ deuˬ maˬ ehˇ, yehˇ yaw huiˬ deuˬ maˬ ehˇ, aˇ yaˬ huiˬ-eu tsawˇ haˬ deuˬ maˬ ehˇ, dawˬ tawˆ luꞈ Yeˬluˇsaˬlehˬ meuˬ-ahˇ uiˬ laˇ jiˇ-euˬ meh.

1 Laˬsaˬbaˬ 13:1

Tiˬ heˇ gʼaˬ kʼoeˇ taˆ uˆ lahˇ-eu aˬ yuiꞈ deuˬ hawˇ-eu, tiˬ yaˇ gʼaˬ kʼoeˇ taˆ uˆ lahˇ-eu aˬ yuiꞈ deuˬ nehˬ-ehˇ, sahˬ paˬ Daˬbiˇ mehˬ bawˬ mˇ-euˬ meh.

1 Sahˬpaˬ 8:1

Kʼoeˇ naˇ, Ziˇoˬ lehˇ kuˇ-eu Daˬbiˇ-euˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Uˬ duˬ tahˬ nymˇ nymˇ ma laꞈ kʼoeˇ baꞈ ahˇ-eu gʼaˇ duˬ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu dawˬ tawˆ luꞈ-ahˇ, sahˬ paˬ Sawˇlaˬmoˬ neh aˬ yawꞈ jawˇ-eu Yeˬluˇsaˬlehˬ meuˬ-ahˇ kuˇ uiˬ-euˬ meh.

1 Sahˬpaˬ 20:6

Ehˇ kʼawꞈ ni, nymˬ-mˇ poˆ jawˇ ngaˬ-euˬ gaˇ mˇ-eu yaw huiˬ yaw mahˇ deuˬ pyehˬ gʼeh leꞈ-awˇ, nawˬ-euˬ hawˇ nymˇ-ahˇ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ nymˇ-ahˇ maˬ ehˇ, bi goˬ doe haw jiˇ-awˇ, aˬ yawꞈ maꞈ kʼaˇ geuꞈ mawꞈ-eu jeˬ bi yuˇ geuꞈ jiˇ ma. Ni shawˬ nah heu yamˬ-ahˇ aˬ yawꞈ maꞈ oe keuˆ tehꞈ-a.”

1 Sahˬpaˬ 20:8

Kʼoeˇ ngeh, “Aˬ yawꞈ-euˬ ehˇ dawˬ-ahˇ maˬ naˇ haˬ-ehˇ, aˬ yawꞈ-ahˇ tiˬ jeˬ-iˬ maˬ biꞈ nehˬ ni jawˇ-awˬ” lehˇ, aˬ yuiꞈ aˬ tsu kʼoeˇ deuˬ hawˇ-eu Iˇsaˬleˬlaˆ tsawˇ haˬ deuˬ ehˇ-eu meh.

1 Sahˬpaˬ 21:8

Kʼoeˇ naˇ, Yeˬsaˬbeˬlaˇ sahˬ boꞈ heu myaˆ taꞈ boꞈ-awˇ, Aˬhaˆ-euˬ laꞈ ma dehˬ-awˇ, Aˬhaˆ-euˬ jmˬ diˬ-awˇ, Yeˬzaˬleˬlaˇ meuˬ laꞈ kʼoeˇ jawˇ-eu yaw huiˬ yaw mahˇ deuˬ hawˇ-eu aˬ yuiꞈ aˬ tsu deuˬ-ahˇ bi biꞈ ha-iˇ-euˬ meh.