1 Laˬsaˬbaˬ 9:31 - Akha

³¹ Leˬbiˇ tsawˇ jeuˬ laꞈ kʼoeˇ, Kawˇlaˆ aˇ jeuˬ pyeuꞈ-eu Shaˬlmˬ-euˬ aˬ li aˬ yuiꞈ yuiꞈ saˬ Maˬtiˇdiˇ-aˬ, Miˬyehˇ-ahˇ lawˇ nehˬ gaˇ geuꞈ-eu kaˬ muˇ aˇ yaˆ puiˆ-eu gaˇ mˇ-eu meh.

1 Laˬsaˬbaˬ 9:31 ပူးပေါင်းရင်းမြစ်များ

Aˇ dahˬ 19:3

Ehˇ kʼawꞈ, Lawˇtaˬ yaw kʼaˆ-ehˇ shaˇ-eu miˇ neh, aˬ yawꞈ nyaꞈ Lawˇtaˬ-euˬ nymˇ-ahˇ naˬ leˇ-euˬ meh. Lawˇtaˬ-aˬ, aˬ yawꞈ-euˬ zaˬ kʼaˆ deuˬ-ahˇ kaˬ muˇ bi jahˇ-awˇ, kuiˇ-eu dzaˬ byawˇ bi laˆ dawˆ-euˬ meh. Dzaˬ byawˇ laˆ dawˆ gʼaˬ ngeh jawˇ, daˬ yah kʼoeˇ nyiˬ gʼaˬ-ahˇ bi dzaˬ bi dawˇ-euˬ meh.

1 Laˬsaˬbaˬ 23:29

Miˬyehˇ-ahˇ damˬ-eu kaˬ muˇ jahˇ-eu gaˇ maˬ ehˇ, lawˇ-eu gʼaˇ duˬ loˬ-eu cehˇ meu, dehˬ tseˬ maˬ ahˇ-eu kaˬ muˇ, laˆ jaꞈ taˬ-euˬ kaˬ muˇ aˇ yaˆ hawˇ-eu saˬ loˬ tsiˇ keuˬ taˬ-euˬ cehˇ meu, heu deuˬ-ahˇ laˆ saˆ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ-ahˇ pehˬ haw saˆ haw-eu gaˇ maˬ ehˇ,

1 Laˬsaˬbaˬ 9:17

Yeˬluˇsaˬlehˬ meuˬ-ahˇ jawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-euˬ tsawˇ haˬ deuˬ-aˬ, Shaˬlmˬ, Aˬkuˇ, Taˬlaˬmoˬ, Aˬhiˇmaˬ, heu deuˬ meh. Shaˬlmˬ-aˬ, aˬ yawꞈ maꞈ kʼoeˇ taˆ aˬ yuiꞈ geuꞈ-euˬ meh.

1 Laˬsaˬbaˬ 9:19

Eˇbyaˬsaˆ-euˬ oeˬ paˬ pyeuꞈ-eu Kawˇleˬ-euˬ aˬ li Shaˬlmˬ-aˬ, aˬ yawꞈ-euˬ aˬ poeˬ aˬ bawˇ deuˬ Sehˬ gʼawˆ-ahˇ haw ngeh pyaˆ ngeh loꞈ-ehˇ, aˬ yawꞈ-euˬ aˇ jeuˬ aˇ ca deuˬ nehˬ-ehˇ tiˬ kawˆ loꞈ-ehˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ le uˇ-eu gʼoˆ kʼehˬ-ahˇ loꞈ-euˬ meh.

1 Laˬsaˬbaˬ 9:22

Gʼoˆ kʼehˬ hawˇ-eu lahˇ kʼehˬ dawˬ tawˆ luꞈ-ahˇ bi loꞈ-eu gʼaˇ duˬ tseˇ doˆ-euˬ tsawˇ haˬ dawˬ tawˆ luꞈ, nyiˬ yaˇ tseˇ nyiꞈ gʼaˬ byah-eu meh. Aˬ yawꞈ maꞈ-euˬ tsawˇ myahˇ hawˇ-eu, aˬ yawꞈ maꞈ jawˇ-eu pu tsawˇ myahˇ yuˇ taˬ-euˬ meh. Sahˬ paˬ Daˬbiˇ hawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Saˬmeuˬlaˆ aˬ nyaꞈ neh, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ gaˇ kʼoeˇ biꞈ-euˬ meh.

1 Laˬsaˬbaˬ 9:26

Lahˇ kʼehˬ kʼoeˇ oeˬ kʼehˬ-ahˇ loꞈ-eu gaˇ-ahˇ taꞈ leˇ-awˇ, dawˬ tawˆ luꞈ kʼoeˇ taˆ huiˬ dzehˬ-eu oeˬ gʼaˬ-aˬ, Leˬbiˇ tsawˇ haˬ pyeuꞈ-awˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu aˇ lawˆ deuˬ hawˇ-eu, pyuˇ shuiˇ myawˬ gahˬ deuˬ-ahˇ kʼawꞈ ya haw piˇ-eu meh.

Uˬ duˬ 2:5

Mui za kʼoeˇ taˆ laˆ jaꞈ-euˬ kaˬ muˇ lawˇ ngeh, kaˬ muˇ kʼoeˇ-ahˇ, cehˇ meu hawˇ-eu saˬ loˬ tsiˇ keuˬ-awˇ, dehˬ tseˬ maˬ dawˆ ni ya jahˇ meh.

Uˬ duˬ 2:7

Mui za oeˬ lahˬ laꞈ kʼoeˇ jahˇ jaꞈ-euˬ kaˬ muˇ lawˇ ngeh, kaˬ muˇ kʼoeˇ-ahˇ, cehˇ meu hawˇ-eu saˬ loˬ tsiˇ neh ya jahˇ meh.

Uˬ duˬ 6:14

Heu-aˬ, dzaˬ la gʼo cehˇ lawˇ-eu gʼaˇ duˬ zahˇ sahˇ kʼoꞈ pyeuꞈ-eu meh. Aˬloˬ-euˬ aˬ li piˇ ma tiˬ gʼaˬ, lawˇ duˬ mehˬ shi Sahˬpaˬ Miˬyehˇ jawˇ gaˇ, dzaˬ la gʼo cehˇ lawˇ-eu jeˬ ya yuˇ laꞈ meh.

Uˬ duˬ 6:21

Cehˇ meu kʼoeˇ-ahˇ tsiˇ keuˬ-awˇ, mui za kʼoeˇ taˆ ya laˆ jaꞈ meh. Kʼoeˇ naˇ, tiˬ poˆ paˇ laˆ loeˇ-awˇ, dzaˬ la gʼo cehˇ lawˇ-eu jeˬ ya lawˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh