1 Laˬsaˬbaˬ 9:28 - Akha

²⁸ Leˬbiˇ tsawˇ haˬ nui deuˬ-aˬ, uˬ duˬ tahˬ ngeh zmˬ-eu mˇ myawˬ keu ka deuˬ-ahˇ ya haw piˇ-eu meh. Mˇ myawˬ keu ka kʼoeˇ deuˬ-ahˇ zmˬ-eu lehˇ kʼaˇ yuˇ doˆ gʼeh ngeh maˬ ehˇ, kʼaˇ yuˇ kʼoꞈ taˬ leˇ ngeh maˬ ehˇ, aˬ yawꞈ maꞈ yaw muiˬ paˬ-ehˇ ya pyehˆ tseˇ haw-eu meh.

1 Laˬsaˬbaˬ 9:28 ပူးပေါင်းရင်းမြစ်များ

1 Laˬsaˬbaˬ 26:20

Aˬ yawꞈ maꞈ-euˬ tsawˇ jeuˬ pyeuꞈ-eu Leˬbiˇ tsawˇ haˬ nui deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, Miˬyehˇ-ahˇ damˬ nehˬ-euˬ jeˬ laˆ saˆ jeˬ hmˬ taˬ-eu aˇ lawˆ deuˬ-ahˇ ya haw piˇ-eu meh.

1 Laˬsaˬbaˬ 9:27

Aˬ yawꞈ maꞈ-aˬ, Uˬ duˬ tahˬ nymˇ nymˇ ma dawˬ peh jawˇ-eu meh. Aˬ jeˬ miˇ neh ehˇ naˇ, Uˬ duˬ tahˬ nymˇ nymˇ ma-ahˇ loꞈ piˇ-eu gaˇ maˬ ehˇ, aˬ yawꞈ shawˬ yawꞈ lahˇ kʼehˬ pah-eu gaˇ maˬ ehˇ, aˬ yawꞈ maꞈ ya mˇ-eu meh.

1 Laˬsaˬbaˬ 9:29

Aˬ yawꞈ maꞈ tiˬ paˆ na deuˬ-aˬ, muiˬ-eu shawˇ-eu mˇ myawˬ keu ka deuˬ, cehˇ meu deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, tsiˇ yaw saw deuˬ hawˇ-eu, yaw saw gʼawˬ mya jeˬ-ahˇ ya jeˬ hmˬ-eu meh.

Neˬhaˬmiˇ 12:44

Aˇ yamˬ kʼoeˇ yamˬ laꞈ kʼoeˇ, tseˇ bymˇ tiˬ bymˇ hawˇ-eu keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ kʼaˇ damˬ-euˬ yawˬ jeˬ na luꞈ jeˬ hmˬ-eu aˇ lawˆ deuˬ-ahˇ tsawˇ haˬ tseˇ doˆ-awˇ bi haw bi pyaˆ-euˬ meh. Tsawˇ haˬ kʼoeˇ deuˬ-aˬ, meuˬ yawˬ meuˬ na luꞈ dawˬ peh deh ma deh yaˇ kʼaˇ jaˆ gaˇ iˇ-awˇ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ kʼaˇ damˬ nehˬ-euˬ jeˬ ya taꞈ uiˬ-eu meh. Yuˇdaˆ miˇ kʼahˬ zaˬ dawˬ tawˆ luꞈ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nui kʼahˇ shiˇ-eu meh.

Bawˇtsahˬ 4:12

Muiˬ-eu shawˇ-eu jawˇ duˬ laꞈ kʼoeˇ zmˬ-eu keu ka dawˬ tawˆ luꞈ aˬ yawꞈ maꞈ yuˇ-awˇ, nyoeˇ leuˬ leuˬ-eu saˬ paˇ neh lahˇ cuꞈ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ kʼoeˇ taˆ ya bi jaˆ meh.