1 Laˬsaˬbaˬ 9:20 - Akha

²⁰ Eˇlaˬzaˬ-euˬ aˬ li Piˇnaˬhaˇ gʼaˬ-aˬ, aˬ yawꞈ maꞈ-euˬ kʼoeˇ taˆ haw-eu pyaˆ-eu gʼaˬ tiˬ poˆ geuꞈ-awˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-euˬ meh.

1 Laˬsaˬbaˬ 9:20 ပူးပေါင်းရင်းမြစ်များ

Aˇ dahˬ 39:2

Yoˇsehˆ nehˬ-ehˇ Sahˬpaˬ Miˬyehˇ jawˇ-eu miˇ neh, Yoˇsehˆ kʼaˇ mˇ kʼaˇ shaˇ-eu gaˇ dawˬ tawˆ luꞈ huiˬ laˇ mahˇ laˇ luꞈ-eu meh. Aˬ yawꞈ-ahˇ zeuˇ-euˬ Iˇjiˇtuˆ tsawˇ haˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ aˬ yawꞈ jawˇ luꞈ-eu meh.

Aˇ dahˬ 39:3

Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ guiˬ lahˬ biꞈ luꞈ-eu miˇ neh, Yoˇsehˆ kʼaˇ mˇ kʼaˇ shaˇ-eu jeˬ guiˬ lahˬ baw gaˇ, yaw huiˬ yaw mahˇ kʼoeˇ gʼaˬ ya mawˇ-euˬ meh.

1 Laˬsaˬbaˬ 9:19

Eˇbyaˬsaˆ-euˬ oeˬ paˬ pyeuꞈ-eu Kawˇleˬ-euˬ aˬ li Shaˬlmˬ-aˬ, aˬ yawꞈ-euˬ aˬ poeˬ aˬ bawˇ deuˬ Sehˬ gʼawˆ-ahˇ haw ngeh pyaˆ ngeh loꞈ-ehˇ, aˬ yawꞈ-euˬ aˇ jeuˬ aˇ ca deuˬ nehˬ-ehˇ tiˬ kawˆ loꞈ-ehˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ le uˇ-eu gʼoˆ kʼehˬ-ahˇ loꞈ-euˬ meh.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Bawˇtsahˬ 3:32

Leˬbiˇ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, piˇ ma Aˬloˬ-euˬ aˬ li Eˇlaˬzaˬ meh. Muiˬ-eu shawˇ-eu jawˇ duˬ laꞈ kʼoeˇ gaˇ mˇ-eu tsawˇ haˬ deuˬ-ahˇ aˬ yawꞈ ya haw ya pyaˆ-eu meh.

Bawˇtsahˬ 31:6

Moˇseˬ-aˬ, tsawˇ haˬ kʼoeˇ deuˬ-ahˇ, muiˬ-eu shawˇ-eu keu ka hawˇ-eu daˇ heh yuˇ luꞈ-eu piˇ ma Eˇlaˬzaˬ-euˬ aˬ li Piˇnaˬhaˇ neh bi uˆ lahˇ-awˇ, guiˇ bi deuˆ leˇ-euˬ meh.

Bawˇtsahˬ 4:16

Piˇ ma Aˬloˬ-euˬ aˬ li Eˇlaˬzaˬ-aˬ, tsiˇ kʼmˬ doꞈ-eu tsiˇ, tsiˇ yaw saw jeˬ, dzaˬ la gʼo cehˇ lawˇ-eu jeˬ hawˇ-eu, tseˇ doˆ-euˬ deuˬ-ahˇ lehꞈ-eu tsiˇ heu deuˬ-ahˇ ya haw ya pyaˆ meh. Sehˬ gʼawˆ gʼawˆ lah ni hawˇ-eu, Sehˬ gʼawˆ laꞈ kʼoeˇ kʼaˇ jaˆ-eu Sahˬpaˬ Miˬyehˇ-ahˇ a nehˬ taˬ-euˬ jeˬ dawˬ tawˆ luꞈ-ahˇ ya haw ya pyaˆ meh.

Bawˇtsahˬ 4:28

Heu-aˬ, Geˬlaˬshoˬ tsawˇ jeuˬ Sehˬ gʼawˆ laꞈ kʼoeˇ ya mˇ-eu gaˇ deuˬ meh. Piˇ ma Aˬloˬ-euˬ aˬ li Iˇdaˬmaˬ neh mehˬ nehˬ tsoˆ nehˬ-euˬ loꞈ-ehˇ, gaˇ kʼoeˇ deuˬ-ahˇ aˬ yawꞈ maꞈ ya mˇ meh.”

Bawˇtsahˬ 4:33

Heu-aˬ, Sehˬ gʼawˆ laꞈ kʼoeˇ Meˬlaˬliˇ tsawˇ haˬ deuˬ ya mˇ-eu gaˇ pyeuꞈ-eu meh. Piˇ ma Aˬloˬ-euˬ aˬ li Iˇdaˬmaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ loꞈ-ehˇ, kʼoeˇ deuˬ-ahˇ aˬ yawꞈ maꞈ ya baꞈ meh.”

Yawˇshuˆ 22:13

Kʼoeˇ naˇ, Iˇsaˬleˬlaˆ tsawˇ haˬ deuˬ piˇ ma Eˇlaˬzaˬ-euˬ aˬ li Piˇnaˬhaˇ-ahˇ, Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ bi iˇ-euˬ meh.

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”