1 Laˬsaˬbaˬ 9:17 - Akha

¹⁷ Yeˬluˇsaˬlehˬ meuˬ-ahˇ jawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-euˬ tsawˇ haˬ deuˬ-aˬ, Shaˬlmˬ, Aˬkuˇ, Taˬlaˬmoˬ, Aˬhiˇmaˬ, heu deuˬ meh. Shaˬlmˬ-aˬ, aˬ yawꞈ maꞈ kʼoeˇ taˆ aˬ yuiꞈ geuꞈ-euˬ meh.

1 Laˬsaˬbaˬ 9:17 ပူးပေါင်းရင်းမြစ်များ

2 Sahˬpaˬ 7:10

Kʼoeˇ naˇ, Suˇliˆ tsawˇ haˬ-euˬ taˆ-ahˇ neh Saˬmaˬliˆ meuˬ-ahˇ aˬ yawꞈ maꞈ gʼoꞈ leˇ-awˇ, meuˬ lahˇ kʼehˬ-ahˇ loꞈ luꞈ-eu yehˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Suˇliˆ tsawˇ haˬ-euˬ taˆ-ahˇ nga maꞈ le ngeh, tsawˇ haˬ tiˬ gʼaˬ-iˬ maˬ jawˇ ni ciˬ cuˇ ni jaˆ-eu meh. Mahˬ hawˇ-eu mahˬ tahˬ laˆ deuˬ kʼawꞈ maˬ pyehˬ ni paꞈ tawꞈ taˬ-awˇ, sehˬ gʼawˆ deuˬ kʼawꞈ, Suˇliˆ tsawˇ haˬ neh kʼaˇ bi jaˆ yaꞈ-euˬ loꞈ-ehˇ jaˆ luꞈ meh.”

1 Laˬsaˬbaˬ 23:5

Oeˬ heˇ gʼaˬ-aˬ, gʼoˆ kʼehˬ-ahˇ loꞈ piˇ-eu gaˇ mˇ-awˇ, oeˬ heˇ gʼaˬ-aˬ, ngaˬ neh biꞈ-euˬ caˇ dawˬ caˇ gaˇ zmˬ-eu keu ka deuˬ yuˇ-awˇ, Sahˬpaˬ Miˬyehˇ-ahˇ caˇ-awˇ ja ceuˬ-eu deuˬ geuꞈ-awˬ.”

1 Laˬsaˬbaˬ 9:16

Yeˬduˇdoˬ-euˬ oeˬ lehˬ pyeuꞈ-awˇ, Gaˬlaˬlaˆ-euˬ oeˬ paˬ pyeuꞈ-eu, Sheˬmaˇyaˬ-euˬ aˬ li Awˇbaˬdiˇ, Neˬtawˇpaˬ meuˬ-ahˇ taꞈ-eu pu deuˬ-ahˇ jawˇ-eu Eˇlaˬkaˬnaˬ-euˬ aˬ li Aˬsaˬ, heu deuˬ meh.

1 Laˬsaˬbaˬ 9:18

Aˇ nah aˇ yamˬ kʼoeˇ yamˬ laꞈ kʼoeˇ, nahˇ ma doˆ kʼehˬ paw jaˆ-eu sahˬ paˬ-euˬ lahˇ kʼehˬ-ahˇ aˬ yawꞈ maꞈ-euˬ aˇ jeuˬ aˇ ca deuˬ loꞈ luꞈ-eu meh. Yaw beh-aˬ, Leˬbiˇ tsawˇ haˬ-euˬ sehˬ gʼawˆ-ahˇ le-eu lahˇ kʼehˬ-ahˇ aˬ yawꞈ maꞈ loꞈ-euˬ meh.

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

Eˇzaˬlaˬ 2:42

Shaˬlmˬ, Aˬtaˬ, Taˬlaˬmoˬ, Aˬkuˇ, Haˬtiˇtaˬ hawˇ-eu Shoˇbaiˬ-euˬ zaˬ deuˬ uˆ deuˬ pyeuꞈ-eu Uˬ duˬ tahˬ nymˇ nymˇ ma-ahˇ loꞈ-eu deuˬ, tiˬ yaˇ smˬ tseˇ gʼoeˬ gʼaˬ,

Neˬhaˬmiˇ 11:19

Yeˬluˇsaˬlehˬ meuˬ-ahˇ jawˇ-euˬ Uˬ duˬ tahˬ nymˇ nymˇ ma-ahˇ loꞈ-eu deuˬ-aˬ, Aˬkuˇ, Taˬlaˬmoˬ hawˇ-eu aˬ yawꞈ nyaꞈ-euˬ aˬ yuiꞈ aˬ nyiˇ dawˬ tawˆ luꞈ tiˬ yaˇ shiꞈ tseˇ nyiꞈ gʼaˬ meh.