1 Laˬsaˬbaˬ 8:33 - Akha

³³ Neˬlaˇ-aˬ, Giˇshaˆ-euˬ aˬ da pyeuꞈ-awˇ, Giˇshaˆ-aˬ, sahˬ paˬ Sawˇluˆ-euˬ aˬ da pyeuꞈ-eu meh. Sawˇluˆ-aˬ, Yawˇnaˆshaˬ, Maˬlaˬkiˇshuˬ, Aˬbiˇnaˬdehˇ, Eˇshaˬbaˬlaˇ lehˇ myahˇ-euˬ aˬ li oeˬ li jawˇ-eu meh.

1 Laˬsaˬbaˬ 8:33 ပူးပေါင်းရင်းမြစ်များ

2 Saˬmeuˬlaˆ 2:8

Sawˇluˆ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬlaˇ-euˬ aˬli Aˬbaˬnaˬ-aˬ, Sawˇluˆ-euˬ aˬ li Iˇshaˬbawˇshehˆ nehˬ-ehˇ Yawˇdaˬ lawˇ baˬ cehˆ tsehˆ-awˇ, Maˬhaˬneˬ meuˬ-ahˇ cehˆ leˇ-euˬ meh.

2 Saˬmeuˬlaˆ 4:12

Daˬbiˇ aˬ yawꞈ-euˬ yehˇ deuˬ-ahˇ dawˬ biꞈ-awˇ, Leˬkaˆ hawˇ-eu Baˬnahˬ aˬ nyaꞈ nmˇ-ahˇ bi sehꞈ-euˬ meh. Aˬ yawꞈ maꞈ aꞈ yawꞈ nyaꞈ nmˇ-euˬ aˬ kuiˇ aˬ laꞈ toˆ tsehˆ-awˇ, Heˬbyoˬ lah lah dzeˇ paꞈ gʼeu taˬ-euˬ meh. Iˇshaˬbawˇshehˆ-euˬ uˬ duˬ-ahˇ aˬ yawꞈ maꞈ yuˇ-awˇ, Heˬbyoˬ meuˬ-ahˇ jaˆ-eu Aˬbaˬnaˬ-euˬ lmˬ bymˇ-ahˇ baꞈ pahˬ-euˬ meh.

1 Laˬsaˬbaˬ 8:32

Shiˇmyaˆ-euˬ aˬ da Miˇkaˬloˆ aˬ ha mehˇ nmˇ meh. Aˬ yawꞈ maꞈ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ aˇ jeuˬ aˇ ca deuˬ dawˬ peh, Yeˬluˇsaˬlehˬ meuˬ-ahˇ jawˇ-eu meh.

1 Laˬsaˬbaˬ 8:34

Yawˇnaˆshaˬ-aˬ, Meˬliˇbaˬlaˇ-euˬ aˬ da pyeuꞈ-awˇ, Meˬliˇbaˬlaˇ-aˬ, Miˇkaˬ-euˬ aˬ da pyeuꞈ-eu meh.

Gʼaˬkʼehˇ 13:21

Kʼoeˇ naˇ, aˬ yawꞈ maꞈ sahˬ paˬ shaˇ ngeh, Miˬyehˇ neh a yawꞈ maꞈ-ahˇ Beˬyaˬmiˬ tsawˇ jeuˬ Giˇshaˆ-euˬ aˬ li Sawˇluˆ biꞈ nehˬ-awˇ, aˬ yawꞈ maꞈ kʼoeˇ taˆ sahˬ paˬ geuꞈ-awˇ oeˬ tseˇ kʼoꞈ bi uˆ lahˇ-euˬ meh.

1 Saˬmeuˬlaˆ 31:2

Ehˇ kʼawꞈ, Piˇliˇtiˆ tsawˇ haˬ deuˬ aˬ yawꞈ maꞈ-euˬ mehˬ nah teh miˇ le-awˇ, Sawˇluˆ-euˬ aˬ li Yawˇnaˆshaˬ, Aˬbiˇnaˬdehˇ, Maˬlaˬkiˇshuˬ aˬ ha smˬ mehˇ nmˇ-ahˇ sehꞈ-euˬ meh.

1 Saˬmeuˬlaˆ 9:1

Beˬyaˬmiˬ tsawˇ jeuˬ laꞈ kʼoeˇ, Giˇshaˆ lehˇ myahˇ-euˬ smˇ muiˬ muiˬ-awˇ baoˬ jaˆ-eu tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Aˬpiˇyaˬ aˇ jeuˬ aˇ ca-ahˇ taꞈ-eu Beˬgawˇlaˆ aˇ jeuˬ Zeˬyawˬ-euˬ oeˬ paˬ meh. Aˬ yawꞈ-euˬ aˬ da-aˬ, Aˬbyeˬlaˆ meh.

1 Saˬmeuˬlaˆ 9:2

Giˇshaˆ-aˬ, Sawˇluˆ lehˇ myahˇ-euˬ huiˬ loˆ laˇ-euˬ aˬ li tiˬ li jawˇ-eu meh. Sawˇluˆ-aˬ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ naˆ maˬ tseˇ uˬ duˬ tiˬ siˬ goˇ dzehˬ-awˇ, dawˬ tawˆ luꞈ naˆ maˬ tseˇ aˇ gʼehˇ muiˬ dui dui-eu zaˬ guˬ tiˬ gʼaˬ pyeuꞈ-eu meh.