1 Laˬsaˬbaˬ 7:28 - Akha

²⁸ Aˬ yawꞈ maꞈ-ahˇ oꞈ-awˇ jawˇ-euˬ miˇ kʼahˬ-aˬ, Beˬdeˬlaˇ meuˬ hawˇ-eu, kʼoeˇ-euˬ jawˬ jawˬ-ehˇ jaˆ-eu meuˬ deuˬ ahˇ leˇ-ehˇ, nahˇ ma doˆ kʼehˬ paw Naˬlaˬ meuˬ-ahˇ keuˆ ni meh. Nahˇ ma ga kʼehˬ paw Geˬzeuˬ meuˬ hawˇ-eu kʼoeˇ-euˬ tiˬ jawˬ jaˆ-eu pu deuˬ-ahˇ keuˆ ni meh. Sheˬkmˬ meuˬ, Aˬyahˬ meuˬ hawˇ-eu, meuˬ kʼoeˇ nyiˬ meuˬ-euˬ tiˬ jawˬ jaˆ-eu pu deuˬ kʼawꞈ ahˇ-eu meh.

1 Laˬsaˬbaˬ 7:28 ပူးပေါင်းရင်းမြစ်များ

Aˇ dahˬ 28:19

Jawˇ duˬ kʼoeˇ tsahˇ-ahˇ, Beˬdeˬlaˇ lehˇ aˬ yawꞈ myahˇ nehˬ-euˬ meh. Jawˇ duˬ kʼoeˇ tsahˇ-ahˇ, yaw beh Luˇzaˆ meuˬ lehˇ kuˇ-euˬ meh.

Yawˇshuˆ 16:5

Heu-aˬ, Eˇpaˬleˬ tsawˇ jeuˬ-euˬ miˇ kʼahˬ pyeuꞈ-eu meh. Aˬ yawꞈ maꞈ-euˬ miˇ kaˬ-aˬ, Aˬtaˬyoˆaˬdaˬlaˆ meuˬ-ahˇ neh, nahˇ ma doˆ kʼehˬ paw Behˬhawˇleuˬ laꞈ taˆ meuˬ paw le gʼeh leꞈ-euˬ meh.

Yawˇshuˆ 16:7

Yaˬnoˇaˬ meuˬ-ahˇ neh naˇ, Aˬtaˬyoˆ meuˬ hawˇ-eu Naˬlahˬ meuˬ paw iˇ ka-awˇ, Yeˬliˇkoˇ meuˬ-ahˇ neh Yawˇdaˬ lawˇ baˬ-ahˇ iˇ dahˬ-euˬ meh.

Yawˇshuˆ 16:8

Miˇ kaˬ kʼoeˇ-aˬ, Taˬpahˇ meuˬ-ahˇ neh nahˇ ma ga kʼehˬ paw jaˆ-eu Kaˬnahˬ lawˇ gawˆ paw iˇ gʼeh-awˇ, Gʼahˇ ceh-euˬ iˬ ma laˆ shaˆ-ahˇ iˇ dahˬ-euˬ meh. Heu-aˬ, Eˇpaˬleˬ tsawˇ jeuˬ-ahˇ biꞈ tsehˆ tsehˆ nehˬ-euˬ miˇ kʼahˬ pyeuꞈ-eu meh.

Yawˇshuˆ 16:9

Maˬnaˇseˬ tsawˇ jeuˬ-euˬ miˇ kʼahˬ laꞈ kʼoeˇ jaˆ-eu meuˬ yaw nyiˇ deuˬ hawˇ-eu pu tiˬ paˆ na deuˬ kʼawꞈ, aˬ yawꞈ maꞈ-ahˇ biꞈ ahˇ nehˬ-euˬ miˇ neh, miˇ kʼahˬ heu kʼahˬ-ahˇ taꞈ-eu meh.

Yaˇ kʼaˬ daˇ 1:22

Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ deuˬ, kʼoeˇ ngeh jo-ahˇ Luˇzaˆ meuˬ lehˇ kuˇ-eu Beˬdeˬlaˇ meuˬ-ahˇ guiˇ deuˆ-awˇ, aˬ yawꞈ maꞈ-ahˇ Sahˬpaˬ Miˬyehˇ caw ba nehˬ-euˬ meh. Aˬ yawꞈ maꞈ tsawˇ haˬ pyehˬ gʼeh-awˇ, meuˬ kʼoeˇ meuˬ-ahˇ bi kʼoeˬ sho haw-iˇ-euˬ meh.