1 Laˬsaˬbaˬ 6:8 - Akha

⁸ Zaˬdoˆ, Aˬhiˇmaˆ,

1 Laˬsaˬbaˬ 6:8 ပူးပေါင်းရင်းမြစ်များ

2 Saˬmeuˬlaˆ 15:27

Zaˬdoˆ-ahˇ aˬ yawꞈ tiˬ poˆ paˇ ehˇ nehˬ-eu, “Heu gaˇ haw sheˇ. Nawˬ li Aˬhiˇmaˆ hawˇ-eu Aˬbyaˬdaˬ-euˬ aˬ li Yawˇnaˆshaˬ-ahˇ sheuˬ-awˇ, nui ma saˇ lehˆ ni taˬ-eu laꞈ kʼoeˇ meuˬ-ahˇ gʼoꞈ jawˇ-iˇ-awˬ.

2 Saˬmeuˬlaˆ 17:15

Huˇshaiˇ-aˬ, Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ deuˬ-ahˇ aˬ yawꞈ neh nui noeˬ nui duˇ biꞈ-euˬ gaˇ kawˆ maˬ ehˇ, Aˬhiˇtawˇpeˬlaˆ neh nui noeˬ nui duˇ biꞈ-euˬ gaˇ kawˆ maˬ ehˇ, piˇ ma Zaˬdoˆ hawˇ-eu piˇ ma Aˬbyaˬdaˬ aˬ nyaꞈ-ahˇ dzawˇ nehˬ-euˬ meh.

2 Saˬmeuˬlaˆ 17:17

Aˬbyaˬdaˬ-euˬ aˬ li Yawˇnaˆshaˬ hawˇ-eu Zaˬdoˆ-euˬ aˬ li Aˬhiˇmaˆ aˬ nyaꞈ-aˬ, Yeˬluˇsaˬlehˬ-euˬ meuˬ meuˬ taw Eˬloˇgeˬ iˇ cuꞈ iˇ byoe dawˬ peh loꞈ luꞈ-eu meh. Aˬ cawˬ mawˇ gaˇ guˆ-eu miˇ neh, meuˬ laꞈ kʼoeˇ aˬ yawꞈ nyaꞈ maˬ uˇ leˇ peuˬ-a. Zaˬ miˬ zaˬ zaˬ kʼaˆ tiˬ gʼaˬ, kʼaˇ pyeuꞈ laˇ-euˬ gaˇ kawˆ deuˬ aˬ yawꞈ nyaꞈ-ahˇ dzawˇ nehˬ le-awˇ, gaˇ kawˆ kʼoeˇ aˬ yawꞈ nyaꞈ sahˬ paˬ Daˬbiˇ-ahˇ paˇ tsaꞈ gaˬ-iˇ-euˬ meh.

2 Saˬmeuˬlaˆ 17:20

Aˬbaˇsaˬloˬ-euˬ gaˇ mˇ-eu yaw huiˬ yaw mahˇ deuˬ nymˇ kʼoeˇ nymˇ-ahˇ oe-awˇ, “Aˬhiˇmaˆ hawˇ-eu Yawˇnaˆshaˬ aˬ nyaꞈ aˬ gaˇ iˇ taˬ” lehˇ, zaˬ miˬ zaˬ kʼoeˇ gʼaˬ-ahˇ naˇ haˬ le-euˬ meh. Zaˬ miˬ zaˬ kʼoeˇ gʼaˬ gʼeh, “Aˬ yawꞈ nyaꞈ lawˇ baˬ tsehˆ doˆ dzeuˇ-euˬ meh” lehˇ, zaˬ miˬ zaˬ kʼoeˇ gʼaˬ paˇ ehˇ kʼoꞈ nehˬ-euˬ meh. Tsawˇ haˬ kʼoeˇ deuˬ aˬ yawꞈ nyaꞈ-ahˇ poˆ haw kʼawꞈ maˬ poˆ mawˇ nya-ehˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh.

2 Saˬmeuˬlaˆ 18:19

Kʼoeˇ naˇ, Zaˬdoˆ-euˬ aˬ li Aˬhiˇmaˆ gʼaˬ Yoˇbaˬ-ahˇ ehˇ nehˬ-eu, “Ngaˬ-ahˇ sahˬ paˬ jawˇ gaˇ bi cehˆ gʼoꞈ gʼeh laꞈ-awˇ, muiˇ-eu deuˬ-euˬ aˬ laꞈ laꞈ kʼoeˇ Sahˬpaˬ Miˬyehˇ neh aˬ yawꞈ-ahˇ ka kʼoꞈ nehˬ gʼaˬ-euˬ gaˇ kawˆ, laˬ kʼaˬ cehˇ-eu dawˬ bi tsaꞈ gaˬ-iˇ laꞈ-awˬ.”

2 Saˬmeuˬlaˆ 18:22

Aˬhiˇmaˆ ehˇ-eu, “Aˬ jeˬ pyeuꞈ kʼawꞈ ehˬ-ehˇ ngeuˇ-iˬ. Ngaˬ-ahˇ gaˇ kawˆ heu bi tsaꞈ gaˬ leˇ laꞈ-awˬ.” Yoˇbaˬ ehˇ-eu, “Aˬ li-oˇ, aˇ poeˬ tiˬ jeˬ-iˬ maˬ za-eu gaˇ-ahˇ, aˬ jeˬ miˇ neh nawˇ teu naˆ naˆ-ehˇ mˇ mawꞈ-eu nya.”

2 Saˬmeuˬlaˆ 20:25

Sheˬbaˇ-aˬ, saˇ naˇ gaˇ mˇ-eu paw aˬ yuiꞈ geuꞈ-euˬ meh. Zaˬdoˆ hawˇ-eu Aˬbyaˬdaˬ aˬ nyaꞈ-aˬ, piˇ ma pyeuꞈ-eu meh.

2 Saˬmeuˬlaˆ 8:17

Aˬhiˇtuˆ-euˬ aˬ li Zaˬdoˆ hawˇ-eu Aˬbyaˬdaˬ-euˬ aˬ li Aˬhiˇmaˬlehˇ aˬ nyaꞈ-aˬ, piˇ ma geuꞈ-euˬ meh. Seˬlehˇyaˬ gʼaˬ-aˬ, saˇ naˇ-ahˇ gaˇ tuˆ tehˬ-eu gʼaˬ geuꞈ-euˬ meh.

1 Sahˬpaˬ 1:34

Kʼoeˇ gaˇ iˇ keuˆ ngeh, piˇ ma Zaˬdoˆ hawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ aˬ nyaꞈ neh aˬ yawꞈ-ahˇ tsiˇ bi shehˆ daˆ-awˇ, Iˇsaˬleˬlaˆ miˇ kʼahˬ-euˬ sahˬ paˬ bi ka nehˬ-awˬ. Kʼoeˇ naˇ, daˇ heh baw-awˇ, ‘Sahˬ paˬ Sawˇlaˬmoˬ ziˇ baw ziˇ za luꞈ-uˇ’ lehˇ guˇ-awˬ.

1 Sahˬpaˬ 1:44

Piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ-ahˇ aˬ yawꞈ pyehˬ gʼeh-awˇ, Sawˇlaˬmoˬ-ahˇ bi sheuˬ gʼeh-euˬ meh. Aˬ yawꞈ maꞈ neh Sawˇlaˬmoˬ-ahˇ sahˬ paˬ-euˬ mahˬ shaˆ lawˬ bi dziˬ-euˬ meh.

1 Sahˬpaˬ 1:8

Ehˇ kʼawꞈ, piˇ ma Zaˬdoˆ, Yeˬhawˇyaˬdaˬ-euˬ aˬ li Baˬnaˇyaˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Shiˇmiˇ, Yeˬiˇ aˬ ha maꞈ hawˇ-eu, Daˬbiˇ-ahˇ loꞈ piˇ-eu deuˬ-aˬ, Aˬdawˇniˇyaˆ jawˇ paw maˬ pyawˬ-a.

1 Sahˬpaˬ 2:35

Kʼoeˇ naˇ, sahˬ paˬ Sawˇlaˬmoˬ neh Baˬnaˇyaˬ-ahˇ Yoˇbaˬ-euˬ dah zaˇ guiˇ maꞈ kʼoeˇ taˆ uˆ lahˇ-eu gʼaˬ bi geuꞈ-awˇ, Zaˬdoˆ-ahˇ Aˬbyaˬdaˬ-euˬ dah zaˇ piˇ ma bi geuꞈ-euˬ meh.

1 Laˬsaˬbaˬ 24:3

Daˬbiˇ-aˬ, Aˬloˬ-euˬ zaˬ deuˬ uˆ deuˬ-ahˇ aˇ muˇ biˇ paˆ nehˬ-awˇ, yawˬ ha-euˬ gaˇ yawˬ ha bi baw-euˬ meh. Aˬ yawꞈ kʼoeˇ loꞈ-ehˇ aˇ muˇ biˇ paˆ nehˬ ngeh, Eˇlaˬzaˬ aˇ jeuˬ pyeuꞈ-eu Zaˬdoˆ hawˇ-eu Iˇdaˬmaˬ aˇ jeuˬ pyeuꞈ-eu Aˬhiˇmaˬlehˇ aˬ nyaꞈ aˬ yawꞈ-ahˇ caw ba-euˬ meh.

1 Laˬsaˬbaˬ 6:7

Aˬmaˬliˇ, Aˬhiˇtuˆ,

1 Laˬsaˬbaˬ 6:9

Aˬzaˬziˇ, Yoˇhaˬnaˬ,

2 Laˬsaˬbaˬ 31:10

Kʼoeˇ ngeh, “Uˬ duˬ tahˬ nymˇ nymˇ ma laꞈ kʼoeˇ laꞈ sawˬ heu deuˬ yuˇ keuˆ laꞈ ngeh tiˬ nah neh, dzaˬ loꞈ dawˇ loꞈ-eu uˬ taꞈ, gʼawˬ mya ni dzehˬ laˇ taˬ-euˬ meh. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ guiˬ lahˬ biꞈ nehˬ-euˬ miˇ neh heu myaˆ myaˆ-ehˇ dzehˬ laˇ taˬ-euˬ meh” lehˇ, Zaˬdoˆ-euˬ aˬ li Piˇ ma Yaw huiˬ gʼaˬ pyeuꞈ-eu Zaˬkaˬliˇ neh sahˬ paˬ Heˬsaˬgiˇ-ahˇ ehˇ kʼoꞈ nehˬ-euˬ meh.