1 Laˬsaˬbaˬ 6:15 - Akha

¹⁵ Sahˬpaˬ Miˬyehˇ neh sahˬ paˬ Neˬbuˬkaˬneˬzaˬ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ bi nyehꞈ gʼeh ngeh, Yeˬhawˇzaˬdaˆ-ahˇ kʼawꞈ nyehꞈ gʼeh-euˬ meh.

1 Laˬsaˬbaˬ 6:15 ပူးပေါင်းရင်းမြစ်များ

2 Sahˬpaˬ 14:27

Ehˇ kʼawꞈ, Iˇsaˬleˬlaˆ tsawˇ haˬ deuˬ mˬ maˬ maˬ byaˆ zaˇ ziˇ cawˆ-iˇ gaˇ Sahˬpaˬ Miˬyehˇ maˬ geuꞈ mawꞈ-a. Kʼoeˇ miˇ neh, sahˬ paˬ Yeˬyawˇbamˬ-ahˇ gʼoe-awˇ, aˬ yawꞈ maꞈ-ahˇ ka kʼoꞈ nehˬ-euˬ meh.

2 Sahˬpaˬ 25:18

Kʼoeˇ uˬ taꞈ, guiˇ maꞈ-ahˇ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ-aˬ, piˇ ma yaw huiˬ gʼaˬ pyeuꞈ-eu Seˬlehˇyaˬ-ahˇ maˬ ehˇ, piˇ ma nyiˬ gʼaˬ tiˬ gʼaˬ pyeuꞈ-eu Zeˬpaˬniˇ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ luꞈ-eu yaw huiˬ smˇ gʼaˬ-ahˇ maˬ ehˇ, sheuˬ geuꞈ gʼeh-euˬ meh.

2 Sahˬpaˬ 25:21

Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ, Baˬbuˇloˬ sahˬ paˬ neh aˬ yawꞈ maꞈ-ahˇ sehꞈ-euˬ meh. Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ miˇ kʼahˬ laꞈ kʼoeˇ neh, aˬ cawˬ neh kʼoeˇ loꞈ-ehˇ bi nyehꞈ byoˆ gʼeh jiˇ-euˬ meh.

1 Laˬsaˬbaˬ 6:14

Seˬlehˇyaˬ, Yeˬhawˇzaˬdaˆ lehˇ meh.

1 Laˬsaˬbaˬ 6:16

Leˬbiˇ-aˬ, Geˬlaˬshoˬ, Kawˇhaˆ, Meˬlaˬliˇ lehˇ kuˇ-euˬ aˬ li smˬ li jawˇ-eu meh.

Eˇzaˬlaˬ 5:2

Aˬ yawꞈ nyaꞈ ehˇ-eu dawˬ-ahˇ Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu Yeˬhawˇzaˬdaˆ-euˬ aˬ li Yawˇshuˆ aˬ ha nyaꞈ ya gaˬ ngeh, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma tsoˆ muiˬ-eu gaˇ-ahˇ tiˬ poˆ paˇ dawꞈ leˇ-awˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ aˬ yawꞈ nyaꞈ-ahˇ caw ba nehˬ-euˬ meh.

Doˆ-iˇ 4:13

Ehˇ kʼawꞈ, Moˇseˬ ehˇ-eu, “Sahˬpaˬ Miˬyehˇ-oˇ, ngaꞈ-ahˇ maˬ ngeuˇ-ehˇ, aˬ geu gʼaˬ kʼawꞈ tiˬ gʼaˬ bi iˇ-awˬ lehˇ nawˬ-ahˇ ngaˇ shaˇ-eu ma.”

Yeˬlaˬmiˇ 39:9

Aˇ saˬ saˬ laˇ jawˬ-ehˇ, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ-aˬ, meuˬ laꞈ kʼoeˇ kʼaˇ dzeˇ-eu tsawˇ haˬ deuˬ hawˇ-eu, aˬ yawꞈ jawˇ paw kʼaˇ cehˆ uˇ leˇ-euˬ tsawˇ haˬ deuˬ-ahˇ Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Yeˬlaˬmiˇ 52:28

Neˬbuˬkaˬneˬzaˬ neh bi nyehꞈ gʼeh-euˬ tsawˇ haˬ jaˇ laˇ-aˬ, heu loꞈ-ehˇ meh. Aˬ yawꞈ sahˬ paˬ geuꞈ-euˬ shiꞈ kʼoꞈ tiˬ kʼoꞈ-ahˇ smˬ heˇ nyiˬ tseˇ smˇ gʼaˬ nyehꞈ gʼeh-euˬ meh.

Haˬgaiˇ 1:1

Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh.

Haˬgaiˇ 1:12

Kʼoeˇ naˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ maˬ ehˇ, Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ tsawˇ haˬ dawˬ tawˆ luꞈ maˬ ehˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ-euˬ dawˬ-ahˇ naˇ haˬ geuꞈ-euˬ meh.

Haˬgaiˇ 1:14

Kʼoeˇ naˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ hawˇ-eu, Baˬbuˇloˬ miˇ kʼahˬ-ahˇ neh gʼoꞈ doˆ le-euˬ tsawˇ haˬ dawˬ tawˆ luꞈ-euˬ nui ma-ahˇ Sahˬpaˬ Miˬyehˇ ciˬ tuˇ nehˬ-awˇ, aˬ yawꞈ maꞈ dawˬ tawˆ luꞈ, aˬ yawꞈ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ-euˬ meh.

Haˬgaiˇ 2:2

Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-ahˇ maˬ ehˇ, tsawˇ haˬ dawˬ tawˆ luꞈ-ahˇ maˬ ehˇ, heu loꞈ-ehˇ ehˇ nehˬ-awˬ lehˇ, Haˬgaiˇ-ahˇ Sahˬpaˬ Miˬyehˇ ehˇ nehˬ-euˬ meh.

Gʼaˬkʼehˇ 14:27

Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Lormav 15:18

Yuˇdaˆ tsawˇ haˬ maˬ ngeuˇ-eu deuˬ Miˬyehˇ-euˬ ehˇ dawˬ naˇ haˬ laˇ ni sheuˬ gʼeh-eu gʼaˇ duˬ, Ka li neh ngaˬ-ahˇ gʼoe-awˇ mˇ taˬ-euˬ gaˇ kawˆ heu-ahˇ tehꞈ-ehˇ kʼaˬ duˬ ni ngehˬ-eu tmˇ-eu ma. Aˬ yawꞈ kʼoeˇ loꞈ-ehˇ mˇ-euˬ kʼoeˇ-aˬ, ngehˬ-eu hawˇ-eu mˇ-eu nyiˬ jeˬ luꞈ-ahˇ gʼoe-awˇ mˇ-euˬ meh.