1 Laˬsaˬbaˬ 3:2 - Akha

² Smˇ gʼaˬ tiˬ gʼaˬ-aˬ, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ meh. Oeˬ gʼaˬ tiˬ gʼaˬ-aˬ, Haˬgiˇdaˇ o neh dehꞈ le-euˬ Aˬdawˇniˇyaˆ meh.

1 Laˬsaˬbaˬ 3:2 ပူးပေါင်းရင်းမြစ်များ

2 Saˬmeuˬlaˆ 13:1

Daˬbiˇ-euˬ aˬ li Aˬbaˇsaˬloˬ-aˬ, Taˬmaˬ lehˇ myahˇ-euˬ aˇ gʼehˇ muiˬ dui dui-eu dmˇ ma miˬ daꞈ tiˬ gʼaˬ jawˇ-eu meh. Aˬ ma yawˬ ma yawˬ-euˬ zaˬ pyeuꞈ-eu Aˬmaˬnoˬ lehˇ myahˇ-euˬ Daˬbiˇ-euˬ aˬ li tiˬ li-aˬ, aˬ yawꞈ-euˬ dmˇ ma kʼoeˇ gʼaˬ-ahˇ mawꞈ dui dui leˇ-eu meh.

2 Saˬmeuˬlaˆ 13:38

Aˬbaˇsaˬloˬ-aˬ, Geˬshuˇlaˆ meuˬ-ahˇ cehˆ leˇ-awˇ, smˇ kʼoꞈ jawˇ-euˬ meh.

2 Saˬmeuˬlaˆ 14:23

Kʼoeˇ naˇ, Geˬshuˇlaˆ meuˬ-ahˇ aˬ yawꞈ iˇ-awˇ, Aˬbaˇsaˬloˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ-euˬ meh.

2 Saˬmeuˬlaˆ 14:32

Aˬbaˇsaˬloˬ ehˇ-eu, “Nawˬ-ahˇ ngaˇ bi kuˇ laˬ-iˇ kʼawꞈ, nawˇ maˬ laˇ-eu miˇ neh, kʼoeˇ loꞈ-ehˇ bi jahˇ-euˬ ma. Ngaˬ-euˬ dah zaˇ nawˬ-ahˇ sahˬ paˬ jawˇ gaˇ bi le-awˇ, heu loꞈ-ehˇ bi ehˇ leˇ mawꞈ-eu ma. ‘Aˬ jeˬ miˇ neh ngaˬ-ahˇ Geˬshuˇlaˆ meuˬ-ahˇ neh heu gaˇ kuˇ kʼoꞈ-awˇ bi jawˇ laꞈ teˬ. Kʼoeˇ gaˇ jawˇ law nmˇ-aˬ, ngaˬ-euˬ gʼaˇ duˬ muiˬ dzehˬ tehꞈ-a’ lehˇ bi ehˇ leˇ mawꞈ-eu ma.” Aˬbaˇsaˬloˬ paˇ ehˇ-eu, “Ngaˇ sahˬ paˬ jawˇ gaˇ le mawˇ nya ni nawˇ shaˇ noeˬ nehˬ laꞈ-awˬ. Ngaˇ iˬ baˇ ahˇ naˇ kʼawꞈ, aˬ yawꞈ ngaˬ-ahˇ sehꞈ luꞈ-uˇ.”

2 Saˬmeuˬlaˆ 15:8

Suˇliˆ miˇ kʼahˬ Geˬshuˇlaˆ meuˬ-ahˇ ngaˇ jawˇ luꞈ ngeh, Sahˬpaˬ Miˬyehˇ ngaˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ gʼeh nehˬ laꞈ naˇ, Heˬbyoˬ meuˬ-ahˇ le-awˇ aˬ yawꞈ-ahˇ uˬ duˬ tahˬ leˇ ma lehˇ, ngaˬ neh saˇ jaˇ dzaˬ taˬ-euˬ jaˆ-eu ma.”

2 Saˬmeuˬlaˆ 18:14

Kʼoeˇ ngeh, “Ngaˇ nawˬ nehˬ-ehˇ ja ja-ehˇ jawˇ-eu aˇ yamˬ maˬ jaˆ” lehˇ Yoˇbaˬ ehˇ-awˇ, gahˬ smˬ kahˇ yuˇ-awˇ, tsuiꞈ kaˆ aˇ bawˇ-ahˇ yaw dehꞈ-ehˇ ngeuˬ luꞈ-eu Aˬbaˇsaˬloˬ-euˬ kʼahˬ-ahˇ joeˬ tsoˆ gʼeh-euˬ meh.

2 Saˬmeuˬlaˆ 18:18

Aˬbaˇsaˬloˬ yawˬ dehꞈ dehꞈ ngeh, aˬ yawꞈ-ahˇ bi noeˬ keuˆ-eu gʼaˇ duˬ, sahˬ paˬ-euˬ deh kʼawꞈ lehˇ kuˇ-eu jawˇ duˬ-ahˇ kʼaˬ lo ka tuˇ yaꞈ-euˬ meh. Aˬ jeˬ miˇ neh ehˇ naˇ, aˬ yawꞈ zaˬ maˬ jawˇ-eu miˇ neh, aˬ yawꞈ-euˬ tsawˇ myahˇ maˬ bi byoˆ-iˇ ni pi ka gʼeh-eu gʼaˬ maˬ jawˇ-a. Aˬ yawꞈ neh ka tuˇ yaꞈ-euˬ kʼaˬ lo kʼoeˇ-ahˇ, aˬ yawꞈ-euˬ tsawˇ myahˇ myahˇ nehˬ-awˇ, iˬ nah keuˆ ni Aˬbaˇsaˬloˬ-ahˇ noeˬ keuˆ-eu kʼaˬ lo kʼawˇ zeuˇ lehˇ kuˇ luꞈ-eu meh.

2 Saˬmeuˬlaˆ 18:33

Kʼoeˇ ngeh, sahˬ paˬ noeˬ shaˬ dui dui-awˇ, meuˬ-euˬ lahˇ kʼehˬ laˇ gʼoˆ laꞈ taˆ jaˆ-eu jawˇ duˬ-ahˇ le uˇ-awˇ ngoeˇ-euˬ meh. Aˬ yawꞈ daˆ leˇ leꞈ-euˬ nehˬ-ehˇ, “Ngaˬ li Aˬbaˇsaˬloˬ-oˇ. Ngaˬ li-oˇ. Ngaˬ li Aˬbaˇsaˬloˬ-oˇ. Aˬ jeˬ miˇ neh nawˬ-euˬ dah zaˇ ngaˬ-ahˇ maˬ bi shiˇ laꞈ ta. Ngaˬ li Aˬbaˇsaˬloˬ-oˇ” lehˇ, dawˬ kawˬ kawˬ kawˬ-ehˇ ngoeˇ-euˬ meh.

2 Saˬmeuˬlaˆ 3:3

Gaˬlaˬmeˬlaˇ meuˬ-ahˇ jawˇ-eu Naˬbaˬlaˇ-euˬ miˬ coeˬ Aˬbiˇgeˬlaˆ o neh dehꞈ le-euˬ Ciˇleh, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ,

2 Saˬmeuˬlaˆ 3:4

Haˬgiˇdaˇ o neh dehꞈ le-euˬ Aˬdawˇniˇyaˆ, Aˬbiˇtaˬlaˆ o neh dehꞈ le-euˬ Sheˬpaˬtiˇ,

1 Sahˬpaˬ 1:5

Haˬgiˇdaˇ o neh dehꞈ le-euˬ Daˬbiˇ-euˬ aˬ li Aˬdawˇniˇyaˆ-aˬ, aˬ yawˇ yawꞈ taˬ huiˬ taˬ mahˇ-eu laꞈ kʼoeˇ, “Ngaˇ sahˬ paˬ geuꞈ ma” lehˇ ehˇ-awˇ, aˬ yawꞈ zmˬ-eu gʼaˇ duˬ mahˬ laˆ lawˬ hawˇ-eu mahˬ maˬ ehˇ, aˬ yawꞈ-euˬ mehˬ shi cah-awˇ aˬ yawꞈ-ahˇ bi loꞈ piˇ-eu gʼaˇ duˬ yehˇ ngaˬ tseˇ gʼaˬ maˬ ehˇ, lehˬ hmˬ taˬ-euˬ meh.

1 Sahˬpaˬ 1:6

“Nawˇ aˬ jeˬ miˇ neh teu loꞈ-ehˇ jahˇ te” lehˇ ehˇ-awˇ, aˬ yawꞈ-euˬ aˬ da aˬ yawꞈ-ahˇ tiˬ jawˇ-iˬ tiˬ jeˬ-iˬ maˬ laˆ tsoeˬ nehˬ haw-aˬ. Aˬ yawꞈ-aˬ, pyawˬ naˬ aˇ gʼehˇ muiˬ dui dui-awˇ, shiˇ dzeuˇ-euˬ Aˬbaˇsaˬloˬ jiˇ naˇ, sahˬ paˬ zaˬ yo deuˬ laꞈ kʼoeˇ aˬ cawˬ naˆ maˬ tseˇ yuiꞈ dzehˬ-eu gʼaˬ pyeuꞈ-eu meh.

1 Sahˬpaˬ 2:22

Sahˬ paˬ Sawˇlaˬmoˬ ehˇ-eu, “Shuˇneˬ meuˬ-ahˇ jawˇ-eu Aˬbiˇshehˇ-ahˇ Aˬdawˇniˇyaˆ bi sheuˬ-awˬ lehˇ, aˬ jeˬ baˬ da neh nawˇ ngaˬ-ahˇ shaˇ te. Ngaˬ-euˬ miˇ kʼahˬ kʼawꞈ aˬ yawꞈ-ahˇ biꞈ-awˬ lehˇ shaˇ-awˬ tawˇ. Dawˬ tawˆ luꞈ ya ehˇ jiˇ naˇ, aˬ yawꞈ ngaˬ-euˬ aˇ doˆ pyeuꞈ-awˇ, piˇ ma Aˬbyaˬdaˬ hawˇ-eu Zeˬluˇyaˆ-euˬ aˬ li Yoˇbaˬ aˬ ha nyaꞈ kʼawꞈ, aˬ yawꞈ jawˇ paw pyawˬ-eu meh.”

1 Laˬsaˬbaˬ 2:23

Ehˇ kʼawꞈ, Geˬshuˇlaˆ miˇ kʼahˬ hawˇ-eu Aˬlamˬ miˇ kʼahˬ-aˬ, Yaˬiˇlaˆ pu, Jeˇnaˆ pu hawˇ-eu, dawˬ peh jaˆ-eu meuˬ deuˬ ahˇ leˇ-ehˇ, kʼoeˇ gaˇ jaˆ-eu meuˬ koꞈ tseˇ meuˬ-ahˇ deuˆ gʼaˬ-euˬ meh. Kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ, Giˇlaˆ-euˬ aˬ da Maˬkiˬlaˇ-euˬ zaˬ deuˬ uˆ deuˬ tehꞈ meh.

1 Laˬsaˬbaˬ 3:1

Sahˬ paˬ Daˬbiˇ Heˬbyoˬ meuˬ-ahˇ jawˇ ngeh dehꞈ le-euˬ aˬ yawꞈ-euˬ aˬ li deuˬ-aˬ, heu deuˬ meh. Aˬ li aˬ yuiꞈ yuiꞈ saˬ gʼaˬ-aˬ, Yeˬzaˬleˬlaˇ meuˬ-ahˇ jawˇ-eu Aˬhiˇnoˬ o neh dehꞈ le-euˬ Aˬmaˬnoˬ meh. Nyiˬ gʼaˬ tiˬ gʼaˬ-aˬ Gaˬlaˬmeˬlaˇ meuˬ-ahˇ jawˇ-eu Aˬbiˇgeˬlaˆ o neh dehꞈ le-euˬ Daˬyeˬlaˇ meh.

1 Laˬsaˬbaˬ 3:3

Ngaˬ gʼaˬ tiˬ gʼaˬ-aˬ, Aˬbiˇtaˬlaˇ o neh dehꞈ le-euˬ Sheˬpaˬtiˇ meh. Koꞈ gʼaˬ tiˬ gʼaˬ-aˬ, Eˇgaˬlahˬ o neh dehꞈ le-euˬ Iˇdaˬlamˬ meh.

Yawˇshuˆ 13:13

Ehˇ kʼawꞈ, Geˬshuˇlaˆ tsawˇ jeuˬ hawˇ-eu Mawˇkah tsawˇ jeuˬ-ahˇ Iˇsaˬleˬlaˆ tsawˇ haˬ deuˬ maˬ teh doˆ-a. Aˬ yawꞈ maꞈ iˬ nah keuˆ ni Iˇsaˬleˬlaˆ miˇ kʼahˬ laꞈ kʼoeˇ jawˇ luꞈ-eu meh.