1 Laˬsaˬbaˬ 3:15 - Akha

¹⁵ Yawˇshiˆ-aˬ, Yoˇhaˬnaˬ, Yeˬhawˇyaˬkmˬ, Zeˬdaˬkiˇ, Yeˬhawˇhaˆ lehˇ myahˇ-euˬ aˬ li oeˬ li jawˇ-eu meh.

1 Laˬsaˬbaˬ 3:15 ပူးပေါင်းရင်းမြစ်များ

2 Sahˬpaˬ 23:31

Yoˇaˬhaˆ Yuˇdaˆ sahˬ paˬ pyeuꞈ laˇ ngeh, nyiˬ tseˇ smˇ kʼoꞈ kʼawˆ-awˇ, Yeˬluˇsaˬlehˬ meuˬ-ahˇ jawˇ-awˇ ba la smˇ siˬ uˆ lahˇ-euˬ meh. Aˬ yawꞈ-euˬ aˬ ma-aˬ, Liˇbaˬnahˬ meuˬ-ahˇ jawˇ-eu Yeˬlaˬmiˇ-euˬ aˬ buˇ Haˬmuˇtaˬlaˇ meh.

2 Sahˬpaˬ 23:34

Sahˬ paˬ Neˬkawˇ neh, Yawˇshiˆ-euˬ dah zaˇ Yawˇshiˆ-euˬ aˬ li Eˇliˇkmˬ gʼaˬ-ahˇ sahˬ paˬ ka nehˬ-awˇ, Yeˬhawˇyaˬkmˬ lehˇ tsawˇ myahˇ myahˇ paˇ nehˬ-euˬ meh. Yoˇaˬhaˆ-aˬ, sahˬ paˬ Neˬkawˇ neh Iˇjiˇtuˆ miˇ kʼahˬ-ahˇ bi sheuˬ ka gʼeh-awˇ, kʼoeˇ gaˇ shiˇ-euˬ meh.

2 Sahˬpaˬ 24:17

Yeˬhawˇyaˬciˬ-euˬ aˬ zawˇ Maˬtaˬniˇ-ahˇ Neˬbuˬkaˬneˬzaˬ neh sahˬ paˬ ka nehˬ yaꞈ-awˇ, Zeˬdaˬkiˇ lehˇ tsawˇ myahˇ myahˇ paˇ nehˬ-euˬ meh.

1 Laˬsaˬbaˬ 3:14

Aˬmoˬ, Yawˇshiˆ lehˇ meh.

1 Laˬsaˬbaˬ 3:16

Yeˬhawˇyaˬkmˬ-aˬ, Yeˬhawˇyaˬciˬ hawˇ-eu Zeˬdaˬkiˇ lehˇ myahˇ-euˬ aˬ li nyiˬ li jawˇ-eu meh.

2 Laˬsaˬbaˬ 36:1

Yuˇdaˆ miˇ kʼahˬ zaˬ deuˬ Yawˇshiˆ-euˬ aˬ li Yoˇaˬhaˆ-ahˇ sahˬ paˬ ka nehˬ-awˇ, Yeˬluˇsaˬlehˬ meuˬ-ahˇ jawˇ-awˇ bi uˆ lahˇ-euˬ meh.

2 Laˬsaˬbaˬ 36:10

Jawˇ la doˆ le ngeh, sahˬ paˬ Neˬbuˬkaˬneˬzaˬ neh Yeˬhawˇyaˬciˬ-ahˇ Baˬbuˇloˬ meuˬ-ahˇ nyehꞈ gʼeh-awˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ kʼawꞈ yuˇ geuꞈ gʼeh-euˬ meh. Kʼoeˇ naˇ, Neˬbuˬkaˬneˬzaˬ neh Yeˬhawˇyaˬciˬ-euˬ aˬ zawˇ Zeˬdaˬkiˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ kʼoeˇ taˆ sahˬ paˬ bi geuꞈ-euˬ meh.

Yeˬlaˬmiˇ 1:3

Yawˇshiˆ-euˬ aˬ li Yeˬhawˇyaˬkmˬ sahˬ paˬ geuꞈ-awˇ uˆ lahˇ ngeh kʼawꞈ, tiˬ poˆ paˇ keuˆ le-euˬ meh. Kʼoeˇ ngeh neh naˇ, Yawˇshiˆ-euˬ aˬ li Zeˬdaˬkiˇ sahˬ paˬ geuꞈ-awˇ uˆ lahˇ-euˬ tseˇ tiꞈ kʼoꞈ tiˬ kʼoꞈ-ahˇ keuˆ ni, Sahˬpaˬ Miˬyehˇ-euˬ dawˬ aˬ yawꞈ kʼoeˇ taˆ tiˬ poˆ saˇ-iˬ tiˬ poˆ keuˆ le-euˬ meh. Kʼoeˇ ngeh kʼoꞈ ba la ngaˬ siˬ tiˬ siˬ-ahˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ aˬ cawˬ nyehꞈ gʼeh-euˬ meh.

Yeˬlaˬmiˇ 22:11

Aˬ da gʼaˬ-euˬ dah zaˇ Yuˇdaˆ miˇ kʼahˬ-euˬ sahˬ paˬ geuꞈ-euˬ Yawˇshiˆ-euˬ aˬ li Yoˇaˬhaˆ-euˬ gaˇ kawˆ, Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ duˬ heu tsahˇ-ahˇ neh aˬ yawꞈ iˇ byoˆ gʼeh-awˇ, tiˬ jawˇ-iˬ maˬ paˇ ya gʼoꞈ doˆ laˇ meh.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Yeˬlaˬmiˇ 24:8

“Ehˇ kʼawꞈ, Yuˇdaˆ sahˬ paˬ Zeˬdaˬkiˇ maˬ ehˇ, aˬ yawꞈ nehˬ-ehˇ sahˬ paˬ sahˬ ma geuꞈ-awˇ miˇ kʼahˬ-ahˇ uˆ lahˇ-eu deuˬ maˬ ehˇ, miˇ kʼahˬ heu kʼahˬ laꞈ kʼoeˇ kʼaˇ jawˇ yaꞈ-euˬ deuˬ hawˇ-eu, Iˇjiˇtuˆ miˇ kʼahˬ-ahˇ cehˆ jawˇ-iˇ-euˬ deuˬ maˬ ehˇ, maˬ dzaˬ nya ni doeˇ-eu siˬ guˬ aˇ siˬ loꞈ-ehˇ ngaˇ sawˇ ma.

Yeˬlaˬmiˇ 26:1

Yawˇshiˆ-euˬ aˬ li Yeˬhawˇyaˬkmˬ Yuˇdaˆ sahˬ paˬ pyeuꞈ laˇ-euˬ gʼawˬ myahˇ maˬ gʼeh-ehˇ, Sahˬpaˬ Miˬyehˇ-euˬ dawˬ, ngaˇ jawˇ gaˇ heu loꞈ-ehˇ keuˆ le-euˬ meh.

Yeˬlaˬmiˇ 37:1

Baˬbuˇloˬ sahˬ paˬ Neˬbuˬkaˬneˬzaˬ neh, Yeˬhawˇyaˬkmˬ-euˬ aˬ li Yeˬhawˇyaˬciˬ-euˬ jawˇ duˬ-ahˇ, Yawˇshiˆ-euˬ aˬ li Zeˬdaˬkiˇ-ahˇ Yuˇdaˆ sahˬ paˬ bi geuꞈ-euˬ meh.