1 Laˬsaˬbaˬ 28:19 - Akha

¹⁹ “Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

1 Laˬsaˬbaˬ 28:19 ပူးပေါင်းရင်းမြစ်များ

1 Sahˬpaˬ 6:38

Sawˇlaˬmoˬ uˆ lahˇ-euˬ tseˇ tiꞈ kʼoꞈ byah ngeh kʼoꞈ, ba la yehꞈ siˬ tiˬ siˬ pyeuꞈ-eu Buˇlaˆ ba la-ahˇ, yaw beh neh kʼaˇ noeˬ taˬ-euˬ loꞈ-ehˇ, Uˬ duˬ tahˬ nymˇ nymˇ ma tsoˆ gʼaˬ-euˬ meh. Sawˇlaˬmoˬ neh Uˬ duˬ tahˬ nymˇ nymˇ ma tsoˆ-euˬ aˇ yamˬ shiꞈ kʼoꞈ ga-iˇ-euˬ meh.

Doˆ-iˇ 25:40

Heu deuˬ dawˬ tawˆ luꞈ-ahˇ, ngaˬ neh nawˬ-ahˇ gawˬ jawˬ kʼoeˇ taˆ kʼaˇ mehˬ nehˬ-euˬ loꞈ-ehˇ, maˬ bi beu-iˇ ni jahˇ-awˬ.

Doˆ-iˇ 26:30

Gawˬ jawˬ kʼoeˇ taˆ, ngaˬ neh nawˬ-ahˇ mehˬ nehˬ-euˬ loꞈ-ehˇ, sehˬ gʼawˆ tsoˆ-awˬ.

Yeˬsaˬgeˬlaˇ 1:3

Baˬbuˇloˬ miˇ kʼahˬ Ceˬbaˬ lawˇ baˬ lawˇ dzeˇ kʼoeˇ gaˇ, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ ngaˇ ya gaˬ-awˇ, aˬ yawꞈ-euˬ baoˬ ngaˬ-euˬ kʼoeˇ taˆ keuˆ le-euˬ meh.

Yeˬsaˬgeˬlaˇ 3:14

Gʼaˬ kʼaˆ dui dui-eu Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ oe-awˇ, aˬ yawꞈ-euˬ yaw sahˇ ngaˬ-ahˇ ciˬ gʼeh ngeh, ngaˇ nui ma naˇ-awˇ, nui ma pehˇ-euˬ ma.

Yeˬsaˬgeˬlaˇ 3:22

Sahˬpaˬ Miˬyehˇ-euˬ baoˬ ngaˬ nehˬ-ehˇ jawˇ-eu meh lehˇ ngaˬ-ahˇ siˬ laˇ-awˇ, aˬ yawꞈ ngaˬ-ahˇ ehˇ-eu, “Tuˇ-awˇ, deh kʼawꞈ-ahˇ iˇ-awˬ. Kʼoeˇ gaˇ, nawˬ-ahˇ ngaˇ dawˬ ngehˬ cawˬ le ma.”

Yeˬsaˬgeˬlaˇ 40:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Miˬyehˇ ngaˬ-ahˇ Iˇsaˬleˬlaˆ miˇ kʼahˬ laꞈ kʼoeˇ sheuˬ gʼeh-awˇ, gawˬ jawˬ yaw goˇ tiˬ jawˬ kʼoeˇ taˆ ciˬ taˬ nehˬ laꞈ-euˬ meh. Ngaˬ-euˬ mehˬ shi nymˇ tiˬ deuˬ jaˆ-awˇ, meuˬ-ahˇ duˇ gaˇ ya mawˇ-euˬ ma.