1 Laˬsaˬbaˬ 28:12 - Akha

¹² Poˆ kaˬ deuˬ hawˇ-eu, poˆ kaˬ jawˬ jawˬ-ehˇ bi jaˆ-eu aˇ lawˆ deuˬ tsoˆ-eu gʼaˇ duˬ maˬ ehˇ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ hawˇ-eu, Sahˬpaˬ Miˬyehˇ-ahˇ kʼaˇ damˬ nehˬ laˇ-euˬ jeˬ-ahˇ bi jeˬ hmˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˬ yawꞈ neh kʼaˇ noeˬ doˆ-euˬ loꞈ-ehˇ aˇ kawˆ kawˆ taˬ-euˬ jeˬ kʼawꞈ, biꞈ nehˬ-euˬ meh.

1 Laˬsaˬbaˬ 28:12 ပူးပေါင်းရင်းမြစ်များ

1 Sahˬpaˬ 14:26

Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu myawˬ gahˬ dawˬ tawˆ luꞈ, aˬ yawꞈ yuˇ geuꞈ gʼeh-euˬ meh. Shuiˇ neh jahˇ taˬ-euˬ sahˬ paˬ Sawˇlaˬmoˬ-euˬ dehˬ daˬ duˬ kʼoeˇ deuˬ kʼawꞈ, yuˇ geuꞈ gʼeh-euˬ meh.

1 Sahˬpaˬ 15:15

Aˬ yawꞈ-euˬ aˬ da neh Miˬyehˇ-ahˇ damˬ nehˬ-euˬ mˇ myawˬ dawˬ tawˆ luꞈ maˬ ehˇ, aˬ yawꞈ neh damˬ nehˬ-euˬ shuiˇ hawˇ-eu pyuˇ neh jahˇ taˬ-euˬ mˇ myawˬ deuˬ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ bi jaˆ-euˬ meh.

1 Sahˬpaˬ 15:18

Kʼoeˇ ngeh jawˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu pyuˇ hawˇ-eu shuiˇ deuˬ-ahˇ sahˬ paˬ Aˬsaˬ yuˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ biꞈ-awˇ, Heˬzoˬ-euˬ aˬ li Taˬbiˇmoˇ-euˬ aˬ li pyeuꞈ-eu Daˬmaˬsehˇ meuˬ-ahˇ jawˇ-eu Suˇliˆ sahˬ paˬ Beˬhaˬdaˇ jawˇ gaˇ bi yuˇ gʼeh-awˇ, heu loꞈ-ehˇ dawˬ tsaꞈ bi tsaꞈ leˇ-euˬ meh.

1 Sahˬpaˬ 7:51

Uˬ duˬ tahˬ nymˇ nymˇ ma tsoˆ-eu gaˇ yawˬ jeˬ na luꞈ-ahˇ sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ, Uˬ duˬ tahˬ nymˇ nymˇ ma laꞈ kʼoeˇjaˆ-eu myawˬ taˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

2 Sahˬpaˬ 16:8

Uˬ duˬ tahˬ nymˇ nymˇ ma laꞈ kʼoeˇ hawˇ-eu sahˬ paˬ-euˬ pyuˇ cehˇ jiˇ laꞈ kʼoeˇ jaˆ-eu pyuˇ hawˇ-eu shuiˇ deuˬ, sahˬ paˬ Tiˇgaˬlaˇpaˬleˬsaˬ-ahˇ laꞈ sawˬ bi biꞈ leˇ-euˬ meh.

2 Sahˬpaˬ 18:15

Uˬ duˬ tahˬ nymˇ nymˇ ma hawˇ-eu sahˬ paˬ-euˬ pyuˇ cehˇ jiˇ laꞈ kʼoeˇ kʼaˇ jaˆ-eu pyuˇ dawˬ tawˆ luꞈ Heˬsaˬgiˇ yuˇ doˆ-awˇ, Aˬshuˇliˆ sahˬ paˬ jawˇ gaˇ bi sha ha leˇ-euˬ meh.

1 Laˬsaˬbaˬ 26:20

Aˬ yawꞈ maꞈ-euˬ tsawˇ jeuˬ pyeuꞈ-eu Leˬbiˇ tsawˇ haˬ nui deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, Miˬyehˇ-ahˇ damˬ nehˬ-euˬ jeˬ laˆ saˆ jeˬ hmˬ taˬ-eu aˇ lawˆ deuˬ-ahˇ ya haw piˇ-eu meh.

1 Laˬsaˬbaˬ 28:11

Uˬ duˬ tahˬ nymˇ nymˇ ma tsoˆ-eu gʼaˇ duˬ aˇ kawˆ kawˆ taˬ-euˬ jeˬ dawˬ tawˆ luꞈ, Sawˇlaˬmoˬ-ahˇ Daˬbiˇ biꞈ nehˬ-euˬ meh. Myawˬ gahˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˇ lawˆ nui deuˬ tsoˆ-eu gʼaˇ duˬ maˬ ehˇ, iˬ baˇ pyehˬ nehˬ-eu jawˇ duˬ pyeuꞈ-eu Muiˬ dui shawˇ dui dui-eu aˇ lawˆ tsoˆ-eu gʼaˇ duˬ maˬ ehˇ, aˇ kawˆ kʼaˇ kawˆ taˬ-euˬ yawˬ jeˬ na luꞈ aˬ yawꞈ-ahˇ biꞈ nehˬ-euˬ meh.

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

Doˆ-iˇ 25:40

Heu deuˬ dawˬ tawˆ luꞈ-ahˇ, ngaˬ neh nawˬ-ahˇ gawˬ jawˬ kʼoeˇ taˆ kʼaˇ mehˬ nehˬ-euˬ loꞈ-ehˇ, maˬ bi beu-iˇ ni jahˇ-awˬ.

Doˆ-iˇ 31:2

“Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-ahˇ ngaˇ tseˇ doˆ gʼaˬ-euˬ ma.

Yeˬlaˬmiˇ 35:2

“Leˬkaˆ tsawˇ jeuˬ jawˇ gaˇ iˇ-awˇ dawˬ ngehˬ cawˬ-iˇ-awˬ. Kʼoeˇ naˇ, Uˬ duˬ tahˬ nymˇ nymˇ ma-ahˇ jaˆ-eu kuˆ lawˆ tiˬ lawˆ laꞈ kʼoeˇ aˬ yawꞈ maꞈ-ahˇ sheuˬ ahˇ-awˇ, aˬ gaꞈ dzaˇ uiˇ bi dawˇ-awˬ.”

Yeˬsaˬgeˬlaˇ 40:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Miˬyehˇ ngaˬ-ahˇ Iˇsaˬleˬlaˆ miˇ kʼahˬ laꞈ kʼoeˇ sheuˬ gʼeh-awˇ, gawˬ jawˬ yaw goˇ tiˬ jawˬ kʼoeˇ taˆ ciˬ taˬ nehˬ laꞈ-euˬ meh. Ngaˬ-euˬ mehˬ shi nymˇ tiˬ deuˬ jaˆ-awˇ, meuˬ-ahˇ duˇ gaˇ ya mawˇ-euˬ ma.

Yeˬsaˬgeˬlaˇ 40:38

Laꞈ taˆ paw pyawˬ-ahˇ jaˆ-eu laꞈ kʼoeˇ lahˇ kʼehˬ gaˇ ma-ahˇ tawꞈ-ehˇ, laꞈ nyiˇ pu kaˬ paw-ehˇ mehˬ shi pyawˇ-awˇ tsoˆ doˆ taˬ-euˬ aˇ lawˆ tiˬ lawˆ jaˆ-eu meh. Aˇ lawˆ kʼoeˇ lawˆ pu kaˬ mehˬ shi jaˆ-eu kuˆ lawˆ lawˆ ma-ahˇ laˇ gʼoˆ dahˇ tawꞈ-awˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu lehˇ sehꞈ-euˬ jeˬ zaˬ deuˬ-ahˇ aˇ lawˆ kʼoeˇ lawˆ laꞈ kʼoeˇ tsiˬ shawˇ-eu meh.

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.