1 Laˬsaˬbaˬ 28:11 - Akha

¹¹ Uˬ duˬ tahˬ nymˇ nymˇ ma tsoˆ-eu gʼaˇ duˬ aˇ kawˆ kawˆ taˬ-euˬ jeˬ dawˬ tawˆ luꞈ, Sawˇlaˬmoˬ-ahˇ Daˬbiˇ biꞈ nehˬ-euˬ meh. Myawˬ gahˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˇ lawˆ nui deuˬ tsoˆ-eu gʼaˇ duˬ maˬ ehˇ, iˬ baˇ pyehˬ nehˬ-eu jawˇ duˬ pyeuꞈ-eu Muiˬ dui shawˇ dui dui-eu aˇ lawˆ tsoˆ-eu gʼaˇ duˬ maˬ ehˇ, aˇ kawˆ kʼaˇ kawˆ taˬ-euˬ yawˬ jeˬ na luꞈ aˬ yawꞈ-ahˇ biꞈ nehˬ-euˬ meh.

1 Laˬsaˬbaˬ 28:11 ပူးပေါင်းရင်းမြစ်များ

1 Sahˬpaˬ 6:10

Aˬ yawꞈ tiˆ yawꞈ ngaˬ caˆ goˇ-awˇ, smˬ tiˆ baw-eu nymˇ kʼawꞈ, Uˬ duˬ tahˬ nymˇ nymˇ ma-euˬ kaˇ pyawˇ laꞈ nyiˇ jawˬ jawˬ-ehˇ tsoˆ doˆ-awˇ, shuˬ liˇ pyaꞈ dmˬ neh kaˇ pyawˇ-ahˇ tsoˆ tawꞈ taˬ-euˬ meh.

1 Sahˬpaˬ 6:3

Uˬ duˬ tahˬ nymˇ mehˬ shi tsoˆ doˆ taˬ-euˬ uˇ leˇ duˬ-ahˇ jaˆ-eu aˇ lawˆ kʼoeˇ lawˆ kʼawꞈ, yaw jeˇ paw Uˬ duˬ tahˬ nymˇ naˆ ni ngaˬ lmˇ jeˇ-awˇ, yaw mahˇ paw nyiˬ lmˇ nui paˆ byah-eu meh.

1 Laˬsaˬbaˬ 28:12

Poˆ kaˬ deuˬ hawˇ-eu, poˆ kaˬ jawˬ jawˬ-ehˇ bi jaˆ-eu aˇ lawˆ deuˬ tsoˆ-eu gʼaˇ duˬ maˬ ehˇ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ hawˇ-eu, Sahˬpaˬ Miˬyehˇ-ahˇ kʼaˇ damˬ nehˬ laˇ-euˬ jeˬ-ahˇ bi jeˬ hmˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˬ yawꞈ neh kʼaˇ noeˬ doˆ-euˬ loꞈ-ehˇ aˇ kawˆ kawˆ taˬ-euˬ jeˬ kʼawꞈ, biꞈ nehˬ-euˬ meh.

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

2 Laˬsaˬbaˬ 5:7

Kʼoeˇ naˇ, piˇ ma deuˬ Dawˬ ma saˇ jaˇ Bahˬ keuˆ-ahˇ Uˬ duˬ tahˬ nymˇ nymˇ ma laꞈ kʼoeˇ baꞈ ahˇ gʼeh-awˇ, Muiˬ dui shawˇ dui dui-eu Jawˇ duˬ-ahˇ jeˬluˇbeˬ mawˇ kawˇ-euˬ uˬ moˆ baꞈ taˬ-euˬ meh.

Neˬhaˬmiˇ 13:5

Aˬ yawꞈ-aˬ, Tawˇbyaˬ-ahˇ huiˬ dui dui-eu aˇ lawˆ tiˬ lawˆ biꞈ-awˇ bi zmˬ-euˬ meh. Aˇ lawˆ kʼoeˇ lawˆ-aˬ, damˬ nehˬ laˇ-euˬ dzaˬ la gʼo cehˇ hawˇ-eu tsiˇ yaw saw jeˬ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ, piˇ ma deuˬ-ahˇ damˬ nehˬ-euˬ jeˬ hawˇ-eu, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma-ahˇ loꞈ-eu deuˬ gʼaˇ duˬ damˬ taˬ-euˬ cehˇ, aˬ gaꞈ dzaˇ uiˇ hawˇ-eu saˬ loˬ tsiˇ tseˇ bymˇ tiˬ bymˇ, heu deuˬ jeˬ hmˬ taˬ-euˬ gʼaˇ duˬ bi jaˆ-eu lawˆ pyeuꞈ-eu meh.

Doˆ-iˇ 25:40

Heu deuˬ dawˬ tawˆ luꞈ-ahˇ, ngaˬ neh nawˬ-ahˇ gawˬ jawˬ kʼoeˇ taˆ kʼaˇ mehˬ nehˬ-euˬ loꞈ-ehˇ, maˬ bi beu-iˇ ni jahˇ-awˬ.

Doˆ-iˇ 25:9

Sehˬ gʼawˆ hawˇ-eu, sehˬ gʼawˆ laꞈ kʼoeˇ bi jaˆ-eu keu ka deuˬ-ahˇ, ngaˇ nawˬ-ahˇ mehˬ nehˬ-eu loꞈ-ehˇ tsoˆ-awˬ.

Doˆ-iˇ 26:30

Gawˬ jawˬ kʼoeˇ taˆ, ngaˬ neh nawˬ-ahˇ mehˬ nehˬ-euˬ loꞈ-ehˇ, sehˬ gʼawˆ tsoˆ-awˬ.

Yeˬlaˬmiˇ 35:2

“Leˬkaˆ tsawˇ jeuˬ jawˇ gaˇ iˇ-awˇ dawˬ ngehˬ cawˬ-iˇ-awˬ. Kʼoeˇ naˇ, Uˬ duˬ tahˬ nymˇ nymˇ ma-ahˇ jaˆ-eu kuˆ lawˆ tiˬ lawˆ laꞈ kʼoeˇ aˬ yawꞈ maꞈ-ahˇ sheuˬ ahˇ-awˇ, aˬ gaꞈ dzaˇ uiˇ bi dawˇ-awˬ.”

Yeˬsaˬgeˬlaˇ 40:15

Lahˇ-euˬ laꞈ nyiˇ pyawˬ-ahˇ neh, gaˇ ma iˇ dzaˬ saˬ-iˇ-euˬ gaˇ jaˆ-eu kuˆ lawˆ kʼoeˇ lawˆ-euˬ kaˇ pyawˇ laꞈ nyiˇ pyawˬ-ahˇ keuˆ ni dza haw ngeh, gaˇ ma kʼoeˇ kahˇ-euˬ yaw mahˇ tseˇ nyiꞈ lmˇ nui paˆ byah-eu meh.

Luˇkaꞈ 21:1

Yeˬsuˇ haw gʼeh ngeh, smˇ muiˬ smˇ baw deuˬ pyuˇ daˬ dawˆ duˬ-ahˇ pyuˇ daˬ dawˆ luꞈ gaˇ ya mawˇ-euˬ meh.

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.